ഇടം

അതിനുശേഷവും അയാളുടെ മേല്‍ വെട്ടുകത്തിയുമായി...

2010-07-11T11:26:00.001+05:30

പാഠഭേദം ജൂലൈ എഡിറ്റോറിയല്‍
എ.പി. കുഞ്ഞാമു, ടോമി മാത്യു ,വടക്കേടത്ത് പത്മനാഭന്‍, സിവിക് ചന്ദ്രന്‍

സംബന്ധ വീട്ടില്‍ അന്തിയുറങ്ങാന്‍ പോയ പോലീസുകാരനെ പതിയിരുന്നു് വെട്ടിവീഴ്ത്തി വിപ്ലവം നീണാള്‍ വാഴട്ടെ എന്നു് വിജയഘോഷം മുഴക്കിയ നക്സലൈറ്റുകളെക്കുറിച്ചൊരു കഥയുണ്ടു് മലയാളത്തില്‍. ഈ കഥ ഓര്‍ത്തു പോയതു് മൂവാറ്റുപുഴയില്‍ ടി.ജെ.ജോസഫ് എന്ന അധ്യാപകന്റെ കൈപ്പത്തി വെട്ടിമാറ്റി ചിലര്‍ "പ്രവാചക' സ്നേഹം പ്രകടിപ്പിച്ചപ്പോഴാണു്. ഈ അധ്യാപകന്‍ ന്യായമായും മുസ്ലീംകളുടെ അതൃപ്തിക്കു് ഇരയാണു്. ഞരമ്പുരോഗികളില്‍ നിന്നുപോലും പ്രതീക്ഷിച്ചു കൂടാത്തത്ര അപക്വതയോടെ പ്രവാചകനെ വിശേഷിപ്പിച്ച ആ മനുഷ്യന്‍ അതൃപ്തിയല്ലാതെ മറ്റെന്താണര്‍ഹിക്കുന്നത്? എന്നാല്‍ അയാള്‍ തന്റെ തെറ്റിനു് ഉചിതമായ ശിക്ഷ വാങ്ങിക്കഴിഞ്ഞു. ഒരു സസ്പെന്‍ഷന്‍, അറസ്റ്റ്, റിമാന്‍ഡ് ജീവിതം, പോലീസ് കേസ്, സര്‍വ്വോപരി അപമാനവും നിന്ദയും, അതിനു ശേഷവും അയാളുടെ മേല്‍ വെട്ടുകത്തിയുമായി ചാടി വീഴുമ്പോള്‍ അത് പക പോക്കല്‍ പോലുമല്ല, തികഞ്ഞ കാപാലികതയാണു്.

ബോധപൂര്‍വമായാലും അല്ലെങ്കിലും കേരളത്തില്‍ ഒരു 'ക്രിസ്ത്യന്‍˛ മുസ്ലീം ഡിവൈഡ്' രൂപപ്പെട്ടുവരുന്നുണ്ടു്. ലൌ ജിഹാദിനെക്കുറിച്ചുള്ള കൊട്ടിഘോഷങ്ങളും വിദ്യാര്‍ത്ഥിനികളുടെ ശിരോവസ്ത്രം അഴിപ്പിക്കലുമൊക്കെയായി അതു കൊഴുക്കുക മാത്രമല്ല ഉണ്ടായതു്. ഇറാക്കിലെ അമേരിക്കന്‍ അധിനിവേശത്തിലേക്കും കുരിശു യുദ്ധത്തിലേക്കുമെല്ലാം നീണ്ടു ചെന്നു്, ഈ അകല്‍ച്ചക്കു്, ചില സൈദ്ധാന്തികാടിത്തറകള്‍ പണിതുണ്ടാക്കപ്പെടുകയും ചെയ്തു. അച്ചന്മാര്‍ സാമ്രാജ്യത്വ, ക്രിസ്തീയ അജണ്ടകളുടെ ബ്രാന്‍ഡ് അമ്പാസഡര്‍മാരാണോ എന്ന സംശയവും ക്രിസ്തീയമായ എന്തിനേയും അവിശ്വാസത്തോടെ നോക്കി കാണുന്ന സാമ്രാജ്യത്വ വിരുദ്ധ ˛ പാശ്ചാത്യ വിരുദ്ധ നിലപാടും മുസ്ലീംകളില്‍ ജനിച്ചിട്ടുണ്ടാവണം. തൊടുപുഴ ന്യൂമാന്‍ കോളേജിലെ ചോദ്യക്കടലാസ് വിവാദത്തെ കുരിശുയുദ്ധ കാലത്തേക്കു് കൊണ്ടുപോവാനും മദ്ധ്യ കാലത്തെ പ്രാകൃത നീതിയുടെ രൂപങ്ങളിലൂടെ അതിന്റെ പ്രതിക്രിയകള്‍ ആവിഷ്കരിക്കാനും ഏതാനും മുസ്ലീം ചെറുപ്പക്കാര്‍ തുനിഞ്ഞിറങ്ങിയത് അതുകൊണ്ടു് തന്നെ ഇസ്ലാമിക തീവ്രവാദമല്ല, വിവരക്കേടാണു്. ചുരുങ്ങിയ പക്ഷം തീവ്രവാദത്തിനു് അവകാശപ്പെടാവുന്ന ലക്ഷ്യ വിശുദ്ധി പോലും ഈ ചെയ്തിക്കു് ഇല്ല. ഇത്തരം വിവരക്കേടുകള്‍ക്കു് ഉത്തരം പറയേണ്ടിവരുന്നതു് പൊതു സമൂഹത്തിന്റെ നീതിന്യായവ്യവസ്ഥ യുടെ മുമ്പാകെ പ്രൊഫ.ജോസഫിനെ വിചാരണക്ക് നിര്‍ത്തുന്നതില്‍ കാര്യങ്ങളവസാനിപ്പിക്കുകയും, അവയെ അപകടകരമായ അവസ്ഥകളിലേക്കു് എത്തിക്കാതിരിക്കാന്‍ മുന്‍കൈ എടുക്കുകയും ചെയ്ത മുസ്ലീം മനസ്സാണു്. ഈ മനസ്സ് കണ്ടില്ല എന്നതാണ് മൂവാറ്റുപുഴയിലെ കൈവെട്ടലുകാരുടെ ഏറ്റവും വലിയ കുറ്റം; പ്രതിരോധിക്കുക എന്നതുപോലെ തന്നെ മാപ്പു കൊടുക്കുക എന്ന ഇസ്ലാമിക പാഠവുമുണ്ടു് ചരിത്രത്തില്‍. ആ ചരിത്രപാഠം അപ്പാടെ മറന്നു കളയാന്‍ മാത്രം ഉന്മത്തമാവുന്നു മുസ്ലീം മനസ്സെങ്കില്‍, ഈ മറവി സമൂഹത്തെ സംബന്ധിച്ചേടത്തോളം കയ്പായിത്തന്നെ അവശേഷിക്കും.

ഇങ്ങനെയൊരു കയ്പ് രൂപപ്പെടുന്നത് പൊറുപ്പിക്കാവുന്നതിനും അപ്പുറത്താണു് കേരളത്തിലെ മുസ്ലീം സമുദായം നിലകൊള്ളുന്നതു്.കേരളീയ സമൂഹത്തെ യഥാര്‍ത്ഥത്തില്‍ തന്നെ പ്രബുദ്ധമാക്കേണ്ട യത്നത്തില്‍ സര്‍ഗാത്മക ന്യൂനപക്ഷമെന്ന നിലയില്‍ ശരിയായ പങ്കു വഹിക്കേണ്ടവരാണവര്‍; മൂവാറ്റുപുഴയില്‍ കാണിച്ചു കൂട്ടിയതുപോലെയുള്ള 'സ്വത്വാ'വിഷ്കാരങ്ങള്‍ അവരെ ഗെറ്റോകളില്‍ തന്നെ തളച്ചിടുകയേയുള്ളു. മുസ്ലീംകള്‍ കണക്കു ചോദിക്കേണ്ടതും പറയേണ്ടതും അവര്‍ ജീവിക്കുന്ന ബഹുസ്വരസമൂഹത്തോടാണു്. ആ സമൂഹത്തിന്റെ ന്യായങ്ങളോടും മൂല്യങ്ങളോടുമാണു് അവര്‍ സംവദിക്കുകയും കലഹിക്കുകയും ചെയ്യേണ്ടതു്. അല്ലാതെ ഏതെങ്കിലും ഞരമ്പുരോഗികളോടല്ല. മൂവാറ്റുപുഴയിലെ വെട്ടുകത്തി പ്രയോഗം ഈ അര്‍ത്ഥത്തില്‍ ഒരു സംവാദമോ കലഹം പോലുമോ അല്ല. ഇത്തരം ചെയ്തികളിലൂടെ സ്വന്തം സ്വത്വത്തെ തന്നെയാണു് തങ്ങള്‍ നിരാകരിക്കുന്നതു് എന്നു് അതു ചെയ്തവര്‍ ഓര്‍ക്കണം.

പ്രൊഫ: ജോസഫിന്റെ തുന്നിചേര്‍ത്ത കൈപ്പത്തിയിലൂടെ ചോരയോട്ടമുണ്ടാവുമോ എന്നു് ഇപ്പോള്‍ നമുക്കുറപ്പില്ല. എന്നാല്‍ സമൂഹഗാത്രത്തില്‍ സൗമനസ്യത്തിന്റെ ചോരയോട്ടങ്ങള്‍ പ്രതീക്ഷിക്കുകതന്നെ വേണം. അങ്ങനെ സംഭവിക്കുമ്പോള്‍ മാത്രമേ മൂവാറ്റുപുഴയിലെ വെട്ടുകത്തി പ്രയോഗം മൂലം മുസ്ലീം സമൂഹത്തിനു് നേരെ ഉയര്‍ന്നുവന്നേക്കാവുന്ന കാലുഷ്യത്തിന്റെ കനം കുറയുകയുള്ളു. ചോരയൊത്തിരി ഒഴുകിയതിനു ശേഷവും, നാം ആ ചാലുകളില്‍ പുതിയ ജീവിതം കരുപ്പിടിപ്പിച്ചിട്ടുണ്ടല്ലോ, എല്ലാ കാലത്തും...

മലയാള ഗ്രന്ഥവിവരം പ്രകാശനം ഇന്ന് തലശ്ശേരിയില്‍

2009-12-10T09:30:00.000+05:30

പ്രിയ സുഹൃത്തുക്കളേ,

മലയാളഭാഷയുടെ ഡിജിറ്റല്‍ നിലനില്‍പ്പിനു് സ്വതന്ത്ര മലയാളം കമ്പ്യൂട്ടിങ്ങ് ഈ ചുരുങ്ങിയ കാലത്തിനുള്ളില്‍ നല്കിയ സംഭാവനകള്‍ നിങ്ങള്‍ക്കേവര്‍ക്കും അറിവുള്ളതാണല്ലോ. മലയാളം കമ്പ്യൂട്ടിങ്ങ് പൂര്‍ണ്ണമാകുന്നതു് അതു് സാഹിത്യവും സംസ്കാരവും ചരിത്രവുമായി ബന്ധിക്കപ്പെടുമ്പോഴാണു്. ഭാഷാ കമ്പ്യുട്ടിങ്ങിന്റെ സോഫ്ടു്വെയര്‍ അടിസ്ഥാനത്തെ ശക്തിപ്പെടുത്തുന്നതും അവയെ ഭാവിയിലെ വിവരാധിഷ്ഠിത ശൃംഖലകളുടെ അടിസ്ഥാനമാക്കുന്നതും സമഗ്രമായ ഒരു വിവരശേഖരത്തിലൂടെ വിദഗ്ദ്ധരുടെ സഹായത്തോടെ മാത്രം തയ്യാറാക്കാവുന്ന ഗ്രന്ഥസൂചി പോലുള്ള സ്വതന്ത്ര ഡാറ്റാബേസുകളാണു്. ഈ ലക്ഷ്യത്തോടു കൂടിയുള്ള പ്രവര്‍ത്തനങ്ങളില്‍ ഒരു സുപ്രധാന നേട്ടമാണു് മലയാളഗ്രന്ഥവിവരത്തിന്റെ പ്രകാശനം. ഭാഷയുടെ പൈതൃകം സംരക്ഷിക്കുന്ന പ്രവര്‍ത്തനം നിശ്ശബ്ദമായി, ഒരു തപസ്യയായി നിര്‍വ്വഹിക്കുന്ന കെ. എം. ഗോവിയുടെ മലയാളഗ്രന്ഥസൂചിയില്‍ നിന്നും പ്രചോദനം ഉള്‍ക്കൊണ്ടാണു് 'മലയാളഗ്രന്ഥവിവരം' എന്ന ഡിജിറ്റല്‍ വിവരവ്യവസ്ഥ സംവിധാനം ചെയ്തിരിക്കുന്നതു്. കേരളത്തിനകത്തും പുറത്തും നിന്നു് പ്രസിദ്ധീകരിക്കപ്പെട്ട മുഴുവന്‍ മലയാളപുസ്തകങ്ങളെക്കുറിച്ചുമുള്ള വിവരശേഖരമാണിതു്. ഭാഷാകമ്പ്യൂട്ടിങു് രംഗത്തു് പ്രവര്‍ത്തിയ്ക്കുന്ന ഒട്ടനവധി വ്യക്തികളുടെയും സംരംഭങ്ങളുടെയുംകൂട്ടായ പ്രവര്‍ത്തവനഫലമായാണു് ഇതു് തയ്യാറാക്കപ്പെട്ടതു്.

ഇന്ത്യന്‍ഭാഷകളില്‍ സമാനതകളില്ലാത്ത പ്രവര്‍ത്തനമാണു് കെ. എം. ഗോവിയുടെ നേതൃത്വത്തില്‍ പ്രകാശിതമായ മലയാളഗ്രന്ഥസൂചി. പത്തു് വാല്യങ്ങളില്‍ പതിനായിരത്തോളം പേജുകളിലായി മലയാളത്തിലെ ആദിമുദ്രണംമുതല്‍ 1995 വരെ പ്രകാശിതമായ മുഴുവന്‍ പുസ്തകങ്ങളുടെയും വിവരം ശാസ്ത്രീയമായി ചിട്ടപ്പെടുത്തി മലയാളഗ്രന്ഥസൂചിയില്‍ സമാഹരിച്ചിരിക്കുന്നു. നാലുപതിറ്റാണ്ടു നീണ്ട തപസ്യയുടെ ഫലമാണു് ഈ കൃതി. കേരളത്തിന്റെ സാംസ്കാരിക പൈതൃകത്തെ സംബന്ധിച്ച ആധികാരികവും പ്രാമാണികവുമായ ആ സംഹിതയ്ക്കു് മലയാളം ഉള്ളിടത്തോളം കാലം അദ്ദേഹത്തോടു്

കടപ്പെട്ടിരിക്കും.

ഡാറ്റാബേസു് ചിട്ടപ്പെടുത്തുകയും വര്‍ഗ്ഗീകരിയ്ക്കുകയും ചെയ്ത കെ.എച്ചു്. ഹുസൈന്‍ മാഷിനും, പ്രൊജക്ടു് കോര്‍ഡിനേറ്റു് ചെയ്ത ഡോ. രാമന്‍ നായര്‍ക്കും പ്രോഗ്രാമിങ്ങും സിസ്റ്റമൈസേഷനും നിര്‍വ്വഹിച്ച ഉണ്ണി, മഹേഷു് തുടങ്ങിയ വ്യക്തികളും, സ്വതന്ത്ര മലയാളം കമ്പ്യ്യൂട്ടിങ്ങിനു് പുറമെ, സെന്റര്‍ ഫോര്‍ സൌത്ത് ഇന്ത്യന്‍ സ്റ്റഡീസ്, ബീഹൈവ് ഡിജിറ്റല്‍ കണ്‍സെപ്റ്റ്സ് തുടങ്ങിയ സംഘടനകളുടെ കൂടി കൂട്ടായ പ്രവര്‍ത്തനഫലമായാണു് ഇതിനെ യാഥാര്‍ത്ഥ്യമാക്കിയതു്.

യൂണിക്കോ‍ഡു് 5.0 സ്റ്റാന്‍ഡേര്‍ഡു് അടിസ്ഥാനമാക്കി ചിട്ടപ്പെടുത്തിയ ഈ ഡാറ്റാബേസു് ഗ്നു GPL v3 അനുമതിയിലും സോഫ്ടു്വെയര്‍ സിസ്റ്റം ഗ്നു അഫെറോ GPL v3 അനുമതിയിലും ആണു് പ്രകാശനം ചെയ്യുന്നതു്.

2009 ഡിസംബര്‍ 10 നു് വൈകുന്നേരം 4.45 നു് തലശ്ശേരിയിലെ ന്യൂകോസ്മോപൊളിറ്റന്‍ ക്ലബ്ബ് ഹാളില്‍ വച്ചു് ഈ സംരംഭത്തിന്റെ പ്രകാശനം

നടക്കും.

-സ്വതന്ത്ര മലയാളം കമ്പ്യൂട്ടിങ്ങു് പ്രവര്‍ത്തകര്‍.

--------------------------------

കാര്യപരിപാടി:-

10 ഡിസംബര്‍ 2009

ന്യൂകോസ്മോപൊളിറ്റന്‍ ക്ലബ്ബ് ഹാള്‍, തലശ്ശേരി

വൈകുന്നേരം 4.45

പരിപാടി

സ്വാഗതം: ഡോ. മഹേഷ് മംഗലാട്ട്

അദ്ധ്യക്ഷന്‍: ശ്രീ. എം. പി. ബാലകൃഷ്ണന്‍

ദക്ഷിണേന്ത്യാ പഠന പുരസ്കാരജേതാവു് ശ്രീ. കെ. എം. ഗോവിയെ

പരിചയപ്പെടുത്തല്‍: ‍ഡോ. ആര്‍ രാമന്‍നായര്‍

പുസ്തകപ്രകാശനം: ഡോ. എം. ജി. എസ്. നാരായണന്‍

ശ്രീ. കെ. എം. ഗോവിയ്ക്കു് പുരസ്കാരസമര്‍പ്പണം: ശ്രീ. എം. മുകുന്ദന്‍

മലയാളഗ്രന്ഥ ഡിജിറ്റല്‍ വിവരവ്യവസ്ഥ അവതരണം: ശ്രീ. കെ. എച്ച്. ഹൂസൈന്‍

മലയാളഗ്രന്ഥവിവരം വെബ് സൈറ്റ് ഉദ്ഘാടനം: ശ്രീ. ടി. പി. രാജീവന്‍

മലയാളഗ്രന്ഥവിവരം സി.ഡി. പ്രകാശനം: ശ്രീ. പി. പി. രാമചന്ദ്രന്‍

ആശംസകള്‍:

പി. എം. അബ്ദുല്‍ കാദര്‍, ബീഹൈവ് ഡിജിറ്റല്‍ കണ്‍സെപ്റ്റ്സ്

അനിവര്‍ അരവിന്ദ്, സ്വതന്ത്ര മലയാളം കമ്പ്യൂട്ടിങ്

മറുപടി പ്രസംഗം: ശ്രീ. കെ. എം. ഗോവി

നന്ദി: ശ്രീ. എ. വല്‍സലന്‍, കോസ്മോപൊളിറ്റന്‍ ക്ലബ്ബ്

കേരളത്തിന്റെ സാംസ്കാരിക പൈതൃകത്തെ സംബന്ധിച്ച ആധികാരികവും പ്രാമാണികവുമായ ആ സംഹിതയ്ക്കു് മലയാളം ഉള്ളിടത്തോളം അദ്ദേഹത്തോടു്

കടപ്പെട്ടിരിക്കും. ഭാഷയുടെ പൈതൃകം സംരക്ഷിക്കുന്ന പ്രവര്‍ത്തനം നിശബ്ദമായി, ഒരു തപസ്യയായി നിര്‍വ്വഹിക്കുന്ന കെ. എം. ഗോവിയുടെ മലയാളഗ്രന്ഥസൂചിയില്‍ നിന്നും പ്രചോദനം ഉള്‍കൊണ്ടാണു് 'മലയാളഗ്രന്ഥവിവരം' എന്ന ഡിജിറ്റല്‍ വിവര വ്യവസ്ഥ സംവിധാനംചെയ്തിരിക്കുന്നതു്. കേരളത്തിനകത്തും പുറത്തും നിന്നു് ഇന്നുവരെ പ്രസിദ്ധീകരിക്കപ്പെട്ട മുഴുവന്‍ മലയാളപുസ്തകങ്ങളെക്കുറിച്ചുള്ള വിവരശേഖരമാണിതു്. മലയാളത്തിന്റെ

തനതുലിപിയുപയോഗിച്ചു് 'തിരച്ചില്‍' സാദ്ധ്യമാവുന്ന ഈ വിവരവ്യവസ്ഥ വെബ് സൈറ്റിലും സി.ഡിയിലും ലഭ്യമായിലിക്കും. ഈ വിവരശേഖരം ഏതു് ഉപയോക്താവിനും സ്വതന്ത്രമായി ഉപയോഗിക്കാവുന്നതരത്തില്‍ ഗ്നു-ജനറല്‍ പബ്ലിക് ലൈസന്‍സില്‍ (GNU-GPL) പ്രകാശിപ്പിക്കുപ്പെടുക എന്നതു് ശ്രീ. കെ. എം. ഗോവിയുടെ സ്വപ്നമായിരുന്നു. മലയാളത്തിലെ പ്രസാധന ചരിത്രത്തിലെ സുപ്രധാനനാഴികക്കല്ലായ ഈ വിവരവ്യവസ്ഥയുടെ പ്രകാശനവേളയില്‍ ദക്ഷിണേന്ത്യാ പഠനകേന്ദ്രം ശ്രീ. കെ. എം. ഗോവിയെ ആദരിക്കുന്നു.

2009 ഡിസംബര്‍ 10-നു് വൈകുന്നേരം തലശ്ശേരി കോസ്മോപൊളിറ്റന്‍ ക്ലബ്ബില്‍ നടക്കുന്ന ചടങ്ങില്‍ സെന്റര്‍ ഫോര്‍ സൌത്ത് ഇന്ത്യന്‍ സ്റ്റഡീസ് നല്കുന്ന ദക്ഷിണേന്ത്യാ പഠനപുരസ്കാരം കെ. എം. ഗോവിയ്ക്കു് സമര്‍പ്പിക്കും. അദ്ദേഹം രചിച്ച 'പബ്ലിക് ലൈബ്രറി' എന്ന പുസ്തകത്തോടൊപ്പം 'മലയാളഗ്രന്ഥവിവരം' സി.ഡി. യിലും വെബ് സൈറ്റിലുമായി ഈ അവസരത്തില്‍ പ്രകാശിപ്പിക്കുകയാണു്.

മലബാര്‍ ഹെറിറ്റേജ് സൊസൈറ്റിയുടേയും കോസ്മോപൊളിറ്റന്‍ ക്ലബ്ബിന്റെയും പങ്കാളിത്തത്തോടെ സംഘടിപ്പിക്കുന്ന പരിപാടിയില്‍ പങ്കെടുക്കാന്‍

താങ്കളേയും സുഹൃത്തുക്കളേയും സാദരം ക്ഷണിക്കുന്നു.

മലയാള ഗ്രന്ഥവിവരം

http://www.malayalagrandham.com

Licensed under GNU-GPLv3

Compilation and General Editor K. M. Govi

Structuring and Classifying K. H. Hussain, Rachana

Programming K. P. N. Unni, Kriyate

Systamization M. Mahesh, Kriyate

Project Co-ordination Dr. R. Raman Nair, MG Univerisity

Centre for South Indian Studies, Thiruvananthapuram

Beehive Digital Concepts, Cochin

Swathanthra Malayalam Computing (SMC)

2004-ല്‍ സി.ഡി.യായി പുറത്തിറങ്ങിയ ബ്രണ്ണന്‍ കോളേജിലെ ഇരുപത്തിരണ്ടായിരത്തോളം വരുന്ന മലയാളഗ്രന്ഥങ്ങളുടെ മലയാള ലിപിയിലുള്ള

ഡിജിറ്റല്‍ വ്യവസ്ഥ മാതൃഭാഷയിലെ ആദ്യത്തെ ഡിജിറ്റല്‍ ബിബ്ലിയോഗ്രാഫി പ്രസാധനമായിരുന്നു.

മലയാളത്തില്‍ ഇന്നോളം പ്രസിദ്ധീകരിച്ച പുസ്തകങ്ങളുടെ സമഗ്രമായ ഒരു ഡിജിറ്റല്‍ ഗ്രന്ഥവിവരവ്യവസ്ഥയായിരുന്നു അടുത്ത ലക്ഷ്യം.

'മലയാള ഗ്രന്ഥവിവരം' വെബ് സൈറ്റിലും സി.ഡി.യിലുമായി പ്രകാശനം നടക്കുമ്പോള്‍ ഈയൊരു സ്വപ്നമാണു് യാഥാര്‍ത്ഥ്യമാകുന്നതു്. ശ്രീ. കെ. എം.ഗോവിയുടെ എഡിറ്റോറിയല്‍ നേതൃത്വവും അനന്യമായ പ്രൊഫഷണല്‍ അനുഭവങ്ങളുമില്ലാതെ ഇതു് സാക്ഷാല്‍ക്കരിക്കപ്പെടുമായിരുന്നില്ല.

ഭാരതീയഭാഷകളില്‍ അദ്ദേഹത്തിന്റെ നാല്പതുവര്‍ഷം നീണ്ടുനിന്ന അത്യപൂര്‍വ്വ സമാഹരണമായ ഗ്രന്ഥസൂചിക്കുതുല്യമായ മറ്റൊരു സംരംഭവും

ചൂണ്ടിക്കാണിക്കാനില്ല.

www.malayalagrandham.com എന്ന വെബ് സൈറ്റിലൂടെയാണു് 'മലയാള ഗ്രന്ഥവിവരം' ലോകത്തിനായി തുറന്നുകൊടുക്കുന്നതു്. ആര്‍ക്കും ഏതു് സംരഭങ്ങള്‍ക്കും എത്രയും സ്വതന്ത്രമായി എടുക്കാനും തിരുത്താനും കൂട്ടിച്ചേര്‍ക്കാനും പ്രാപ്തമാകുംവിധം ഗ്നു-ജി.പി.എല്ലി (GNU-General Public License) ലാണു് ഇതിന്റെ ഉള്ളടക്കം പ്രകാശനം ചെയ്യുന്നതു്. Copy Right എന്നതിനുപകരം Copy Left എന്നതാണു് റിച്ചാര്‍ഡ് സ്റ്റാള്‍മാന്‍ വിഭാവനംചെയ്യുന്ന ഗ്നു-ജി.പി.എല്ലിന്റെ അടിസ്ഥാനം. കാലദേശാതിവര്‍ത്തിയായി നിലനില്‍ക്കേണ്ടുന്ന മനുഷ്യന്റെ അവകാശമാണു് അറിവു് എന്നതാണു് അതിന്റെ പ്രഖ്യാപനം. ഇതു് സ്വന്തം ജീവിതത്തിലൂടെ സഫലമാക്കിയ ഗവേഷകനാണു് ശ്രീ. കെ.എം. ഗോവി. മലയാളത്തില്‍ പ്രസിദ്ധീകരിച്ച എല്ലാ വിജ്ഞാനങ്ങളുടേയും വിവരങ്ങള്‍ ക്രോഡീകരിച്ച 'മലയാള ഗ്രന്ഥവിവരം' അദ്ദേഹത്തിന്റെ ജീവിതവീക്ഷണങ്ങളുടെ പ്രകടനപത്രിക കൂടിയാണു്.

------

PS ഞാനിപ്പോള്‍ തലശ്ശേരിയില്‍ ഉണ്ട് . എന്നെ ബന്ധപ്പെടാനുള്ള നമ്പര്‍ 09663379908

വലതു കൈയില്‍ മറുകും ഇടതു കൈയില്‍ ആറു വിരലും ഉള്ളവര്‍ മാത്രം അപേക്ഷിക്കുക

2009-08-01T13:08:00.005+05:30

Click on The advt and Read it / Or visit this link in IT mission website

പരസ്യം നോക്കൂ

അശ്വമേധം കളിക്കാനുള്ള ചോദ്യങ്ങളാണോന്നു സംശയം.

പരസ്യം കണ്ടാലേ ആളെപ്പറയാം :-)

Qualifications need for ICFOSS director post

1. PHD in Computer science/engineering/

technology (പി എച്ച് ഡി ടെക്നോളജിയില്‍ തന്നെ വേണം. മറ്റു ഫ്രീ സോഫ്റ്റ്‌വെയര്‍ കക്ഷികളെല്ലാം ഔട്ട് )
2. 10 year experience in teaching / industry/ research (ടീച്ചിങ്ങു തന്നെയെന്നേ , ബാക്കിയൊക്കെ വെറുതെ ) out of which 3 year in the level of professor in any university (കണ്ടില്ലേ പോക്ക് ) or equivalent senior executive in corporate sector, with specific involvement in FOSS Sector (ഇതെന്താ യൂണിവേഴ്സിറ്റി പ്രൊഫസര്‍ക്ക് തുല്യമായ കോര്‍പ്പറേറ്റ് സീനിയര്‍ എക്സിക്യുട്ടീവ് .. ഓ ഒരു രസത്തിനു കിടക്കട്ടേന്ന് )
3. First hand experience in handling , promoting & training graduates in Open source Operating systems & a variety of application software (ടീച്ചറു തന്നെഡേയ് .. അതും ഓപ്പറേറ്റിങ്ങ് സിസ്റ്റം ഉപയോഗിക്കല്‍ തൊട്ടു പഠിപ്പിച്ചിരിക്കണം . ഇനി പിഎച്ച്ഡി ഉള്ള കോര്‍പ്പറേറ്റ് പുല്ലന്‍മാരുണ്ടെങ്കില്‍ അവര്‍ക്കു വേണ്ട അപ്ലിക്കേഷനുകളേ പഠിപ്പിച്ചു കാണൂ. അല്ലേലും സീനിയര്‍ എക്സിക്യുട്ടീവുമാര്‍ക്ക് പിള്ളേരെ പഠിപ്പിക്കലാണോ പണി )

4. AGE : 35 -50 as of 1-12-2009

ഇതാണിവിടുത്തെ പ്രധാന തമാശ

GNU/Linux is spreading in india Mainly after 1998 . But users become aware about the freedoms & Free Software movement by 2000-2001 onwards

In this context 2nd point is rubbish if you are looking at people from India. If you are looking at average age of Indian Free Software Contributors , it is below 30 - Age limits clearly filter them . Academic Qualification of most of them varying between B.Tech/ MS/PhD Registration . So requirement for PHD filter rest of them .

ഇനി അടുത്ത തമാശ

Other Details section says : Director will be in charge of identifying, disseminating , promoting and updating information on open source operating systems and software for managaing associated human resources

Do we need a centre for this purpose

And Job Description is all about foss community & Foss Promting institution linkages

I believe We, FOSS Community in India/ Kerala (which is very plural) does not need a Centre granted by the state & reportable to IT Secy working as our Umbrella.

Usually FOSS community works in a peer to peer model/ Bottom up model. If state decides to create an umbrella for them, which not at all related / representing FOSS Community it will only result in creation of dead structures (like we already seen on Janakeeyasuthranam) coming in the banner of FOSS user community .

--

ഇനിയും അശ്വമേധത്തിനുത്തരം കിട്ടിയില്ലേ

എന്നാല്‍ ഒരു ക്ലൂ കൂടി തരാം. ~~കണ്ണൂര്‍ യൂണിവേഴ്സിറ്റിയില്‍~~ പല കോളേജുകളിലും MCA അധ്യാപകനായിരുന്ന , 3 വര്‍ഷത്തിനു മുന്‍പ് കുസാറ്റില്‍ പാര്‍ട്ടി സ്വാധീനത്തില്‍ തിരിച്ചെത്തിയ ഒരു കമ്പ്യൂട്ടര്‍ സയന്‍സ് പ്രൊഫസറായ കുസാറ്റില്‍ നടന്ന ഫ്രീ സോഫ്റ്റ്‌വെയര്‍ കോണ്‍ഫറന്‍സിന്റെ നടത്തിപ്പുകാരിലൊരാളായിരുന്ന ഇദ്ദേഹത്തെ പരിചയമുണ്ടോ ?

ഇനി അടുത്തതു്

ഈ ലിങ്കിലും കാണാം . അക്ഷയ ഡയറക്ടര്‍ പോസ്റ്റിലേക്കുള്ള പരസ്യം

അക്ഷയ പ്രൊജക്റ്റ് ഡയറക്ടര്‍ പോസ്റ്റ്

ചുരുക്കിപ്പറഞ്ഞാല്‍ 45 വയസ്സില്‍ താഴെയുള്ള ജനകീയാസൂത്രണത്തിലും സാക്ഷരതാ പ്രചരണത്തിലും ഇടപെട്ട മാനേജ്മെന്റില്‍ ബിരുദാനന്തര ബിരുദമുള്ള പരിഷത്തുകാര്‍ മാത്രം (പഴയ പരിഷത്തുകാരുമാവാം) അപേക്ഷിക്കുക

വലതു കൈയില്‍ മറുകുള്ള ഇടതു കൈയില്‍ ആറു വിരലുള്ള ആളുകള്‍ മാത്രം അപേക്ഷിക്കുക

മാക്ക്ബുക്കില്‍ ഗ്നു/ലിനക്സ് ഉപയോഗിക്കുന്നത് നിയമലംഘനമാണോ?

2008-12-30T18:43:00.000+05:30

കുറേക്കലമായി ഇവിടെ എന്തേലും എഴുതിയിട്ട്. സമയം കിട്ടാഞ്ഞാണ്. പക്ഷേ ചില പോസ്റ്റുകള്‍ക്ക് മറുപടി കൊടുക്കേണ്ടിവരുമ്പോള്‍ ഈ ബ്ലോഗ് വീണ്ടും തുറന്നേ പറ്റൂ..
ഇത് കോവാലകൃഷന്റെ പോസ്റ്റിനുള്ള മറുപടിയാണ്. ആപ്പിള്‍ മാക്ക്ബുക്കില്‍ ഗ്നു/ലിനക്സ് ഉപയോഗിക്കുന്നത് നിയമലംഘനമാണെന്നാണ് പുള്ളി അദ്ദേഹത്തിന്റെ ചൊറിച്ചില്‍ മുറ്റിയ ഭാഷയില്‍ പറയുന്നത്. കൂടുതല്‍ ഇവിടെയും ഇവിടെയും

മിക്ക പോയന്റുകള്‍ക്കും ചന്ത്രക്കാരന്‍ മറുപടി പറഞ്ഞുകണ്ടതിനാല്‍ 3 കാര്യങ്ങള്‍ മാത്രം പറഞ്ഞുനിര്‍ത്തുന്നു.

1. ലീഗാലിറ്റിയുടെ കാര്യം. കോവാലന്‍ കാണിച്ച ഒരു യൂലയിലും(EULA) ടേംസ് ആന്റ് കണ്ടീഷന്‍സിലും മാക്ക് പിസിയില്‍ മറ്റോപ്പറേറ്റിങ്ങ് സിസ്റ്റങ്ങള്‍ ഉപയോഗിച്ചാ വാറന്റി പോവുമെന്നോ അതു ലൈസന്‍സിനു വിരുദ്ധമാണെന്നോ പറയുന്നില്ല. അങ്ങനെ പറയാന്‍ ഒരു കമ്പനിയ്ക്കും പറ്റില്ലെന്നത് വേറേകാര്യം. കാര്യങ്ങള്‍ കൂട്ടിക്കുഴച്ച് സ്വന്തം തരിപ്പു തരിപ്പുതേര്‍ക്കലാണല്ലോ എന്തായായാലും കോവാലന്റെ ബ്ലോഗിന്റെ ഉദ്ദേശ്യം തന്നെ.

കോവാലന്‍: അതാവത്, നെനക്ക് വേണോങ്കി ആ സാധനം തല്ലിപ്പൊളിച്ച് കളയാം അത് നെന്‍റെ സ്വന്തം. പക്ഷേങ്കി അതിലെ സോഫ്റ്റ് വയറ് തിരുത്താന്‍ നെനക്ക് അവര് അനുവാദം തന്നിട്ടില്ലടേ.

ഇപ്പറഞ്ഞത് എന്തിന്റെ അടിസ്ഥാനത്തിലാണെന്നറിഞ്ഞാല്‍ കൊള്ളാമായിരുന്നു. ഇങ്ങനെ ഒരു ക്ലോസ് അതിലെവിടെയും കണ്ടില്ല. നേരം കളഞ്ഞതു മിച്ചം

2. ബാക്കിയുള്ള വാദങ്ങളെല്ലാം ഒരു ബൂട്ട്കാമ്പിനേയും പൊക്കിപ്പിടിച്ചാണ്. പവര്‍പിസി ആര്‍ക്കിടെക്ചറുള്ള മാക്കിലായാലും ഇന്റല്‍ ഹാര്‍ഡ്‌വെയറിലോടുന്ന i686 pc മാക്കിലായാലും ഗ്നു ലിനക്സ് ഉപയോഗിക്കാന്‍ ഒരു മാക്കാന്റേയും bootcamp ന്റെയും സഹായം വേണ്ട. ഗ്രബ് എന്നൊരു അതിസുന്ദരന്‍ ബൂട്ട്ലോഡറുള്ളത് അതിനാണ്. ഡ്യുവല്‍ ബൂട്ട് /ട്രിപ്പിള്‍ ബൂട്ട് ആവശ്യങ്ങള്‍ വേണമെങ്കില്‍ റീഫിറ്റ് (http://refit.sourceforge.net/) എന്നൊരു സ്വതന്ത്ര സോഫ്റ്റ്‌വെയറുമുണ്ട്. ആപ്പിള്‍ പിസിയില്‍ സ്വതന്ത്ര സോഫ്റ്റ്‌വെയര്‍ കയറ്റാന്‍ അവരുടെ ഒരു സോഫ്റ്റ്‌വെയറും ഉപയോഗികേണ്ടെന്ന് ചുരുക്കം.

3 പിന്നെ ആപ്പിളില്‍ മാക്ക് ഓയെസ്സിനകത്തുതന്നെ ഉപയോഗിക്കുന്ന സ്വതന്ത്ര സോഫ്റ്റ്‌വെയറുകളെക്കുറിച്ച്. സ്വതന്ത്ര സോഫ്റ്റ്‌വെയറുകള്‍ ആപ്പിളില്‍ ഉപയോഗിക്കുന്നത് ലൈസന്‍സിനു വിരുദ്ധമാണെന്നും ( കോവാലന്‍ ലൈസന്‍സ് എന്നു വിളിക്കുന്നത് ഒരു TOC യെയാണ് , സോഫ്റ്റ്‌വെയറിന്റെ ലൈസന്‍സിനെയല്ല) എവിടെയും പറയുന്നില്ല. ആപ്പിളിന്റേതല്ലാത്ത പ്രോഗ്രാമുകള്‍ ഉപയോഗിച്ചു സിസ്റ്റം കേടുവന്നാല്‍ ഞങ്ങള്‍ വാറണ്ടി തരില്ല എന്നു പാഞ്ഞതിനെ
ഇങ്ങനെ വളച്ചൊടിക്കുന്നതാണ് കോവാലകൃഷന്റെ നേമബോധം .

മൈക്രോസോഫ്റ്റും ഹാര്‍ഡ്‌വെയര്‍ നിര്‍മ്മാതാക്കളും ചേര്‍ന്ന് ഇപ്പോള്‍ത്തന്നെ പറയുന്നതിതാണ്. നിന്നെ ഞങ്ങള്‍ക്ക് വിശ്വാസമില്ല . നീ നിന്റെ കമ്പ്യൂട്ടറില്‍ എന്തു ചെയ്യണമെന്ന് ഞങ്ങള്‍ തീരുമാനിക്കുമെന്ന് . ഈ വീഡിയോ അതിനെക്കുറിച്ചാണ്

അജ്ഞത ഒരു കുറ്റമല്ല. പക്ഷേ കോവാലന്‍ തന്റെ അജ്ഞതയെ അധികാരമാക്കി അടുപ്പിന്‍കല്ലിലും കാര്യം സാധിക്കുന്ന കാരണവരാവുകയാണ്. "കള്ളം പ്രചരിപ്പിക്കുന്നവരുടെ ശത്രു" എന്നു കോവാലന്‍ തന്റെ ബ്ലോഗിന്റെ സൈഡില്‍ എഴുതിയിരിക്കുന്നതില്‍ എന്തെങ്കിലും കാര്യമുണ്ടോ എന്നത് അദ്ദേഹം ഈ വിഷയം കൈകാര്യം ചെയ്യുന്നതില്‍ നിന്നും നമുക്കു തിരിച്ചറിയാം

സ്വതന്ത്ര മലയാളം കമ്പ്യൂട്ടിങ്ങ് സമ്മേളനവും കെഡിഇ മലയാളം ഡെസ്ക്ടോപ്പിന്റെ അവതരണവും

2008-08-08T16:12:00.001+05:30

പ്രിയ സുഹൃത്തുക്കളെ,

സ്വതന്ത്ര സോഫ്റ്റ്‌വെയര്‍ ഉപയോക്താക്കള്‍ക്കിടയില്‍  പ്രചുരപ്രചാരം നേടിയിട്ടുള്ള കെഡിഇ  ഡസ്ക്ടോപ്പ്  ഇനി മുതല്‍ പൂര്‍ണ്ണമായും മലയാളത്തില്‍ ലഭ്യമായിത്തുടങ്ങുകയാണു് . സ്വതന്ത്ര മലയാളം കമ്പ്യൂട്ടിങ്ങിന്റെ നേതൃത്വത്തില്‍  വിവിധ മേഖലകളില്‍ വ്യത്യസ്ത തൊഴിലുകളില്‍ ഏര്‍പ്പെട്ടിരിക്കുന്ന മലയാളികളുടെ കൂട്ടായ ശ്രമഫലമായാണു് 'വരും കാലത്തിന്റെ ഡെസ്ക്ടോപ്പ്' എന്നറിയപ്പെടുന്ന കെഡിഇ 4.1 എന്ന ഈ സ്വതന്ത്ര സോഫ്റ്റ്‌വെയര്‍ പണിയിടത്തിന്റെ മലയാള പിന്തുണ  സമയബന്ധിതമായി പൂര്‍ത്തിയാക്കാനായതു്. ഈ അവസരത്തില്‍ കെഡിഇ 4.1 നെ മലയാളികള്‍ക്കു സമര്‍പ്പിക്കുന്നതിനും മലയാള പിന്തുണ 
ഉള്‍ച്ചേര്‍ക്കുന്നതിനു പ്രവര്‍ത്തിക്കുകയും ചെയ്ത സുഹൃത്തുക്കളെ അനുമോദിക്കുന്നതിനും ഭാവി  പരിപാടികള്‍ ആസൂത്രണം ചെയ്യുന്നതിനുമായി സ്വതന്ത്ര മലയാളം കമ്പ്യൂടിങ്ങ് പ്രവര്‍ത്തകര്‍ ആഗസ്റ്റ് 9 ,10  തിയതികളില്‍ തിരുവന്തപുരത്തു് ഒത്തു ചേരുകയാണു്.

മൂന്നു പരിപാടികളായാണു് ഈ സമ്മേളനം നടക്കുന്നതു്. ആഗസ്റ്റ് 9 നു്  ഉച്ചകഴിഞ്ഞ് 2 മണിയ്ക്ക്  പ്രസ്സ്ക്ലബ്ബിലെ ഫോര്‍ത്ത് എസ്റ്റേറ്റ് ഹാളില്‍ വച്ച്  നടക്കുന്ന പൊതുസമ്മേളനവും  മലയാളികള്‍ക്കായുള്ള  കെഡിഇ ഡെസ്ക്ടോപ്പിന്റെ സമര്‍പ്പണവുമാണു് ആദ്യപരിപാടി. ആസൂത്രണ വകുപ്പ്  സെക്രട്ടറി ടിക്കാറാം മീണ മലയാള പിന്തുണയുള്ള കെഡിഇ 4.1 കേരളത്തിനായി അവതരിപ്പിക്കും .  പൊതു ജനങ്ങള്‍ക്കു വേണ്ടിയുള്ള കെഡിഇ 4.1 നെ ക്കുറിച്ചുള്ള സരളമായ അവതരണവും സ്വതന്ത്ര  സോഫ്റ്റ്‌വെയര്‍ അടിസ്ഥാനമാക്കി മലയാള ഭാഷയുടെ ഡിജിറ്റല്‍ ഭാവിയ്ക്കു് വേണ്ടിയുള്ള  സാങ്കേതികവിദ്യകള്‍ രൂപകല്‍പന ചെയ്യുകയും  ഭാഷാ കമ്പ്യൂട്ടിങ്ങിനെ മാനകീകരിക്കുകയും സ്വതന്ത്ര  സോഫ്റ്റ്‌വെയറുകളെ മലയാളത്തിലാക്കുകയും  ചെയ്യുന്ന സന്നദ്ധപ്രവര്‍ത്തകരുടെ കൂട്ടായ്മയായ സ്വതന്ത്ര 
മലയാളം കമ്പ്യൂട്ടിങ്ങിനെക്കുറിച്ചും ഇതുവരെ പുറത്തിറക്കിയ സോഫ്റ്റ്‌വെയറുകളെക്കുറിച്ചുമുള്ള ഒരു  പരിചയപ്പെടുത്തലും  ഇതിന്റെ ഭാഗമായുണ്ടാകും. എല്ലാ സുഹൃത്തുക്കളെയും ഈ പരിപാടിയിലേക്ക്  സ്വാഗതം ചെയ്യുന്നു.

ആഗസ്റ്റ് 9നു തന്നെ വൈകീട്ട്  6 നു്  ഹോട്ടല്‍ ഇന്ദ്രപുരിയില്‍ വച്ച്  കെഡിഇ റിലീസ് പാര്‍ട്ടിയും  ഒരു സൌഹൃദ സദസ്സും  നടക്കും. കെഡിഇ 4.1 നെയും  അതിനു മുകളിലുള്ള പ്രയോഗ നിര്‍മ്മിതിയേയും (Application Development) കൂടുതല്‍ സാങ്കേതികമായ രീതിയില്‍ ഈ പരിപാടിയില്‍  പരിചയപ്പെടുത്തുന്നതാണു്.  കെഡിഇ 4.1 ലെ വിദ്യാഭ്യാസ സഹായ സോഫ്റ്റ്‌വെയറുകളുടെ ഒരു  പരിചയപ്പെടുത്തലും ഈ പരിപാടിയില്‍ ഉണ്ടായിരിക്കും. ഓരോരുത്തരും സ്വന്തം ചെലവു വഹിക്കുന്ന 
രീതിയില്‍ ഒരു ബുഫെ അത്താഴമായിട്ടാണു് ഇതു സംഘടിപ്പിക്കുന്നതു് .  ഒരു സ്വതന്ത്ര സോഫ്റ്റ്‌വെയര്‍ കൂട്ടായ്മയുടെ  ഇടം എന്ന നിലയില്‍  ഇതില്‍ തല്‍പ്പരരയ എല്ലാ സുഹൃത്തുക്കളെയും  ഈ പരിപാടിയിലേക്ക് സ്വാഗതം ചെയ്യുന്നു. ഇതില്‍ പങ്കെടുക്കാനാഗ്രഹിയ്ക്കുന്നവര്‍ നേരത്തെ തന്നെ ആഷിക്കുമായി ബന്ധപ്പെടേണ്ടതാണു്. (മൊബൈല്‍ +919895555024)

ആഗസ്റ്റ് 10 നു്  സ്വതന്ത്ര മലയാളം കമ്പ്യൂട്ടിങ്ങിന്റെ അംഗങ്ങളുടെ ഒത്തുചേരലും മലയാളം കമ്പ്യൂട്ടിങ്ങുമായി ബന്ധപ്പെട്ട വിവിധ ചര്‍ച്ചകളും നടക്കും.

കൂടുതല്‍ വിവരങ്ങള്‍ക്ക്
ആഷിക് + 91 9895555024
അനിവര്‍ +91 9449009908
പ്രവീണ്‍ +91 9986348565

Indo-US Nuclear Deal: Some Disturbing Developments and Comments

2008-07-10T16:55:00.000+05:30

I/VI.
Excerpts from India-IAEA Draft Safeguard Agreement
GOV/2008/30

DRAFTAGREEMENT BETWEEN THE GOVERNMENT OF INDIA AND THE INTERNATIONAL ATOMIC ENERGY AGENCY FOR THE APPLICATION OF SAFEGUARDS TO CIVILIAN NUCLEAR FACILITIES

Page 2

• India will place its civilian nuclear facilities under Agency safeguards so as to facilitate full civil nuclear cooperation between India and Member States of the Agency and to provide assurance against withdrawal of safeguarded nuclear material from civilian use at any time;

An essential basis of India's concurrence to accept Agency safeguards under an India-specific safeguards agreement (hereinafter referred to as "this Agreement") is the conclusion of international cooperation arrangements creating the necessary conditions for India to obtain access to the international fuel market, including reliable, uninterrupted and continuous access to fuel supplies from companies in several nations, as well as support for an Indian effort to develop a strategic reserve of nuclear fuel to guard against any disruption of supply over the lifetime of India's reactors; and
India may take corrective measures to ensure uninterrupted operation of its civilian nuclear reactors in the event of disruption of foreign fuel supplies;

Page 20

X. FINAL CLAUSES

107. India and the Agency shall, at the request of either of them, consult about amending this Agreement.
108. This Agreement shall enter into force on the date on which the Agency receives from India written notification that India's statutory and/or constitutional requirements for entry into force have been met.
109. This Agreement shall remain in force until, in accordance with its provisions, safeguards have been terminated on all items subject to this Agreement, or until terminated by mutual agreement of the parties to this Agreement.

II.

CNDP Condemns Intransigence of Indian Prime Minister on the Deplorable Indo-US Nuclear Deal
The Coalition for Nuclear Disarmament and Peace (CNDP)

- a national coalition of organisations and individuals for nuclear disarmament - notes with great concern the Indian Prime Minister's obstinate insistence on going ahead with clinching of the India-specific agreement with the IAEA. This will be a vital intermediate step towards operationalising the Indo-US nuclear deal in the teeth of strong opposition within India. The Prime Minister wants to go ahead, trampling upon democratic norms and values, regardless
of all rational considerations, let alone ethical ones.

The CNDP reiterates its consistent and firm opposition to the deal on the following grounds as pointed out repeatedly in the past. The deal severely undermines the prospects of global nuclear disarmament by (selectively and arbitrarily) "legitimising" India's nuclear status and, in the process, the possession of nuclear weapons by the existing nuclear weapon states

both "recognised" and "unrecognised" - and also the aspirations of other actual and potential aspirants.The deal will promote the cause of nuclear militarism and nuclear-weapon build-up in India against the interests of peace and the people in the region. It will further intensify the arms race between India and Pakistan
both nuclear and conventional. Pakistan, in fact, made a strong plea for a similar deal. And the brusque refusal by the US,

instead of dissuading it, would only further inflame its passions and thereby turn the nuclear mess in South Asia all the more dangerous. This deal is also an utterly reprehensible move to bring India closer into the US orbit as a regional ally to facilitate the execution of its global imperial ambitions. Furthermore, the consequent shift in focus in favour of highly expensive nuclear power, if the deal comes into operation, will significantly distort India's energy options at the cost of efforts to develop environmentally benign and renewable sources of energy.

The CNDP, on this occasion, calls upon the Indian people to rise in protest against the intransigence of the Prime Minister and voice their strongest opposition to the undemocratic move to impose the deplorable deal on the country.

Achin Vanaik Admiral L Ramdas J Sriraman ND Jayaparakash Amarjeet Kaur Sukla Sen

III.

<http://pagesperso-orange.fr/sacw/saan/2007/Res032007.html>

Quote
III. Why the 'Deal' Must Be Opposed?

The 'Deal' as and when, and if at all, comes through will grievously undermine the current global regime of nuclear nonproliferation, as it is meant to make a unique exception in case India, in gross violation of the underlying principles of the NPT, and thereby also the prospects of global nuclear disarmament. The fact that Pakistan has been brusquely refused a similar deal by the US in spite of persistent clamouring and Iran is being demonstratively coerced to desist from developing its own nuclear fuel cycle technology, integral to nuclear power production allowed and encouraged under the Article IV of the NPT, further brings out graphically the abominable discriminatory nature of the 'Deal'. Moreover, the lesson that one would tend to learn is that if one can weather the initial storms of international censures after breaking the nonproliferation taboo, things would normalise in a while. One may even get rewarded in the process. This is sure to trigger off stepped up vertical and horizontal proliferations. Moreover, by enabling India to import fuel, natural or enriched uranium, from abroad, the 'Deal' would make it possible for India to use the indigenously produced uranium exclusively for Bombmaking. This possible escalation in its fissile material production capacity is, in all likelihood, push Pakistan further to nuclearise even at a great cost, and thereby aggravate tensions and accelerate arms race in the region with spinechilling consequences.

It'd also further cement the growing (unequal) strategic ties between the US and India and thereby would add momentum to the US project for unfettered global dominance and Indian craze to emerge as a global power basking in the reflected glory of the global headman. It'd just not only undermine India's position as a founding and leading member of the NAM, it'd also pose a very serious challenge to the NAM and its objectives in terms of radically raised level of US domination on the global scene. India's rather meek submission to highly deplorable and dangerous threats issued and postures adopted by the Bush regime in relation to Iran and its nuclear programme instead of trying to find a just and fair solution in terms of having a Weapons of Mass Destruction free MiddleEast including Israel is a clear and extremely worrisome pointer. India's keenness to join the Proliferation Security Initiative (PSI) initiated by the US to interdict any vessel in international waters suspected of carrying (unauthorised!) nuclear materials, in gross violation of all international laws and also the Ballistic Missile Defence (BMD) programme of the US are another two highly disturbing indicators. India's growing closeness with Israel, the frontline state of the US in the Middle East, would also pick up further pace in the process.

This 'Deal' would obviously distort India's energy options by diverting scarce resources to developments of resource guzzling, intrinsically hazardous and potentially catastrophic, nuclear power at the cost of ecologically benign renewable sources of energy. This would, furthermore, provide a strong boost to the nuclear industry worldwide, particularly the potential suppliers from the US. And that's precisely why the business lobby in the US is working overtime to get
the 'Deal' clinched. The recent visit by the Russian President Vladimir Putin to India as the guest of honour at the Republic Day event and his public commitment to supply additional nuclear reactors to India and work for the safe passage of the 'Deal' through the NSG underscores the convergence of interests of the nuclear power lobbies worldwide as regards the 'Deal' and the new market that it is promising to open up.

Unquote

[Excerpted from the Resolution adopted at the International Seminar on this issue held by the CNDP in Mumbai in March 2007 in collaboration with the Afro-Asian Peoples' Solidarity Organisation (AAPSO), headquartered in Cairo, and Vikas Adhyayn Kendra (VAK), Mumbai with the active and moral support of many others.]

IV.

Congress May Not Pass U.S.-India Nuclear Pact. New Delhi Could Turn to Other Nations
By Glenn Kessler
Washington Post Staff Writer
Wednesday, July 9, 2008; A10

India's civil nuclear agreement with the United States may have cleared a key hurdle in New Delhi this week, but it appears unlikely to win final approval in the U.S. Congress this year, raising the possibility that India could begin nuclear trade with other countries even without the Bush administration's signature deal, according to administration officials and congressional aides.

Indian Prime Minister Manmohan Singh has struggled to keep his coalition government intact over the controversial deal to give New Delhi access to U.S. nuclear technology for the first time since it conducted a nuclear test in 1974. This week, he secured an agreement with the Samajwadi Party to back the deal, giving him enough support to retain his majority even as the Communists bolted over fears that the pact would infringe on India's sovereignty.

But the legislation passed in 2006 -- the so-called Hyde Act -- that gave preliminary approval to the U.S.-India agreement, requires that Congress be in 30 days of continuous session to consider it. Congressional aides said that clock can begin to tick only once India clears two more hurdles -- completing an agreement with the International Atomic Energy Agency, and securing approval from the 45 nations that form the Nuclear Suppliers Group, which governs trade in reactors and uranium. Because of the long August recess, less than 40 days are left in the session before Congress adjourns on Sept. 26.

"At this point, both [the IAEA and NSG actions] have to take place in the next couple of weeks" for the deal to be considered by Congress, said Lynne Weil, spokeswoman for the House Foreign Affairs Committee. But the IAEA Board of Governors is not expected to take up the matter until August, whereas the NSG may take several months to reach a consensus.

House Speaker Nancy Pelosi (D-Calif.) has repeatedly insisted there will be no lame-duck session after the Nov. 4 elections. There would be little incentive for the Democratic majority to hold a lame-duck session if, as expected, the Democrats significantly gain seats.

President Bush's agreement with India, considered a key part of his foreign policy legacy, is designed to solidify Washington's relationship with a fast-emerging economic power. Bush and Singh agreed to the pact in July 2005, but it has faced repeated delays and opposition in both countries.

Now, with the near impossibility of congressional passage by year-end, officials and experts have begun to focus on the possibility that other countries -- such as France and Russia -- would rush in to make nuclear sales to India while U.S. companies still face legal restrictions.

"India doesn't need the U.S. deal at all" once the NSG grants approval, said Sharon Squassoni, senior associate at the Carnegie Endowment for International Peace. "It was a fatal flaw in the logic of the U.S. Congress."

A State Department official, speaking on the condition of anonymity because he was discussing congressional strategy, agreed. "I don't believe there is anything to prevent them from doing that, if we don't ratify it," he said, noting the irony of the United States not profiting from a deal it set in motion.

But he suggested the administration would use that awkward situation to pressure Congress not to thwart potential business opportunities for American companies. "It is the hidden force of this agreement," the official said. "It is U.S. business that sees an opportunity."

Ever since the deal was struck, the administration has performed a balancing act between adhering to the letter of U.S. nonproliferation law and assuaging Indian concerns that it was not being treated like a true nuclear power. This year, when the administration answered nearly 50 questions posed by Congress about a separate implementing agreement negotiated with India, it took the unusual step of insisting the answers remain secret for fear of torpedoing the agreement.

India, which is running short of uranium needed to fuel its reactors, is especially eager to win "clean" agreements with the IAEA and the NSG that would not result in fuel cutoffs if it decides to resume testing nuclear weapons.

Sen. John McCain, the presumptive Republican presidential nominee, is a strong supporter of the agreement, but Sen. Barack Obama, his Democratic rival, is more skeptical. During the congressional debate on the Hyde Act, Obama inserted language in the bill limiting the amount of nuclear fuel supplied to India from the United States to deter nuclear testing.

[Compare:

http://www.cndpindia.org/e107_files/downloads/Peace%20Now-Volume%205%20Issue%201%20-%202007.pdf

Peace Now Feb 2007

Excerpt from

"Editorial"

Quote
A very interesting aspect, which has, rather surprisingly, not attracted the attention of the media as yet, is that in the event of the 'Deal' passing through the NSG barrier but floundering at the US Congress, for whatever reasons, the other 44 members of the NSG would be able to have nuclear commerce with
India as per its amended rules, but the US will not.

It is precisely this scenario the Russian, French, Canadian players must at times be just fantasising about.
Unquote]

V.

Hindu July 10, 2008

              India sends safeguards agreement to IAEA Board

              Siddharth Varadarajan

The agency did not restrict India from circulating the text

Government nod contradicts Pranab's assurance that the process will begin only after trust vote

Restriction on circulating text only for IAEA

New Delhi: Contrary to External Affairs Minister Pranab Mukherjee's assurance that the process of finalising India's safeguards agreement with the International Atomic Energy Agency would begin only after the United Progressive Alliance won a vote of confidence in Parliament, the government has given the go-ahead for the draft text to be forwarded to the Agency's Board of Governors.

In a statement issued on Wednesday evening, the IAEA Secretariat said that "at the request of the government of India," the draft safeguards agreement had been circulated to the 35-nation Board "for its consideration."

It added that the Chairman of the Board "is consulting with Board members to agree on a date for a meeting when the Agreement would be considered" and that the text of the draft was not public.

The Board is scheduled to meet on July 28 to discuss an unrelated matter, but an attempt could be made to make the India draft an agenda item for that meeting.

At a press conference on Tuesday, Mr. Mukherjee was asked when the government intended to send the agreement to the IAEA Board. He replied this would be done only after the government demonstrated it had majority support in the Lok Sabha.

IAEA sources in Vienna told The Hindu that although safeguards agreements normally circulated for 45 days before being taken up by the Board for approval, the Chairman — currently Chilean Ambassador Milenko E. Skoknic — was consulting with member- states to see if this process could be accelerated. "Because both the U.S. and India are pushing, this can be speeded up. But at the same time, there is concern that the agreement not be rammed down the throat of states which have reservations," the sources said.

The IAEA sources also refuted Mr. Mukherjee's claim that Agency rules prevented India from sharing its draft safeguards agreement with anybody it wants.

The Secretariat is obliged to follow a certain procedure for circulating documents such as a safeguards agreement to the Board of Governors, the sources said, but these procedures do not apply to the member state which is party to that agreement.

Asked pointedly whether Mr. Mukherjee was correct in saying India could not circulate the safeguards text to "third parties without going through laid down procedures of the IAEA," a senior IAEA official said, "I don't think this is something we could restrict India from doing."

"As far as the Secretariat is concerned, we are not in the position of making safeguards agreements available for public distribution. We only put them up to the Board members. What each member does with them is up to it," the official said, adding, "I don't think India is bound by this procedure."

In their statement announcing withdrawal of support to the United Progressive Alliance, the Left parties had cited the refusal of the government to share the safeguards text with them as a major breach of understanding.

Replying to them on Tuesday, Mr. Mukherjee had referred to the safeguards text as a "privileged document held in confidence between GOI and the IAEA Secretariat." If the Left leaders wanted the full text, they "would have to join the government in order to access [it]," he said. In a press conference the same day, he described the safeguards agreement as a "confidential document" and claimed the IAEA's rules stipulated that "until the text was shown to the Board it can't be shown to others."

The IAEA official said the rule cited by the Minister was correct. But it applied only to the IAEA Secretariat.

The IAEA Statute contains no reference to tying a member state to a set procedure for the circulation of documents. The only reference to confidentiality of information is in Article VII, which deals with the obligations of the IAEA staff. In all other documents such as safeguards agreements and Additional Protocols, the obligation to maintain confidentiality applies to the IAEA and not to the signatory state.

VI.

http://www.hindu.com/2008/07/10/stories/2008071055611100.htm

Hindu July 10, 2008

              Left queries on safeguards thrust spotlight on 'corrective measures'

              Siddharth Varadarajan

The government feels vagueness keeps international critics at bay.

Following the formal withdrawal of Left support to the United Progressive Alliance, the Communist Party of India (Marxist) and its three partners have issued a statement challenging the government's decision to keep the text of the safeguards agreement negotiated with the International Atomic Energy Agency (IAEA) a "secret."

Fearing a disconnect between the government's assurances and the actual text, the Left said it had five pointed concerns about the agreement that the UPA had not addressed. These were: (1) In case the U.S. or other countries in the NSG renege on fuel supply assurances for imported reactors, will we have the ability to withdraw these reactors from IAEA safeguards? (2) If U.S./NSG countries renege on fuel supply assurances, can we withdraw our indigenous civilian reactors from IAEA safeguards? (3) If we have to bring nuclear fuel from the non-safeguarded part of our nuclear programme for these reactors in case of fuel supply assurances not being fulfilled, will we have the ability to take (the spent fuel) back again? (4) What are the corrective steps that India can take if fuel supplies are interrupted by the U.S./NSG countries? (5) What are the conditions that India will have to fulfil if the corrective steps are to be put into operation?

Though the Left has raised five separate queries, they all revolve around the one big imponderable that has animated both the United States government and the nuclear deal's non-proliferation critics internationally ever since India came up with its separation plan on March 2, 2006: Just what exactly is meant by the phrase "corrective measures"? These are the measures India says it may take "to ensure uninterrupted operation of its civilian nuclear reactors in the event of disruption of foreign fuel supplies." The phrase, which appears in paragaraph 15(c) of the Separation Plan, was a condition the Indian negotiators tagged on to the list of fuel supply assurances they said India needed in order to accept the American demand to "place its civilian nuclear facilities under India-specific safeguards in perpetuity and negotiate an appropriate safeguards agreement to this end with the IAEA."

Both during the hard-fought talks on March 1 and 2, 2006, and subsequently, in the negotiations the two sides held on the 123 agreement, the Indian team constantly parried all American attempts to spell out or define just what was meant by "corrective measures." Egged on by the American non-proliferation lobby, U.S. officials wanted to know, for example, whether corrective measures would include the withdrawal of a civilian facility from safeguards. Indian officials stonewalled, pointing out that since the eventuality of corrective measures could only arise if the continuous operation of India's civilian
nuclear reactors was interrupted, it was essential that fuel arrangements be as foolproof and watertight as possible.

When, during the 123 negotiations, the Indian team found the U.S. side backsliding on the commitments contained in paragraph 15 of the Separation Plan, a major fight ensued. The result was that the entire paragraph was incorporated into the 123 agreement by 'cut and paste.'

Though declining to provide details, sources familiar with the draft safeguards agreement said the compromise package contained in paragraph 15 of the Separation Plan had been "fully protected" in the text India has negotiated with the IAEA secretariat and that the country had a range of rights it could invoke should the need arise.

The truth of this assertion can only be established once the safeguards agreement is made public but even then, it is unlikely that the text will shed any fresh light on the Left's specific questions. Nor is the UPA likely to be more forthcoming than it has been so far.

For the government, the dilemma is a difficult one. The vagueness of language has helped India keep the nuclear deal's critics abroad guessing, thereby blunting one of their main allegations that the nuclear agreement represents a "proliferation risk." Critics overseas are arguing that "corrective measures" means India reserves the right to withdraw safeguarded facilities from international inspection at some point in the future and may indeed do so once it has imported enough nuclear fuel to make up its domestic shortfall.

But in the politically charged domestic arena, where the government finds itself accused of compromising the national interest, the same opaqueness of phraseology is now inviting further suspicion. Were the Prime Minister to fend off his domestic critics by providing the assurances they seek, chances are the level of international opposition to the nuclear agreement would increase dramatically. Silence, however, is not an option either, especially since the government has not been entirely convincing in its arguments with the Left and other critics on other aspects of the nuclear deal such as the impact it might
have and has already had on the conduct of the country's foreign and defence policy.

By citing the precedent of Tarapur, which was left in the lurch after the Americans cut off fuel, the CPI(M) and its allies have pointed to a potential vulnerability that the Department of Atomic Energy and government insist they have sought to protect the country from. Imported reactors without the fuel to run them would be little more than (radioactive) white elephants. But whichever way one defines "corrective measures," it is hard to see how these would lead to the flow of fuel for a safeguarded reactor whose supplies have been cut off.

Fuel supplies may be withheld if India were to test another nuclear weapon, especially if the present international moratorium on testing continues to hold or actually gets converted into all the major nuclear weapon states signing and ratifying the Comprehensive Test Ban Treaty. Under such a situation, the only insurance India can hope to rely on would be the strategic stockpile of fuel that it would presumably have built up prior to any resumption of testing.

Of course, fuel can be cut off for other reasons too. Again, a general stockpile would provide some comfort, though the inventory carrying cost and safety implications of holding nuclear fuel reserves would need to be taken into account. At the same time, the best guarantee for the uninterrupted running of safeguarded reactors would be the emergence of an international political environment in which India, as an important power, could have full confidence. This, in turn, would mean pursuing a foreign policy that privileges polycentrism rather than unipolarity, a point the government's critics accuse it of forgetting.
'Corrective' measures, in the final analysis, are less important than 'pre-emptive' ones. Somewhere in the debate over text, the wider context of politics should not be lost sight of.

(compliled by suklasen)

ഇഞ്ചിയുടെ ആണവകരാര്‍ പോസ്റ്റിനൊരു മറുപടി

2008-07-04T17:22:00.011+05:30

ഇഞ്ചിയുടെ ആണവകരാര്‍ പോസ്റ്റിനൊരു മറുപടി

ഇഞ്ചീ, താങ്കളുടേത് ഞാന്‍ സാധാരണയായി അവഗണിക്കുന്ന നിലവാരത്തിലുള്ള ഒരു പോസ്റ്റാണ്. റോബിയുടെയും ലതീഷിന്റെയും കമന്റുകളിലാണു് എനിക്ക് ഒരു ചര്‍ച്ചയ്ക്കള്ള വകതോന്നിയതു്. ഇതു് അതിനോടു് കൂട്ടിവായിക്കുക.

ഇടതുപക്ഷം ഓരോനിമിഷവും കെട്ടിപ്പിടിച്ചുദ്ധരിക്കുന്ന കോമണ്‍മിനിമംപ്രോഗ്രാം യുപിഎയുടെ ഡോര്‍മാറ്റായിട്ടും പിന്തുണപിന്‍വലിക്കാത്ത ഇടതുകക്ഷികള്‍ ഇക്കാര്യത്തില്‍ പിന്തുണ പിന്‍വലിക്കുമെന്നു കരുതാന്‍ വയ്യ എന്നും അതല്ല ആണവകരാര്‍ പ്രശ്നത്തിന്റെ കാതല്‍ എന്നും പറഞ്ഞുകൊണ്ടുതന്നെ തുടങ്ങട്ടെ.

ഇന്ത്യയില്‍ ആണവ നിലയങ്ങള്‍ക്കും ആണവായുധങ്ങള്‍ക്കുമെതിരെയുള്ള സിവില്‍ സമൂഹരാഷ്ട്രീയം രൂപപ്പെടുന്നതു് ഇന്ദിരാഗാന്ധിയുടെ കാലത്ത് പൊഖ്‌റാനില്‍ നടത്തിയ ആണവപരീക്ഷനത്തിനു ശേഷമാണെങ്കിലും സജീവമാകുന്നതു് എണ്‍പതുകള്‍ക്കു് ശേഷമാണു്. ഈ സമയത്താണു് താരാപ്പൂരിലെ ആണവോര്‍ജ്ജനിലയം മുതല്‍ നമ്മുടെ നാട്ടിലെ ഇന്ത്യന്‍ റെയര്‍ എര്‍ത്ത് ലിമിറ്റഡ് വരെ നടത്തുന്ന ആണവമലിനീകരണത്തെ തിരിച്ചറിയുന്നതും ഈ ആണവ വിപത്തിനെതിരെയുള്ള കാമ്പൈനുകള്‍ ശക്തമാകുന്നതും. ഇവിടെ തോറിയം തോറിയം എന്നു വായിട്ടലക്കുന്നവര്‍ അന്നു നിര്‍മ്മിച്ച ലിവിങ്ങ് ഇന്‍ ഫിയര്‍ എന്ന ചിത്രം കണ്ടു നോക്കുക.. പിന്നീടു നിരവധി ഡോക്യുമെന്ററികള്‍ ആണവ മലിനീകരണങ്ങളെക്കുറിച്ചും ആണവരാഷ്ട്രീയത്തെപ്പറ്റിയും ഇന്ത്യയിലുണ്ടായി. ഇക്കൂട്ടത്തില്‍ ആനന്ദിന്റെ വാര്‍ ആന്‍ഡ് പീസ് മറക്കാന്‍ പാടില്ലാത്തതാണു്. കൂടംകുളം ആണവവിരുദ്ധ സമരത്തെപ്പറ്റിയുള്ള ഒരു ഡൊക്യുമെന്ററി തയ്യാറായി വരുന്നു (സംവിധാനം അമുദന്‍). താരാപ്പൂരിലെ ആണവ മലിനീകരണം കണ്ടും ആണവോര്‍ജ്ജനിലയമെന്നതു് രഹസ്യ ആണവആയുധത്തിന്റെ പരുവപ്പെടുത്തലിനുവേണ്ടിയുള്ള പ്രൊജക്റ്റുകളാണെന്നും മനസ്സിലാക്കി സിവില്‍ സമൂഹപ്രസ്ഥാനങ്ങള്‍ക്കൊപ്പം പ്രവര്‍ത്തിച്ചുതുടങ്ങിയ ശാസ്ത്രജ്ഞരും നമുക്കുണ്ടായി. റോബി പറഞ്ഞ ആണവോര്‍ജ്ജത്തിനുള്ള ബജറ്റ് അലോക്കേഷന്റെ കാര്യവും പ്രൊഡക്ഷന്റെ കണക്കും അന്നുമുതലിന്നുവരെ തുടര്‍ച്ചയായി ഉയര്‍ന്നുകൊണ്ടിരിക്കുന്ന ചോദ്യമാണു്.

കേരളത്തില്‍ ഇടതുകക്ഷികള്‍ ഭരിക്കുമ്പോള്‍ പണ്ട് കൊണ്ടുവരാനൊരുങ്ങിയ പെരിങ്ങോം ആണവനിലത്തെ ചെറുത്തുതോല്‍പ്പിച്ചതും സിവില്‍ സമൂഹത്തിന്റെ ഈ ജാഗ്രതയാണ്. ശാസ്ത്ര സാഹിത്യ പരിഷത്തടക്കമുള്ള കക്ഷികള്‍ പാര്‍ട്ടി നിറം നോക്കി കൂറുമാറിയിട്ടും ഒരു വ്യവസ്ഥാപിത രാഷ്ട്രീയകക്ഷിയുടെ പിന്തുണയില്ലാതെയും വിജയിച്ച സമരം വേണ്ടത്ര ഡോക്യുമെന്റു് ചെയ്യപ്പെടാത്തതിനാല്‍ സൈലന്റ്‌വാലി സമരത്തെപ്പോലെ ആഗോളപ്രശസ്തിയൊന്നും ആര്‍ജ്ജിച്ചില്ല. (റഫറന്‍സ് ചോദിച്ചു വരുന്നവര്‍ക്കായി കൂടുതല്‍ വായിക്കാന്‍ .. ആണവവിരുദ്ധസമരവും വികസനരാഷ്ട്രീയവും. ഡി.സി ബുക്സ്. എഡിറ്റര്‍: ഡോ. ടി,ടി.ശ്രീകുമാര്‍). പിന്നീടു ഭൂതത്താന്‍കെട്ടിനരികെ മറ്റൊന്നുകൊണ്ടുവരാനുള്ള ശ്രമത്തേയും കേരളീയ സിവില്‍ സമൂഹം ചെറുത്തുതോല്‍പ്പിക്കുകയുണ്ടായി . കല്‍പ്പാക്കം ആണവനിലയത്തിനെതിരായിനടന്ന മത്സ്യത്തൊഴിലാളി സമരങ്ങളില്‍ വെടിവെപ്പും മരണവും വരെയുണ്ടായെങ്കിലും അന്നത്തെ മത്സ്യത്തൊഴിലാളി നേതൃത്വത്തിന്റെ പിടിപ്പുകേടുകൊണ്ട് (പഴേ ആ കോച്ചേരി അച്ചന്‍ തന്നെ )ആ സമരം അന്ന് തീര്‍ന്നുപോവുകയായിരുന്നു. കേരളത്തിന്റെ അതിര്‍ത്തിയില്‍ തന്നെയുള്ള കൂടംകുളം നിലയം കമ്മീഷന്‍ ചെയ്യാനൊരുങ്ങുമ്പോള്‍ കൂടംകുളം നിവാസികള്‍ തുടര്‍ച്ചയായി സമരം ചെയ്തുകൊണ്ടിരിക്കുമ്പോഴും സംസ്ഥാനഅതിര്‍ത്തി ആണവഭീഷണിയെ ഒഴിവാക്കുമെന്ന മിഥ്യാ ധാരണയിലിരിക്കുന്ന മലയാളിയ്ക്ക് ഈ ജാഗ്രതയും കൈമോശം വന്നിരിക്കുന്നു.

ലോകത്തെ ഏറ്റവും കാര്യക്ഷമതകുറഞ്ഞതും മലിനീകരണം കൂടിയതുമായ ആണവനിലയങ്ങള്‍ ഇന്ത്യയിലാനെന്ന ഒരു പഠന റിപ്പോര്‍ട്ട് രണ്ടു വര്‍ഷം മുന്‍പ് വായിച്ചതോര്‍ക്കുന്നു. ഇന്ത്യയുടെ തീരദേശം മുഴുവന്‍ ആണവ നിലയങ്ങളും SEZ കളും കൊണ്ട് നിറയുകയാണു്. ബംഗാളില്‍ തന്നെ പുതിയ ആണവ നിലയം തദ്ദേശീയരായ മത്സ്യത്തൊഴിലാളികളെ കുടിയൊഴിപ്പിച്ചുകൊണ്ട് തുടങ്ങാനിരിക്കുകയാണു്. സി.എന്‍.ഡി.പി പോലുള്ള കൂട്ടായ്മകളുടെ പൊസിഷനും തീര്‍ച്ചയായും അന്വേഷിക്കേണ്ടതുണ്ട്. സൌത്ത് ഏഷ്യന്‍സ് എഗൈന്‍സ്റ്റ് നൂക്സ് എന്ന ഈ കൂട്ടായ്മയുടെ വെബ്സൈറ്റും വായിക്കൂ.. ഇടതുകക്ഷികളുടെ പ്രശ്നത്തിന്റെ അങ്ങേയറ്റം എന്നുപറയുന്നത് ഇന്ത്യയ്ക്ക് അണുബോംബുണ്ടാക്കുനുള്ള പരമാധികാരം നഷ്ടപ്പെടുമെന്നതാണ്. ( കഴിഞ്ഞ്വര്‍ഷം യെച്ചൂരി ബാംഗ്ലൂരില്‍ നടന്ന പബ്ലിക് കണ്‍വെന്‍ഷനില്‍ പ്രസംഗിച്ചതു്) എന്നാല്‍ ആഗോളതലത്തിനുള്ള ആണവ നിര്‍വ്യാപന ഉടമ്പടിയെത്തന്നെ അപ്രസക്തമാക്കുന്നതും ആണവ ഇന്ധനക്കച്ചവടക്കരുടെ സൌകര്യത്തിനുവേണ്ടിയുള്ള ഈ കരാര്‍ അമേരിക്കപോലും പാര്‍ലമെന്റില്‍ ചെയ്യുമ്പോള്‍ പാര്‍ലമെന്റില്‍ ചര്‍ച്ചചെയ്യുകയെന്ന ഇടതുപക്ഷത്തിന്റെ ഏറ്റവും ചെറിയ വൈക്കോല്‍ത്തുരുമ്പിനെപ്പോലും കണക്കാക്കാതെ മുന്നോട്ടുപോകുമ്പോള്‍ കൈകൊട്ടിച്ചിരിക്കുന്നവര്‍ മനസ്സിലാക്കുക.. തകരുന്നതു് ജനാധിപത്യമാണെന്നു്.

--- വാല്‍ക്കഷണം : കോഴിക്കൊട്ടെ ദേവഗിരി കോളേജില്‍ നിന്നുള്ള ചില MSW വിദ്യാര്‍ത്ഥികള്‍ സ്റ്റുഡന്‍സ് എഗൈന്‍സ്റ്റ് നൂക്ലിയര്‍ പവര്‍ എന്ന പേരില്‍ ഡല്‍ഹിയില്‍ 8 ദിവസത്തോളം നിരാഹാര സമരം നടത്തിയിരുന്നു. അവരുടെ പ്രസ്താവനയിവിടെ . അതിരപ്പിള്ളി പദ്ധതിക്കുവേണ്ടിയുള്ള എകെ ബാലന്റെ വാദങ്ങളോടുപമിക്കാവുന്ന (ഡാം കെട്ടിയാല്‍ വെള്ളച്ചാട്ടത്തിലും പുഴയിലും വെള്ളം കൂടും, കൂടുതല്‍ കാടു വളരും മൃഗങ്ങള്‍ വരും സര്‍ക്കാര്‍ ആദിവാസികള്‍ക്ക് വീടുകെട്ടിക്കൊടുക്കും) ഊര്‍ജ്ജ ആവശ്യങ്ങളെക്കുറിച്ചുള്ള പ്രധാനമന്ത്രിയുടെയും മറ്റ് ആസ്ഥാന ആണവശാസ്ത്രജ്ഞന്‍മാരുടെയും വാദങ്ങള്‍ക്ക് കണക്കുകള്‍ നിരത്തി ഈ പ്രസ്താവന മറുപടി പറയുന്നുണ്ട്. സാങ്കേതിക കാരണങ്ങളും കണക്കും കണ്ടേ വിശ്വസിക്കൂ എന്നവര്‍ക്ക് നോക്കാം. ഈ സമരത്തില്‍ പങ്കെടുത്ത ടോമിയെന്ന ദേവഗിരി കോളേജ് അധ്യാപകനെ കോളേജ് മാനേജ്മെന്റ് പുറത്താക്കിയെന്നതാണ് ഇതിലെ അടിക്കുറിപ്പ്. സ്വാശ്രയകോളേജ് നടത്തുന്നത് സാമൂഹ്യപ്രവര്‍ത്തനത്തിനു MSW വിദ്യാര്‍ത്ഥികളെ സജ്ജരാക്കാനല്ലാ കാശുണ്ടാക്കാന്‍ വേണ്ടിമാത്രമാണെന്ന് പിരിച്ചുവിടല്‍ക്കുറിപ്പിലും പറയുന്നു.

(കോളേജിന്റെ പേരില്‍ ഒരു തെറ്റു കടന്നുകൂടിയിരുന്നതു് തിരുത്തുന്നു. ചൂണ്ടിക്കാണിച്ച സുഹൃത്തുക്കള്‍ക്കു നന്ദി.)

ചെങ്ങറ ഭൂസമരം അവകാശപ്പെടുന്നത്

2008-04-02T15:10:00.006+05:30

ചെങ്ങറ ഭൂസമരവുമായി ബന്ധപ്പെട്ട ചില ലേഖനങ്ങള്‍ ഇവിടെ പങ്കു വെക്കുന്നു.
1. മണ്ണില്‍ പണിയുന്ന ജനതയ്ക്ക് ഭൂമിയെവിടെ? അതാരുടെ കയ്യില്‍? : ചെങ്ങറ ഭൂസമരനേതാവ് ളാഹാ ഗോപാലനുമായി അഭിമുഖം : മാധ്യമം വാരിക
2. ഒരു ആള്‍ ദൈവത്തിന്റെ മരണം : കെ.കെ കൊച്ചു് - മാതൃഭൂമി ആഴ്ചപതിപ്പു്
3. ഭൂമിയും അവകാശങ്ങളും : ദിലീപ് രാജ് : ദേശാഭിമാനി ആഴ്ചപ്പതിപ്പു്

ഇതില്‍ ആദ്യത്തെ രണ്ടും പിഡിഎഫ് ആയി http://groups.google.com/group/greenyouth/files ല്‍ ലഭ്യമാണ്. ദിലീപ് രാജിന്റെ ലേഖനം മാത്രമേ എനിക്കു് യൂണിക്കോഡില്‍ കിട്ടിയുള്ളൂ.. അതു് താഴെക്കൊടുക്കുന്നു.
--------------
ഭൂമിയും അവകാശങ്ങളും
ദിലീപ് രാജ്

"അടിമത്തം മനുഷ്യാവകാശലംഘനമാവുന്നതു് അതു് സ്വാതന്ത്ര്യം നിഷേധിക്കുന്നതുകൊണ്ടല്ല. (സ്വാതന്ത്ര്യനിഷേധം മറ്റുപല സാഹചര്യങ്ങളിലുമുണ്ടല്ലോ), മറിച്ചു് ഒരു വിഭാഗം ജനങ്ങള്‍ക്കു് സ്വാതന്ത്ര്യത്തിനുവേണ്ടി സമരംചെയ്യാനുള്ള സാധ്യത തന്നെ നിഷേധിക്കുന്നതുകൊണ്ടാണു്.''
-ഹന്ന ആമെന്റ്

"ഈ പ്രസ്ഥാനത്തിന്റെ ആദ്യത്തെ നേട്ടം ഈ പ്രസ്ഥാനം തന്നെയാണു്- അതിന്റെ അസ്തിത്വം. അദൃശ്യതയില്‍നിന്നും മൌനത്തില്‍നിന്നും ശൂന്യതയില്‍നിന്നും അതു് സ്വയം പുറത്തേക്കു് വരുന്നു.''
- പിയറി ബുര്‍ദ്യു

മാര്‍ച്ച് 20-ാം തീയതി ഇതെഴുതുമ്പോള്‍ 'ഹിന്ദു'പത്രത്തില്‍ ചെങ്ങറ ഭൂസമരനേതൃത്വം മുഖ്യമന്ത്രിയുമായി നടത്തിയ ചര്‍ച്ച പരാജയപ്പെട്ടതിന്റെ വാര്‍ത്ത മുന്നിലുണ്ടു് . സമരം നിര്‍ത്തി വില്ലേജ് ഓഫീസുകളില്‍ അപേക്ഷകൊടുത്തു് കാത്തിരിക്കൂ, ഭൂമി തരാം എന്നാണ് സര്‍ക്കാര്‍ സമരനേതൃത്വത്തോട് പറഞ്ഞതു്

ഒരു രാഷ്ട്രീയ പ്രസ്ഥാനത്തെ ഒറ്റയടിക്കു് നിര്‍വീര്യമാക്കാനുള്ള ശ്രമമാണിതു്. കുടുംബശ്രീയും ചെങ്ങറസമരവും തമ്മിലുള്ള വ്യത്യാസം ആദ്യത്തേതില്‍ സര്‍ക്കാരിന്റെ ക്ഷേമപ്രവര്‍ത്തനങ്ങളുടെ സ്വീകര്‍ത്താക്കള്‍ എന്ന വികസനകര്‍തൃത്വമാണു് കല്‍പ്പിക്കപ്പെടുന്നതെങ്കില്‍ രണ്ടാമത്തേതില്‍ നിഷ്ക്രിയ സ്വീകര്‍ത്താക്കളാവാന്‍ വിസമ്മതിച്ചുകൊണ്ടു് സക്രിയ രാഷ്ട്രീയ കര്‍ത്താക്കളായി തങ്ങളുടെ ആവശ്യങ്ങളുന്നയിക്കുന്നു എന്നതാണു്.

ചെങ്ങറയില്‍ സമരം ചെയ്യുന്നതിലൂടെ അവകാശങ്ങള്‍ ഉള്ളവരാണു് തങ്ങളെന്ന സ്വത്വപ്രഖ്യാപനവും സ്വത്വരൂപീകരണവും നടക്കുന്നുണ്ടെന്നു് സര്‍ക്കാരിനറിയാം. അതംഗീകരിക്കാന്‍ വിസമ്മതിക്കുകയും ഭരണനിര്‍വഹണ ഗണമായി അവരെ വ്യവഹരിക്കുകയും ചെയ്യുമ്പോള്‍ ഒരു കൈകാര്യംചെയ്യേണ്ട വിഷയം (management problem) എന്ന നിലയ്ക്കു് സജീവ രാഷ്ട്രീയ വിഷയികളെ ലഘൂകരിക്കുകയാണു്.

സ്വയം പ്രതിനിധീകരിക്കാനുള്ള അവകാശമാണു് ജനാധിപത്യം. ജനങ്ങള്‍ക്കുവേണ്ടി എന്നത് അമൂര്‍ത്തമായ ഒരവകാശവാദമാണു്. ആരാണീ 'ജനം' ? വെറുമൊരു ശൂന്യരൂപകമാണതു്. ജനങ്ങളില്‍ത്തന്നെയുള്ള കുറേയാളുകള്‍ വന്നിട്ടു് അവകാശവാദമുന്നയിക്കുമ്പോള്‍ ശൂന്യപദങ്ങള്‍വെച്ചുള്ള 'മാനേജ്മെന്റ്' അസാധ്യമായിത്തീരും. ജനകീയസമരങ്ങളെ മെരുക്കാനുള്ള ഒരു മാര്‍ഗം അവരെ 'പൌരരാ'യി പരിഗണിക്കാതെ 'ജനവിഭാഗങ്ങളാ'യി ഭരണഭാഷയില്‍ വ്യവഹരിക്കുക എന്നതാണു്. പൌരര്‍ക്കു മാത്രമേ അവകാശങ്ങളും ജനാധിപത്യവുമുള്ളൂ. ചെങ്ങറയില്‍ നടക്കുന്നത് ഭൂമിക്കുവേണ്ടിയുള്ള കേവലമായ വിലാപമല്ല. പൌരത്വത്തിനുവേണ്ടിയുള്ള രാഷ്ട്രീയസമരമാണു്.

സ്വത്തുടമസ്ഥരായ പൌരരുടെ അവകാശങ്ങള്‍ മാത്രമേ സര്‍ക്കാര്‍ സംരക്ഷിക്കുകയുള്ളൂ. അവകാശശൂന്യരുടെ രാഷ്ട്രീയസമരങ്ങള്‍ 'കൈയേറ്റ'ങ്ങളാവുന്നതിങ്ങനെയാണു്. അതുകൊണ്ടാണ് സമരം അംഗീകരിക്കില്ല, ഭൂമി തരാം എന്നു് പറയുന്നതു്. ദലിതരും സ്ത്രീകളും ആദിവാസികളുമൊക്കെ ഭരണനയങ്ങളുടെ പ്രജകള്‍ മാത്രമാവേണ്ട ജനവിഭാഗങ്ങള്‍ ആയിരിക്കണമെന്ന ശാഠ്യമാണതു്.

സാമൂഹ്യക്ഷേമപരിപാടികളുടെ ഗുണഭോക്താക്കള്‍ എന്ന സ്വത്വനിര്‍വചനത്തില്‍നിന്നു് കുതറിമാറി ദലിതരും സ്ത്രീകളും ആദിവാസികളുമൊക്കെ നടത്തുന്ന സമരങ്ങള്‍ നവ സാമൂഹ്യപ്രസ്ഥാനങ്ങളാവുന്നതു് അവ ഏക കര്‍തൃത്വ സങ്കല്പത്തെയും ഏക ശത്രു എന്ന പ്രതിദ്വന്ദിത്വത്തെയും കൈയൊഴിയുന്നതുകൊണ്ടാണു്. അവയില്‍ 'നവ'മായുള്ളത് താഴെ പറയുന്ന ഘടകങ്ങളാണെന്നു പറയാം.

1. അധികാരത്തെയും രാഷ്ട്രീയത്തെയും കുറിച്ച് പുതിയ സങ്കല്പങ്ങള്‍ മുന്നോട്ടുവെക്കുന്നു. മുമ്പ് രാഷ്ട്രീയമല്ലെന്നു് കരുതിയ പല കാര്യങ്ങളും രാഷ്ട്രീയമാണെന്നു് സ്ഥാപിക്കുന്നു. കുടുംബം, നിയമം, സംസ്കാരം തുടങ്ങിയ മണ്ഡലങ്ങളെ അധികാരപ്രയോഗവേദികളെന്ന നിലക്ക് പരിശോധനാ വിധേയമാക്കുന്നു.

2. സ്ഥാപനവത്കൃതമല്ലാത്ത പുതിയ സംഘടനാരൂപങ്ങളും സമരരൂപങ്ങളും സൃഷ്ടിക്കുന്നു. ഇത് രാഷ്ട്രീയത്തെ കൂടുതല്‍ ജനാധിപത്യപരവും വികേന്ദ്രീകൃതവുമാക്കുന്നു.

3. നടപ്പു് വികസനമാതൃകകളെ വിമര്‍ശനവിധേയമാക്കുന്നു.

4. അവ ഇടപെടുന്നതു് പരമ്പരാഗതമായി അംഗീകൃതമായ മണ്ഡലങ്ങളിലല്ല, പുതിയ മേഖലകളിലാണു്. മുമ്പ് രാഷ്ട്രീയമല്ലെന്നു് അയോഗ്യത കല്പിച്ച് അദൃശ്യമാക്കപ്പെട്ട സ്വത്വങ്ങളെ കേന്ദ്രസ്ഥാനത്തു കൊണ്ടുവരുന്നു. ദൈനംദിന പ്രയോഗങ്ങളിലെ അധികാരാന്തര്‍ഹിതങ്ങള്‍ വിമര്‍ശനവിധേയമാക്കുന്നു.

5. പൊതു/സ്വകാര്യം, സാമ്പത്തികം/സാമൂഹ്യം തുടങ്ങിയ വേര്‍തിരിവുകളെ ചോദ്യം ചെയ്യുന്നു.

ചെങ്ങറ ഭൂസമരം

2007 ആഗസ്ത് നാലിനു് 300 കുടുംബങ്ങള്‍ ഹാരിസണ്‍ മലയാളം കൈവശംവെക്കുന്ന ചെങ്ങറ എസ്റ്റേറ്റില്‍ കുടില്‍ കെട്ടിയാരംഭിച്ച സമരമാണു് രണ്ടുമാസത്തിനകം 7000 കുടുംബങ്ങള്‍ പങ്കെടുക്കുന്ന സമരമായി വികസിച്ചതു്. സാധുജനവിമോചന സംയുക്തവേദിയുടെ നേതൃത്വത്തിലുള്ള സമരത്തില്‍ ആലപ്പുഴ, പത്തനംതിട്ട, കൊല്ലം, കോട്ടയം, ഇടുക്കി, തിരുവനന്തപുരം മുതല്‍ കാസര്‍ക്കോടു് വരെയുള്ള ഭൂരഹിതര്‍ എത്തിച്ചേര്‍ന്നിട്ടുണ്ടു്. അവരില്‍ എല്ലാ ജാതിമതസ്ഥരുമുണ്ടു്. സുറിയാനി ക്രിസ്ത്യാനികള്‍, മുസ്ലീങ്ങള്‍, ദലിത് ക്രൈസ്തവര്‍, ആദിവാസികള്‍, നായന്മാര്‍, ഈഴവര്‍ തുടങ്ങി എല്ലാ വിഭാഗത്തിലും പെട്ട ഭൂരഹിതര്‍ കേട്ടറിഞ്ഞു് എത്തിച്ചേരുകയും കുടില്‍കെട്ടി സമരംചെയ്യുകയുമാണു്. 1994 ന് ശേഷം ഹാരിസണ്‍ പാട്ടമടച്ചിട്ടില്ലാത്ത ഭൂമിയായതിനാല്‍ പാട്ടക്കരാര്‍ ഫലത്തില്‍ റദ്ദായിട്ടുണ്ടു്. 99 വര്‍ഷത്തെ പാട്ടക്കാലാവധി ഈ വര്‍ഷം പൂര്‍ത്തിയാകും. സര്‍ക്കാര്‍ ഈ ഭൂമി ഏറ്റെടുത്ത് ഭുരഹിതര്‍ക്ക് വിതരണം ചെയ്യണമെന്നാണു് സമരമുന്നയിക്കുന്ന ആവശ്യം.

ഏഴായിരത്തോളം കുടുംബങ്ങളില്‍ 85 ശതമാനവും ദലിതരാണെന്നത് യാദൃച്ഛികമല്ല. കേരളത്തിലെ ഭൂരഹിതരില്‍ 85 ശതമാനവും ദലിതരും ആദിവാസികളുമാണു്-എന്താണിതിന്റെ ചരിത്ര പശ്ചാത്തലം?

ഭുപരിഷ്കരണനിയമം നടപ്പാക്കിയപ്പോള്‍ തോട്ടം മേഖലയെ പരിധി നിശ്ചയിക്കാന്‍ പാടില്ലാത്തതായി ഒഴിവാക്കുകയായിരുന്നു. ജാതിബന്ധങ്ങള്‍ക്കകത്ത് ഒരിക്കലും വാരക്കാരായിരുന്നിട്ടില്ലാത്ത ദലിതരും പാട്ടക്കാരായിരുന്നിട്ടില്ലാത്ത ആദിവാസികളും ഭൂപരിഷ്കരണ നിയമത്തിന്റെ പരിരക്ഷയില്‍ വരാതെ പുറന്തള്ളപ്പെട്ടു.

അങ്ങനെ ബഹിഷ്കൃതരായ ദലിതര്‍ക്കും ആദിവാസികള്‍ക്കും വേണ്ടിയാണ് കുടികിടപ്പുനിയമം പാസാക്കിയതു്. പഞ്ചായത്തുകളില്‍ പത്തുസെന്റും മുനിസിപ്പല്‍ ഏരിയയില്‍ അഞ്ചുസെന്റും കോര്‍പറേഷന്‍ പരിധിയില്‍ മൂന്നുസെന്റുമാണു് ഒരു കുടുംബത്തിന് ലഭിച്ചതു്. ഇവിടെയും പുറന്തള്ളപ്പെട്ടവര്‍ക്കുവേണ്ടി 1972-ല്‍ ലക്ഷംവീടു് പദ്ധതി നടപ്പാക്കി. അതിലും മിച്ചം വന്നവര്‍ക്കുവേണ്ടി ഹരിജന്‍ കോളനികള്‍.

കേരളത്തിലിന്നു് 12500 ലധികം കോളനികള്‍ നിലനില്‍ക്കുന്നു. ഇതിനും പുറമെ റോഡു്, തോടു് പുറമ്പോക്കുകളില്‍ ജീവിക്കുന്നവരും.

അങ്ങനെ ഭൂപരിഷ്കരണവും കേരള പൌരത്വസങ്കല്പവും പുറന്തള്ളിയവരാണു് ചെങ്ങറയില്‍ പൌരത്വത്തിനും ഭൂമിക്കും വേണ്ടി സമരം ചെയ്യുന്നതു്. ഈ പുറമ്പോക്കു നിവാസികള്‍ 'ഭൂവുടമ'കളാണെന്നു് പറയുന്നതു് ചരിത്രവിരുദ്ധവും ബാലിശവുമാണു്.

സ്വത്വവും ജനാധിപത്യവും

ഇങ്ങനെയൊരു പുതിയ സാമൂഹ്യപ്രസ്ഥാനത്തെ 'നക്സലൈറ്റ്' എന്ന് മുദ്രയടിക്കുമ്പോള്‍ അതിന്റെ രാഷ്ട്രീയത്തിന്റെ നവീനത പൂര്‍ണമായും അദൃശ്യമാക്കപ്പെടും. വാസ്ത വത്തില്‍ നക്സലൈറ്റ് രാഷ്ട്രീയം ശത്രുവിനെയാണു് സ്വത്വനിര്‍വചനത്തിന്റെ ആധാരമായെടുക്കുന്നതു്. ശത്രു ഉന്മൂലനം ചെയ്യപ്പെടേണ്ട എതിരാളിയാണു്.

പുതിയ സാമൂഹ്യപ്രസ്ഥാനങ്ങള്‍ ശത്രുവിനെയല്ല എതിരി(adversary) യെയാണു് സ്വത്വനിര്‍വചനത്തിനു് അടിസ്ഥാനമാക്കുന്നതു്. എല്ലാ സ്വത്വങ്ങളും പാരസ്പര്യങ്ങളില്‍ അധിഷ്ഠിതമാണു്. അതു് നിലവില്‍ വരുന്നതു് ഏതെങ്കിലും വ്യത്യാസത്തില്‍ ഊന്നിയും ഏതെങ്കിലും അപരത്വത്തെ നിര്‍ണയിച്ചുകൊണ്ടുമാണു്. എതിരിയെ ഉന്മൂലനം ചെയ്യേണ്ട ശത്രുവായല്ല, സഹിഷ്ണുതാപൂര്‍വം സഹവര്‍ത്തിക്കേണ്ട അപരരായാണു് പുതു സാമൂഹ്യപ്രസ്ഥാനം കണക്കിലെടുക്കുന്നത്.

ചെങ്ങറയിലേതുപോലെ താദാത്മ്യപ്പെടാന്‍ സാധിക്കുന്ന മതേതര ജനാധിപത്യസമരങ്ങളുടെ അഭാവത്തില്‍ തീവ്രവലതുപക്ഷത്തിനു് വംശീയവും മതാത്മകവും ദേശീയവുമായ സ്വത്വങ്ങള്‍ നിര്‍മിച്ചെടുക്കുക എളുപ്പമാണു്. അവ എതിരാളികളെ നിര്‍വചിക്കുന്നതു് ഇല്ലാതാക്കപ്പെടേണ്ട ശത്രുക്കളായാണ്.

ബഹുജനാധിപത്യത്തിന്റെ രാഷ്ട്രീയചക്രവാളത്തിന്റെ അഭാവത്തില്‍ ജനാധിപത്യവിരുദ്ധ വലതുപക്ഷശക്തികള്‍ ശക്തിപ്രാപിക്കുന്ന സമകാലീനാവസ്ഥയില്‍ അധീശത്വത്തിനെതിരായ പലതരം സമരങ്ങള്‍ക്കു് ഇടമുള്ള ഒരു ചക്രവാളമായിരിക്കണം 'ഇടതു്' എന്നത്. വ്യവസ്ഥാപിത ഇടതുപക്ഷം പലപ്പോഴും തീവ്രവലതുപക്ഷ വ്യവഹാരങ്ങളെ ആശ്രയിച്ചാണു് പുതുസാമൂഹ്യപ്രസ്ഥാനങ്ങളെ നേരിടുന്നതെന്നത് അപകടകരമായ ഒരു പരിണതിയാണു്.

ചെങ്ങറ സമരം മുന്നോട്ടുവെക്കുന്ന ഒരു ചോദ്യമിതാണു്: "ആരാണ് കേരളത്തില്‍ 'തൊഴിലാളി'? ഏറ്റവും മര്‍ദിതരും സാമൂഹ്യ പരിവര്‍ത്തനത്തിന്റെ വക്താക്കളുമാവാന്‍ യോഗ്യതയുള്ളവരും ആരൊക്കെയാണു്.?''

വിബ്‌ജിയോര്‍ ചലച്ചിത്ര മേള 2008

2008-02-15T08:38:00.006+05:30

പണ്ടേ പോസ്റ്റണമെന്നു കരുതിയതാണ് . വൈകിപ്പോയെങ്കിലും വിബ്‌ജിയോര്‍ തുടങ്ങിയെങ്കിലും ഇതിവിടെ ഇടുകയാണ്

ചുറ്റുമുള്ള ‘വലിയ ലോക’ത്തിനെതിരെ അനേകം ‘ചെറു സമൂഹ’ങ്ങള്‍ നടത്തുന്ന ധീരമായ പ്രതിരോധങ്ങളുടെയും ചെറുത്തുനില്‍പ്പുകളുടെയും ആഘോഷമാണ് ‘വിബ്‌ജിയോര്‍’ ചലച്ചിത്രോല്‍സവം. ചലച്ചിത്ര പ്രവര്‍ത്തകരും സാമൂഹ്യ പ്രവര്‍ത്തകരും മാദ്ധ്യമ വിദ്യാര്‍ത്ഥികളും ഇവിടെ ഒരുമിക്കുന്നു; സാമൂഹിക- പാരിസ്ഥിതിക ഗൌരവമുള്ള സിനിമകള്‍ക്കു വേദിയൊരുക്കുന്നു. ഒപ്പം സമകാലിക ജനകീയ പ്രക്ഷോഭങ്ങളുടെയും മുന്നേറ്റങ്ങളുടേയും മിടിപ്പുകളും.....

വൈവിധ്യത്തിന്റെ സൌന്ദര്യത്തിനു തര്‍ക്കങ്ങളില്ല. വിവിധ ജനവിഭാഗങ്ങളുടെ സമ്പന്നമായ സാംസ്ക്കാരിക വൈവിധ്യങ്ങളെക്കുറിച്ചും സ്വത്വാന്വേഷങ്ങളുടെ പ്രസക്തിയെക്കുറിച്ചും ഞങ്ങള്‍ക്ക് തികഞ്ഞ ബോധ്യമുണ്ട്. ഇത്തരം അന്വേഷണ ആവിഷ്കാരങ്ങളുടെ സ്വാതന്ത്ര്യത്തിനും നീതിയ്ക്കുമായി വിബ്‌ജിയോര്‍നിലനില്‍ക്കുന്നു. 'വിബ്‌ജിയോറി'ന്റെ മഴവില്‍ നിറങ്ങള്‍ അനിവാര്യമായ ഈ കൂട്ടായ്മയെ തന്നെയാണ് സൂചിപ്പിക്കുന്നത്. 'വിബ്‌ജിയോറി'ല്‍ വിവിധങ്ങളായ ചലച്ചിത്ര ആവിഷ്ക്കാരങ്ങളുടെ രൂപത്തില്‍ ഈ വൈവിധ്യങ്ങളുടേയും കൂട്ടായ്മയുടെയും രാഷ്ട്രീയം ശബ്ദങ്ങളും ബിംബങ്ങളുമായി രേഖപ്പെടുത്തും.

നോണ്‍-ഫീച്ചര്‍ സിനിമകളുടേതായ ഈ അന്താരാഷ്ട്ര ചലച്ചിത്രോല്‍സവം സംഘടിപ്പിക്കുന്നത് വിവിധസാമൂഹ്യ-സാംസ്ക്കാരിക സംഘടനകള്‍, ഫിലിം സൊസൈറ്റികള്‍ എന്നിവയുടെ കൂട്ടായ്മയായ ‘വിബ്‌ജിയോര്‍ ഫിലിം കളക്ടീവ്’ ആണ്. വിവിധ സര്‍ക്കാര്‍ വകുപ്പുകളുടേയും സര്‍ക്കാരിതര ഏജന്‍സികളുടേയും ഹാര്‍ദ്ദവമായ പിന്തുണയും ‘വിബ്‌ജിയോറി’നുണ്ട്.

സാമൂഹ്യ-സാംസ്ക്കാരിക-പാരിസ്ഥിതിക വിഷയങ്ങളെക്കുറിച്ചുള്ള ഡോക്യുമെന്ററികള്‍ / ഹ്രസ്വകഥാചിത്രങ്ങള്‍ എന്നിവയുടെ പ്രദര്‍ശനം മാത്രമല്ല ‘വിബ്‌ജിയോര്‍’. പ്രതിബദ്ധരായ ചലച്ചിത്ര പ്രവര്‍ത്തകര്‍, സാമൂഹ്യ പ്രവര്‍ത്തകര്‍, ജനകീയമുന്നേറ്റ പ്രസ്ഥാനങ്ങളുടെ പ്രതിനിധികള്‍, യുവജനങ്ങള്‍, സ്ത്രീസംഘടനാ പ്രവര്‍ത്തകര്‍, മാധ്യമ വിദ്യാര്‍ത്ഥികള്‍ ഇവരേവരുടേയും ഒത്തുചേരലുകളും ഇടപെടലുകളും പരസ്പര പ്രവര്‍ത്തനങ്ങളും കൂടിയാണ് ‘വിബ്‌ജിയോര്‍’.

വിബ്‌ജിയോര്‍ തീം പാക്കേജ്

മഴവില്ലിന്റെ ഏഴു നിറങ്ങളെ പ്രതിനിധാനം ചെയ്യുന്ന ഗൌരവതരങ്ങളായ ഏഴു പ്രമേയങ്ങളെയാണ് വിബ്‌ജിയോര്‍ പ്രധാനമായും ഉള്‍ക്കൊള്ളുന്നത്.

1) ഗോത്ര ജനത:-
ആധുനിക 'കണ്‍സ്യൂമര്‍' സമൂഹം നാടുകടത്തിയ ആദിമ ഗോത്രസമൂഹങ്ങളില്‍ നിന്നു യുക്തിബോധവും വിവേകവും നഷ്ടപ്പെട്ട ഇന്നത്തെ മനുഷ്യന്‍ പലതും പഠിക്കേണ്ടിയിരിക്കുന്നു. സംസ്കാരത്തിന്റെ പ്രാഗ് രൂപങ്ങളുടെ ഉറവിടങ്ങളായ ആദിവാസി ജനതയുടെ ലോകവും ആദിവാസി മുന്നേറ്റങ്ങളുടെ ആഖ്യാനങ്ങളുമാണ് ഈ വിഭാഗത്തില്‍ പ്രദര്‍ശിപ്പിക്കുന്ന സിനിമകള്‍.

2) ദലിത് യാഥാര്‍ത്ഥ്യങ്ങള്‍:-
നൂറ്റാണ്ടുകളായി നികൃഷ്ടമായ ജാതി - വ്യവസ്ഥയുടെ അധികാര ഘടനകള്‍ക്ക് കീഴില്‍ ചൂഷണങ്ങള്‍ക്കും അടിച്ചമര്‍ത്തലുകള്‍ക്കും ഇരകളായി ജീവിച്ച ദലിതര്‍ ഇന്ന് കൂട്ടായ സ്വരവും പ്രതിരോധവും കണ്ടെത്താനുള്ള ശ്രമത്തിലാണ്. ചരിത്രത്തില്‍ ഇനിയും രേഖപ്പെടുത്തിയിട്ടില്ലാത്ത അവരുടെ ജീവിതത്തിന്റെയും പോരാട്ടത്തിന്റെയും കഥകളാണ് ഈ വിഭാഗത്തില്‍ പ്രദര്‍ശിപ്പിക്കുന്നത്.

3) മൌലിക വാദവും വൈവിധ്യവും:-
അര്‍ബുദ ബാധിതമായ ഒരു മനുഷ്യ ശരീരം പോലെയാണ് ഇന്നു ഇന്ത്യ. അസഹിഷ്ണുതയും അന്യമത ദ്വേഷവും ആക്രമണോത്സുകതയും വംശഹത്യയും ഭീതിതമായ അന്തരീക്ഷം സൃഷ്ടിച്ചുകൊണ്ടിരിക്കുന്നു. ആക്രമണോല്‍സുകങ്ങളായ ഭൂരിപക്ഷ മൌലികവാദങ്ങള്‍ ഉയര്‍ത്തുന്ന ഭീഷണികള്‍ നിസ്സാരങ്ങളല്ല. ഈയൊരു പശ്ചാത്തലത്തില്‍ സഹവര്‍ത്തിത്വത്തിന്റെയും സഹിഷ്ണുതയുടെയും ലോകമെന്ന സ്വപ്നം യാഥാര്‍ത്ഥ്യമാക്കുന്നതിനായി 'വിബ്‌ജിയോര്‍' മൌലികവാദത്തിനെതിരെ വൈവിധ്യങ്ങളും ബഹുസ്വരതയും മാനവികതയും ആഘോഷിക്കുന്നു; ഇത്തരം വിഷയങ്ങള്‍ കേന്ദ്രീകരിച്ചുള്ള സിനിമകള്‍ പ്രദര്‍ശിപ്പിക്കുന്നു.

4) ലിംഗപദവിയും ലൈംഗികതയും:-
ആധുനിക ഫെമിനിസ്റ്റ് ചിന്തയുടെ ഉത്ഭവത്തിനുശേഷം അര നൂറ്റാണ്ട് പിന്നിട്ടിട്ടും ലോകത്തെല്ലായിടത്തും സ്ത്രീകള്‍ പുരുഷ കേന്ദ്രീകൃതരായ സമൂഹത്തിന്റെയും അധികാര സ്ഥാപനങ്ങളുടെയും അടിച്ചമര്‍ത്തലുകള്‍ക്കും വിധേയരായിത്തന്നെ കഴിയുന്നു. അടുത്ത കാലത്തായി സ്ത്രീകളും വിഭിന്ന ലൈംഗികാഭിപ്രായമുള്ളവരും തിരിച്ചറിവിന്റെയും പ്രതിരോധത്തിന്റെയും പ്രബലമായ കൂട്ടായ്മകള്‍ പുരുഷ കേന്ദ്രീകൃത വ്യവസ്ഥകള്‍ക്കെതിരെ പടുത്തുടയര്‍ത്തുന്നുണ്ട്. ലൈംഗീകതയും ലിംഗപദവിയും ആധാരമാക്കി നടക്കുന്ന സ്വത്വാന്വേഷണങ്ങളും പരിപ്രേക്ഷ്യങ്ങളും 'വിബ്‌ജിയോര്‍' ജാഗ്രതയോടെ നോക്കിക്കാണുന്നു.

5) രാഷ്ട്രം - ഭരണകൂടം:-
ഭരണകൂടത്തിന്റെ ഔദ്യോഗിക അധികാര ഘടനകള്‍ ദുരുപയോഗിച്ച് മതേതരത്വത്തിന്റെയും സാമൂഹിക - ലിംഗ നീതിയുടെയും വക്താക്കളെ അടിച്ചമര്‍ത്തി ഭരണകൂടം അഴിച്ചുവിടുന്ന ഭീകരത.... വ്യാജ ഏറ്റുമുട്ടലുകളിലൂടെ നിരപരാധികളെ കൊന്നൊടുക്കുകയും ഭരമണകൂടത്തിന്റെ സംരക്ഷണയില്‍ ഭൂരിപക്ഷ മൌലികവാദം വളര്‍ച്ച പ്രാപിയ്ക്കുകയും രാഷ്ട്രത്തിന്റെ പരമാധികാരം ബഹുരാഷ്ട്ര കുത്തകകള്‍ക്കും ആഗോള കമ്പോളത്തിനും മുമ്പില്‍ അടിയറ വെയ്ക്കുകയും, മനുഷ്യ- പ്രകൃതി സമ്പത്ത് നശിപ്പിക്കുന്ന അശാസ്ത്രീയമായ വികസന മാതൃകകള്‍ നടപ്പിലാക്കുകയും ചെയ്യുമ്പോള്‍ തന്നെ, രാജ്യത്തിന്റെ പല ഭാഗങ്ങളില്‍ വ്യത്യസ്തങ്ങളായ ചെറുത്തുനില്പുകളും പ്രബലമായ ജനകീയ പ്രതിരോധ നിരകളും ഉയര്‍ന്നുവരുന്നുണ്ട്. ഇത്തരം സമകാലിക സമരമുഖങ്ങളെ പകര്‍ത്തിയെടുത്ത് ചലച്ചിത്ര മാധ്യമത്തില്‍ രേഖപ്പെടുത്തുന്ന മാതൃകകള്‍ ഈ വിഭാഗത്തിലുള്‍ക്കൊള്ളിച്ചിരിക്കുന്നു.

6) ആഗോളവത്കരണം:-
എണ്ണമറ്റ ജനവിഭാഗങ്ങളെ അടിസ്ഥാന മനുഷ്യാവകാശങ്ങള്‍ നിഷേധിച്ച്, പുരോഗതിയുടേയും ആധുനീകരണത്തിന്റെയും പുറം പോക്കുകളില്‍ ഉപേക്ഷിച്ച് ആഗോളവത്കരത്തിന്റെ രാഷ്ട്രീയത്തിനകത്ത് പുതുതായി രൂപം കൊള്ളുന്ന അധികാര ഘടനകള്‍ കീഴ്പ്പെടുത്തലിന്റെയും വിവേചനത്തിന്റെയും പുതുമാതൃകകള്‍ ആസൂത്രണം ചെയ്യുന്നു. 'വിബ്‌ജിയോര്‍' അതിന്റെ നിറങ്ങള്‍ വ്യാപിപ്പിച്ച് പാര്‍ശ്വവത്കരിക്കപ്പെട്ട ഈ ജനവിഭാഗങ്ങളുടെ പ്രതിരോധങ്ങളും പ്രതീക്ഷകളുമായി കൈകോര്‍ക്കുന്നു. ഇവരെക്കുറിച്ചുള്ള വിവിധങ്ങളായ, ചലച്ചിത്ര ആവിഷ്കാരങ്ങള്‍ക്കായുള്ള തുറന്ന വേദിയാണ് 'വിബ്‌ജിയോര്‍'.

7) റീജിയണ്‍ ഫോക്കസ്:-
ദേശങ്ങള്‍ക്കു ഒരുതരം നിയോഗം പോലെയോ നിര്‍ബന്ധിതമായോ ഏറ്റെടുക്കേണ്ടി വരുന്ന ഒറ്റപ്പെടലിന്റെ ഭീഷണതകളെ, അത്തരം അവസ്ഥകളെ തരണം ചെയ്യേണ്ടതിന്റെ ആവശ്യതകളെ ഓര്‍മ്മപ്പെടുന്ന ആവിഷ്ക്കാരങ്ങള്‍ ഈ വിഭാഗത്തിലുള്‍പ്പെടുന്നു.

വിബ്‌ജിയോര്‍ 2008

ഹ്രസ്വചിത്രങ്ങള്‍ക്കും ഡോക്യുമെന്ററികള്‍ക്കുമായുള്ള മൂന്നാമത് വിബ്‌ജിയോര്‍ അന്താരാഷ്ട്ര ഫിലിം ഫെസ്റ്റിവല്‍ 2008 ഫെബ്രുവരി 13ന് സാംസ്ക്കാരിക തലസ്ഥാനമായ തൃശ്ശൂരിലെ പാണഞ്ചേരി പഞ്ചായത്തില്‍ ഔപചാരികമായ ഉദ്ഘാടനത്തോടെ ആരംഭിക്കുകയാണ്. മഴവില്‍മേളയുടെ പ്രധാന ആശയം തനിമകളേയും വൈവിധ്യങ്ങളേയും ആദരിക്കുക - ആഘോഷിക്കുക - എന്നതാണ്. ഈയാണ്ടില്‍ മഴവില്‍മേള ‘ഊര്‍ജ്ജം’ മുഖ്യ പാരിസ്ഥിതിക പ്രമേയമായി അവതരിപ്പിക്കുന്നു. കൂടാതെ ‘പൂര്‍വ്വഭാരതം’ എന്ന ഭൂമിശാസ്ത്രപരമായ ഒരു വിഷയവും പ്രധാന ശ്രദ്ധാകേന്ദ്രങ്ങളില്‍ ഒന്നായി തിരഞ്ഞെടുത്തിരിക്കുന്നു.

ഡോക്യുമെന്ററികള്‍, ഹ്രസ്വചിത്രങ്ങള്‍, മ്യൂസിക് വീഡിയോകള്‍, ആനിമേഷന്‍, സ്പോട്ട്സ്, മൈക്രോ ഫിലിംസ്, മൊബൈല്‍ ഫോണ്‍ ഫിലിംസ് എന്നീ വിഭാഗത്തിലുള്ള സിനിമകളായിരിക്കും മഴവില്‍മേളയില്‍ പ്രദര്‍ശിപ്പിക്കുക. തൃശ്ശൂര്‍ നഗരത്തിലെ വ്യത്യസ്ത വേദികളിലും മഴവില്‍ ഗ്രാമമായി തെരഞ്ഞെടുത്ത പാണഞ്ചേരി പഞ്ചായത്തിലും മഴവില്‍ കലാലയങ്ങളായി പ്രഖ്യാപിച്ച കലാലയങ്ങളിലുമായി 180-ഓളം ചിത്രങ്ങള്‍ ഈ മേളയില്‍ പ്രദര്‍ശിപ്പിക്കുന്നു.

2008 മഴവില്‍ മേളയ്ക്കും പതിവുപോലെ 7 പ്രധാന പാക്കേജുകളുണ്ട്.

എല്ലാ വര്‍ഷവും മേളയുടെ ശ്രദ്ധാകേന്ദ്രമായി, പരിസ്ഥിതിയേയും വികസനത്തേയും പറ്റിയുള്ള നമ്മുടെ ഉല്‍ക്കണ്ഠകളെ പ്രതിഫലിപ്പിക്കുന്ന ഒരു വിഷയം അവതരിപ്പിക്കാറുണ്ട്. 2006ലെ ‘ജല’ത്തിനും 2007ലെ ‘ഭൂമി’യ്ക്കും ശേഷം 2008-ല്‍ ‘ഊര്‍ജ്ജം’ പ്രത്യേക വിഷയമായി തെരഞ്ഞെടുത്തിരിക്കുന്നു. ഈ വിഭാഗത്തില്‍ മുപ്പതോളം ചിത്രങ്ങള്‍ പ്രദര്‍ശിപ്പിക്കുന്നു.

രാജ്യാന്തര പ്രശ്നങ്ങളെ വിഷയമാക്കിയുള്ള സിനിമകളുടെ ഈ പാക്കേജില്‍ മനുഷ്യാവകാശം, കുടിയേറ്റം, ആരോഗ്യവും എച്ച്. ഐ. വി/എയ്ഡ്സ് എന്നിങ്ങനെയുള്ള മൂന്നു വിഷയങ്ങളാണ് പ്രധാനമായും ഉള്‍ക്കൊള്ളിച്ചിരിക്കുന്നത്.

‘എക്സ്പിരിമെന്റല്‍സ്’ – ഈ വിഭാഗത്തില്‍ ഹ്രസ്വചിത്രങ്ങള്‍, മ്യൂസിക് വീഡിയോസ്, സ്പോട്ട്സ്, മൈക്രോ ഫിലിംസ്, മൊബൈല്‍ ഫോണ്‍ ഫിലിംസ് എന്നിവ ഉള്‍പ്പെടുത്തിയിരിക്കുന്നു.

കേരള സമൂഹം, സംസ്ക്കാരം, ഇന്നു നാം അഭിമുഖീകരിക്കുന്ന പ്രശ്നങ്ങള്‍ - ഇവയുടെ ആഴത്തിലുള്ള വിചിന്തനത്തിനായി ‘കേരള സ്പെക്ട്രം’ എന്ന പേരില്‍ ഒരു പ്രത്യേക മല്‍സര വിഭാഗം തന്നെ ഇത്തവണ ഉണ്ട്. കേരളത്തില്‍ താമസിക്കുന്ന ചലച്ചിത്രകാരന്‍മാര്‍ക്ക് മാത്രമേ ഈ വിഭാഗത്തില്‍ മല്‍സരിക്കാന്‍ സാധിക്കൂ. കാണികള്‍ക്ക് ഈ മല്‍സരവിഭാഗത്തിലെ മികച്ച ചിത്രങ്ങള്‍ നിര്‍ണ്ണയിക്കുന്നതില്‍ ഒരു പ്രധാന പങ്കുണ്ടായിരിക്കും.

ദേശീയ റെട്രോസ്പെക്ടീവ്

അന്തര്‍ദ്ദേശീയ റെട്രോസ്പെക്ടീവ്

ഹ്രസ്വ - ഡോക്യുമെന്ററി ചലച്ചിത്ര വിഭാഗങ്ങളില്‍ ശ്രദ്ധേയമായ സംഭാവനകള്‍ നല്‍കിയിട്ടുള്ള മൂന്ന് പ്രഗല്‍ഭരായ ചലച്ചിത്രകാരന്മാരുടെ പതിനഞ്ചോളം സിനിമകള്‍ ഈ രണ്ടു വിഭാഗങ്ങളിലായി പ്രദര്‍ശിപ്പിക്കുന്നു.

പ്രശസ്ത ചലച്ചിത്രകാരനും സംഗീതജ്ഞനുമായ ശ്രീ. ആന്ദ്രേ ഒലിവെറോ, ബ്രസീലിയന്‍ ഹ്രസ്വചിത്രങ്ങളുടേയും ഡോക്യുമെന്ററികളുടേയും ഒരു പ്രത്യേക പാക്കേജുമായി മഴവില്‍മേളയില്‍ എത്തുന്നു. മുഖ്യ പരിസ്ഥിതിപ്രമേയം ‘ഊര്‍ജ്ജ’ത്തെക്കുറിച്ച് രണ്ടു വാക്കുകൂടി.....
ഇക്കുറി മഴവില്‍മേളയുടെ ശ്രദ്ധാകേന്ദ്രം ഊര്‍ജ്ജമാണ്. സമസ്തജീവന്റേയും ആധാരമായ ഭൂമണ്ഡലം കനത്ത മതാതിക്രമങ്ങളാണ് നേരിടുന്നത്. അശാസ്ത്രീയമായ വികസനത്തിന്റെ ഇരയായി മാറുന്ന ഭൂമിയുടെ തകര്‍ച്ച, ജീവന്റെ നിലനില്‍പിനു വെല്ലുവിളിയായിരിക്കുന്നു. മനുഷ്യ നിര്‍മ്മിതമായ ഊര്‍ജ്ജത്തിന്റെ ഊറ്റത്തില്‍ നടത്തുന്ന വികലമായ വികസനങ്ങള്‍ - ഭീമന്‍ അണക്കെട്ടുകളും, ആണവ റിയാക്ടറുകളും - ഇവയ്ക്കായി നശിപ്പിക്കപ്പെടുന്ന വനങ്ങള്‍, നദികള്‍, ജന്തുസസ്യവര്‍ഗ്ഗങ്ങള്‍, മണ്ണ്, ജലസ്രോതസ്സുകള്‍. ഇത്തരം നശീകരണ പ്രവര്‍ത്തനങ്ങളുടെ പ്രത്യാഘാതങ്ങള്‍ ആഗോളതാപനത്തിന്റെയും മറ്റ് പ്രകൃതി ദുരന്തങ്ങളുടേയും രൂപത്തില്‍ ഇന്നു മനുഷ്യനു തിരിച്ചടികളായിക്കൊണ്ടിരിക്കുകയാണ്. പ്രകൃതിയുമായുള്ള അടിസ്ഥാനപരമായ പാരമ്പര്യം ഉപേക്ഷിക്കാതെ വികസനത്തിന്റേയും ഊര്‍ജ്ജത്തിന്റേയും ബദല്‍സാധ്യതകളില്‍ ശ്രദ്ധ കേന്ദ്രീകരിക്കുന്നത് അത്യന്താപേക്ഷിതമായി തീര്‍ന്നിരിക്കുന്നു. ഈ സന്ദേശം ജനങ്ങളിലേയ്ക്കെത്തിക്കുന്നതിനായി വിബ്‌ജിയോര്‍2008 ഊര്‍ജ്ജം മുഖ്യ പാരിസ്ഥിതിക പ്രമേയമായി എടുത്തിരിക്കുന്നു. പ്രസ്തുത വിഷയം കേന്ദ്രീകരിച്ചുള്ള ശ്രദ്ധേയമായ സിനിമകള്‍ പ്രദര്‍ശിപ്പിക്കുന്നതിനോടൊപ്പം തന്നെ ശാസ്ത്രജ്ഞര്‍, സാമൂഹ്യപരിസ്ഥിതി പ്രവര്‍ത്തകര്‍, എഴുത്തുകാര്‍, ജനമുന്നേറ്റ പ്രസ്ഥാനപ്രവര്‍ത്തകര്‍ തുടങ്ങിയവരുമായുള്ള സംവാദങ്ങളും ഉണ്ടായിരിക്കുന്നതാണ്.

ഇനി മഴവില്ലിന്റെ - നിറങ്ങള്‍ - വിഭവങ്ങളെക്കുറിച്ച്...

ബാംഗ്ളൂരിലെ നാഷണല്‍ കര്‍ട്ടന്‍ റെയ്സര്‍:
മഴവില്‍മേള എല്ലാ വര്‍ഷവും തൃശ്ശൂരിലാണ് സംഘടിപ്പിക്കുന്നതെങ്കിലും ഇന്ത്യയുടെ വിവിധ ഭാഗങ്ങളില്‍ ചെറിയ ചെറിയ ഫിലിം ഫെസ്റ്റിവലുകള്‍ മേളയ്ക്ക് മുന്നോടിയായി നാം സംഘടിപ്പിക്കുന്നു. ജനുവരി 18, 19 തീയതികളില്‍ ബാംഗ്ളൂരില്‍ നാഷണല്‍ കര്‍ട്ടന്‍ റെയ്സര്‍ കേരളത്തിലെ മറ്റു ചെറിയ കര്‍ട്ടന്‍ റെയ്സറുകള്‍ക്ക് പ്രാരംഭമായി സംഘടിപ്പിച്ചിരിക്കുന്നു. ബാംഗ്ളൂര്‍ മേളയ്ക്ക് രണ്ടു വേദികളാണുള്ളത്. മില്ലര്‍ റോഡിലെ യുണൈറ്റഡ് തിയോളജിക്കല്‍ കോളേജും, മിഷന്‍ റോഡിലെ സ്റ്റുഡന്റ്സ് ക്രസ്ത്യന്‍ മൂവ്മെന്റ് സെന്ററും. ബാംഗ്ളൂര്‍ മേളയുടെ സംഘാടനം വിബ്‌ജിയോര്‍സംഘാംഗങ്ങളായ ദി അദര്‍മീഡിയ, SICHRM, ESG, സംഗമ, വിഷ്വല്‍ സെര്‍ച്ച് , മൂവിങ്ങ് റിപ്പബ്ലിക് വിസ്താര്‍ എന്നിവരുടെ ആഭിമുഖ്യത്തിലാണ്. ദി അദര്‍മീഡിയ കാശ്മീരിനെ ആസ്പദമാക്കി നിര്‍മ്മിച്ച ‘അസ് അവ് പദ്ഷാറ് ബായ്’ (ഒരിക്കല്‍ ഒരിടത്തൊരു രാജ്ഞി ഉണ്ടായിരുന്നു) ആണ് അവിടെ പ്രദര്‍ശിപ്പിക്കുന്ന ആദ്യ ചിത്രം. 2008 വിബ്‌ജിയോര്‍മേളയില്‍ ഉള്‍പ്പെടുത്തിയിട്ടുള്ള പ്രധാന ഹ്രസ്വചിത്രങ്ങളുടേയും ഡോക്യുമെന്ററികളുടേയും ഒരു പാക്കേജും 2007 മേളയിലെ തിരഞ്ഞെടുക്കപ്പെട്ട ചിത്രങ്ങളും തുടര്‍ന്ന് പ്രദര്‍ശിപ്പിക്കുന്നതായിരിക്കും.

ദേശീയ ഊര്‍ജ്ജ സമ്മേളനം: 2008 വിബ്‌ജിയോറിന്റെ പാരിസ്ഥിതിക ശ്രദ്ധാകേന്ദ്രം ‘ഊര്‍ജ്ജം’ ആണ്. രാഷ്ട്രീയവും അന്താരാഷ്ട്രീയവുമായ വിവിധ ചിത്രങ്ങള്‍ പ്രദര്‍ശിപ്പിച്ചുകൊണ്ട് ഊര്‍ജ്ജ പ്രതിസന്ധിയുടെ വിവിധ വശങ്ങളെക്കുറിച്ചുള്ള ചര്‍ച്ച ഇത്തവണത്തെ മേളയുടെ ഒരു പ്രത്യേകതയാണ്. പക്ഷേ 4-5 ദിവസം മാത്രം നീണ്ടു നില്‍ക്കുന്ന ഒരു മേളയിലൂടെ ഊര്‍ജ്ജ പ്രതിസന്ധിയുടെ എല്ലാ വശങ്ങളും തുറന്നു കാട്ടാം എന്നൊരു വ്യാമോഹം ഞങ്ങള്‍ക്കില്ല. അതിനാല്‍ത്തന്നെ ജനങ്ങളുടേയും ഭരണാധികാരികളുടേയും ഇടയില്‍ പടിപടിയായി ഒരു ബോധവല്‍ക്കരണ പരിപാടിയാണ് ആസൂത്രണം ചെയ്തിരിക്കുന്നത്. തിരുവനന്തപുരത്ത് 24-ാം തീയതി സംഘടിപ്പിച്ചിരിക്കുന്ന ദേശീയ ഊര്‍ജ്ജ സെമിനാര്‍ ഇത്തരത്തിലുള്ള ആദ്യചുവടുവയ്പാണ്. ഈ സമ്മേളനം രാജ്യമെമ്പാടുനിന്നുള്ള വിദഗ്ധരുടേയും ഊര്‍ജ്ജപ്രതിസന്ധി അനുഭവിക്കുന്ന ജനങ്ങളെ പ്രതിനിധീകരിക്കുന്നവരുടേയും ഒരു ഒത്തുചേരലായിരിക്കും. ഇന്ന് പ്രസക്തമായിരിക്കുന്ന ആണവ ഊര്‍ജ്ജ വിഷയത്തില്‍ പ്രത്യേകശ്രദ്ധയൂന്നിക്കൊണ്ട് ഊര്‍ജ്ജനയങ്ങളുടെ ഒരു തുറന്നുകാട്ടല്‍ കൂടിയാകും ഈ വേദിയില്‍ നടക്കുക. തമിഴ്‌നാട്ടിലെ കൂടംകുളം സമരം, കേരളത്തിലെ അതിരപ്പിള്ളി സമരം, പെരിങ്ങോം സമരം തുടങ്ങിയ പ്രദേശങ്ങളില്‍ നിന്നുള്ള ജനപ്രതിനിധി സംഘങ്ങള്‍ തിരുവനന്തപുരത്തെ സെമിനാറില്‍ സംബന്ധിക്കുന്നതാണ്.

ചലച്ചിത്ര ശില്പശാല:
ചലച്ചിത്ര നിര്‍മ്മാണ സംബന്ധിയായ വിഷയങ്ങളെക്കുറിച്ച് ചലച്ചിത്ര - അക്കാദമിക് പ്രവര്‍ത്തകര്‍ നയിക്കുന്ന ചര്‍ച്ചകളും സംവാദങ്ങളും ഉള്‍ക്കൊള്ളുന്ന ഒരു ദ്വിദിന ശില്പശാലയും ഇതിനോടനുബന്ധിച്ച് നടക്കുന്നു. ചലച്ചിത്ര നിര്‍മ്മാണ വിതരണ രംഗങ്ങളിലെ വിവിധ രീതികളെക്കുറിച്ച് അതതു രംഗങ്ങളിലെ പ്രഗല്‍ഭര്‍ നയിക്കുന്ന ചര്‍ച്ചകള്‍ ഉണ്ടായിരിക്കും. ചലച്ചിത്രരംഗത്തെ നവാഗതരെ പ്രധാനമായും ഉദ്ദേശിക്കുന്ന ഈ ശില്പശാലയുടെ ഡയറക്ടര്‍ ശ്രീ. ശ്യാമപ്രസാദാണ്.

ഫെസ്റ്റിവല്‍ ഫ്രം ദ പീപ്പിള്‍:
നഗര ബുദ്ധിജീവികളുടേതു മാത്രമായി ചുരുങ്ങിപ്പോകുന്ന ഹ്രസ്വ - ഡോക്യുമെന്ററി ചലച്ചിത്രങ്ങളെ ഗ്രാമീണ ജനതയിലേക്ക് എത്തിക്കുന്നതിന്റെ ഭാഗമായി 2007 ല്‍ 'വിബ്‌ജിയോര്‍' നഗരത്തിലെ മേളയ്ക്കൊപ്പം പാണഞ്ചേരി പഞ്ചായത്തില്‍ 'മഴവില്‍മേള' സംഘടിപ്പിച്ചിരുന്നു. അതിന്റെ തുടര്‍ച്ചയായി ഇക്കൊല്ലം വിബ്‌ജിയോറിന്റെ തുടക്കം - ഉദ്ഘാടനം - പാണഞ്ചേരി പഞ്ചായത്തിലാണ്. ഗ്രാമത്തില്‍ ആരംഭിച്ച് നഗരത്തില്‍ അവസാനിക്കുന്നു- ഫെസ്റ്റിവല്‍ ഫ്രം ദ പീപ്പിള്‍. പ്രാദേശിക പഞ്ചായത്തിന്റെയും മറ്റു സംഘടനകളുടെയും സഹകരണത്തോടെ നടത്തുന്ന ഈ മേളയിലൂടെ സാധാരണ ഗ്രാമീണര്‍ക്കും ഡോക്യുമെന്ററി സിനിമയുടെ സൌന്ദര്യവും സാങ്കേതികതയും രാഷ്ട്രീയവും പരിചയപ്പെടാന്‍ സാധിക്കുന്നു. അതിലുപരി ചിത്രങ്ങളുമായി ഗ്രാമത്തിലെത്തുന്ന ചലച്ചിത്ര പ്രവര്‍ത്തകരെ കാത്തിരിക്കുന്നത് അവര്‍ ആവിഷ്കരിച്ചതും ആവിഷ്ക്കരിക്കേണ്ടതുമായ ജീവിതത്തിന്റെ നേരനുഭവങ്ങളാണ്.

ക്യാമ്പസ് വിബ്‌ജിയോര്‍:
സ്ക്കൂള്‍ ക്യാമ്പസ് വിദ്യാര്‍ത്ഥികളെ സമൂഹത്തിന്റെ കലുഷയാഥാര്‍ത്ഥ്യങ്ങളേയും പാരിസ്ഥിതിക പ്രശ്നങ്ങളേയുംക്കുറിച്ച് ഡോക്യുമെന്ററികളിലൂടെ ബോധവാന്മാരാക്കുക എന്ന ഉദ്ദേശ്യത്തോടെ ഈ വര്‍ഷം വിബ്‌ജിയോര്‍ക്യാമ്പസ് സീരീസും ഉള്‍പ്പെടുത്തിയിരിക്കുന്നു. തൃശ്ശൂര്‍ നഗരാതിര്‍ത്തിയിലുള്ള 5 കോളേജ് / സ്ക്കൂള്‍ ക്യാമ്പസ്സുകളില്‍ ഇത്തരം സിനിമകളുടെ പ്രദര്‍ശനം ഉദ്ദേശിക്കുന്നു. ഓരോ ക്യാമ്പസ്സിലും പ്രദര്‍ശിപ്പിക്കുന്ന ചിത്രങ്ങളുടെ പ്രവര്‍ത്തകരില്‍ ഒരാളെങ്കിലും പ്രദര്‍ശനത്തില്‍ സംബന്ധിച്ച് വിദ്യാര്‍ത്ഥികളുമായി ചര്‍ച്ചകളില്‍ ഇടപെടുന്നതിനും അവസരമൊരുക്കുന്നു.

മീഡിയ എക്സിബിഷന്‍:
ഗൌരവപൂര്‍ണ്ണവും സംവേദനാത്മകവുമായ ചിത്രങ്ങളുടെ പ്രദര്‍ശനം ഉദ്ദേശിക്കുന്ന വിബ്‌ജിയോര്‍ഇത്തരം ചിത്രനിര്‍മ്മാതാക്കളുടെ പ്രോല്‍സാഹനത്തിലും ശ്രദ്ധിക്കുന്നു. ചലച്ചിത്രങ്ങള്‍ക്കു പുറമെ എന്‍. ജി. ഒ. സംഘടനകള്‍ക്കു ഈ വേദിയില്‍ പുസ്തകങ്ങള്‍, ലഘുലേഖകള്‍ എന്നിവയിലൂടെ തങ്ങളുടെ ആശയങ്ങളെ പങ്കുവയ്ക്കാം.

ഓപ്പണ്‍ ഫോറം / മിനി കോണ്‍ഫറന്‍സുകള്‍:
ഫെസ്റ്റിവല്‍ ദിവസങ്ങളില്‍, അതതു ദിവസങ്ങളില്‍ പ്രദര്‍ശിപ്പിക്കുന്ന ചിത്രങ്ങള്‍ ഇതര ആനുകാലിക വിഷയങ്ങള്‍ എന്നിവയെ ആധാരമാക്കിയുള്ള തുറന്ന ചര്‍ച്ചകള്‍ ഓപ്പണ്‍ ഫോറത്തില്‍ നടക്കുന്നതായിരിക്കും.

മേളയ്ക്കു സമാന്തരമായി ആ ദിവസങ്ങളില്‍ മൂന്നോ നാലോ മണിക്കൂര്‍ ദൈര്‍ഘ്യമുള്ള മിനി കോണ്‍ഫറന്‍സുകള്‍ സംഘടിപ്പിക്കുന്നുണ്ട്. മേളയുടെ പ്രധാന വിഷയങ്ങളായ പരിസ്ഥിതി പ്രശ്നങ്ങളും ലിംഗപദവിയും അനുബന്ധ വിഷയങ്ങളും ഈ സമ്മേളനങ്ങളില്‍ ചര്‍ച്ച ചെയ്യും.

സംഗീത നിശകള്‍:
മഴവില്‍മേള തീര്‍ച്ചയായും ഒരാഘോഷം തന്നെയാണ്. സംഗീതം, ലഘുനാടകങ്ങള്‍ എന്നിവയിലൂടെ തുറന്ന സദസ്സുകളിലേയ്ക്കും ഈ ആഘോഷം എത്തുന്നു. ഈ വര്‍ഷത്തെ വിബ്‌ജിയോര്‍മേളയില്‍ ഫെബ്രുവരി 14, 16 തീയതികളിലായി രണ്ട് സംഗീത നിശകളുണ്ടായിരിക്കും. ചെറുത്തു നില്‍പിന്റേയും തീക്ഷണാനുഭവങ്ങളുടേയും കുഞ്ഞു വിജയങ്ങളുടേയും ഗാഥകളായി മാറിയ മ്യൂസിക് വീഡിയോകളായിരിക്കും ഈ സംഗീത നിശകളുടെ ജീവന്‍.

ഇങ്ങനെ ഒട്ടേറെ പുതുമകളോടെ, പ്രതീക്ഷകളോടെ വാഗ്ദാനങ്ങളോടെ മഴവില്‍മേള നിങ്ങളിലേയ്ക്ക്...........

കൂടുതല്‍ വിവരങ്ങള്‍ ഫെസ്റ്റിവല്‍ വെബ്‌സൈറ്റില്‍

പുസ്തക പൈറസിയും മലയാള സിനിമയും :പൈറസി ചര്‍ച്ച തുടരുന്നു.

2008-01-25T18:57:00.001+05:30

എന്റെ കഴിഞ്ഞ പോസ്റ്റിലെ പുസ്തകവിലയേയും ലീഗാലിറ്റിയേയും കുറിച്ചുള്ള ജോജുവിന്റെ കമന്റാണ് ഇതെഴുതാന്‍ പ്രേരിപ്പിച്ചത്. ഈ പോസ്റ്റിലേക്ക് പുതുതായി വരുന്നവര്‍ കഴിഞ്ഞ പോസ്റ്റ് കൂടി വായിക്കാന്‍ താല്‍പ്പര്യപ്പെടുന്നു.

പൊതു ഉടമസ്ഥതയിലുള്ള വിവരങ്ങളുടെ സംരക്ഷണത്തിനും ലഭ്യതയ്ക്കുമായിട്ടാണ് കോപ്പിറൈറ്റ് നിയമം നിലകൊള്ളുന്നത്. പക്ഷേ ഈ വിജ്ഞാനോത്പാദകരായ പാവപ്പെട്ട സൃഷ്ടികര്‍ത്താവിനെ പിന്തുണയ്ക്കുന്നതിനായിട്ടാണ് പൊതു ഉടമസ്ഥതയിലെത്തും മുമ്പ് നിശ്ചിതകാലത്തേക്ക് അതിന്റെ മേല്‍ അവകാശങ്ങള്‍ അനുവദിച്ചു കൊടുത്തിരിക്കുന്നത്. കാലങ്ങളായി കോപ്പിറൈറ്റ് വ്യവസായം തങ്ങളുടെ ലോബിയിങ്ങ് പവറുപയോഗിച്ച് ഈ നിയമങ്ങളുടെ ഉള്ളടക്കമാണ് മാറ്റി മറിച്ചുകൊണ്ടിരിക്കുന്നത്. ദാ ഇപ്പോ തന്നെ ഇന്ത്യന്‍ കോപ്പിറൈറ്റ് നിയമത്തില്‍ ഡിജിറ്റല്‍ റിസ്ട്രിക്ഷന്‍സ് മാനേജ്മെന്റിനു വേണ്ട (DRM) മാറ്റങ്ങള്‍ നടത്താനുള്ള ശ്രമം ഞങ്ങളില്‍ പലരുടേയും കൂട്ടായ പരിശ്രമം മൂലമാണ് ഒഴിവാക്കിയത്. കോപ്പിറൈറ്റ് വ്യവസായത്തിന്റെ DRM നു വേണ്ടിയുള്ള മുറവിളി ഇപ്പോഴും സജീവമാണ്.

ഇതൊക്കെ പറഞ്ഞുവന്നത് നിയമം നിയമം എന്നു പറഞ്ഞുവരുന്നത് അങ്ങനെ നിഷ്പക്ഷമായ ഒന്നല്ല എന്നു പറയാനാണ്. ആരു ലോബി ചെയ്യുന്നോ അവനുവേണ്ട നിയമമിറങ്ങും (ഇപ്പോ ആണവ ചില്ല് യൂണിക്കോഡിലിറങ്ങുന്ന പോലെത്തന്നെ) അപ്പോ പുതിയനിയമമനുസരിച്ച് കുറേപേര്‍ കൂടി ക്രിമിനലുകളാകും . പൈറസിയുടെ സാമൂഹ്യലോകമൊന്നും ഒരു നിയമത്തിലും ഉണ്ടാവില്ല. നിയമം സമൂഹത്തെ കാണാതിടിക്കുന്നതിന്റെ പ്രശ്നമാണത്.

പുസ്തകവിലകള്‍ താരതമ്യം ചെയ്തുകൊണ്ടുതന്നെ എന്തുകൊണ്ട് ബൂക്ക് പൈറസി നിലനില്‍ക്കുന്നു എന്നു വ്യക്തമാക്കുന്ന ലോറന്‍സ് ലയാങ്ങിന്റെ ഈ ലേഖനം കാണുക.

ടേബിള്‍ കാണുക. അത് താഴെപ്പറയുന്ന കാര്യങ്ങള്‍ വ്യക്തമാക്കിത്തരുന്നു.
1.ഗ്ലോബല്‍ സൌത്തില്‍ (ഇന്ത്യയും ദക്ഷിണാഫ്രിക്കയുമൊക്കെ ഇതില്‍ പെടുന്നു)പുസ്തകങ്ങളുടെ യഥാര്‍ത്ഥവില കൂടുതലാണ്.
2. മറ്റുള്ളവരെ അപേക്ഷിച്ച് ഗ്ലോബല്‍ സൌത്തിലെ ഉപഭോക്താക്കള്‍ക്ക് അവരുടെ വരുമാനത്തിന്റെ കൂടുതല്‍ പങ്ക് അതേ പുസ്തകത്തിനായി ചെലവാക്കേണ്ടിവരുന്നു.
3. അമേരിക്കന്‍ ഉപഭോക്താക്കള്‍ ഒരേ പുസ്തകം വാങ്ങാന്‍ ഇന്ത്യയിലേയും ദക്ഷിണാഫ്രിക്കയിലേയും ആളുകള്‍ ചെലവാക്കുന്നത്ര വരുമാനത്തിന്റെ പങ്ക് ചെലവാക്കുകയാണെങ്കില്‍ അതൊരു വലിയ തമാശയായിരിക്കും

ഇതില്‍ നിന്നും നമുക്കു മനസ്സിലാക്കാവുന്ന സംഗതി പൈറേറ്റുകള്‍ ഒരു വിപണി ആവശ്യത്തോടാണ് പ്രതികരിക്കുന്നത് എന്നതാണ്. എല്ലാ പുസ്തകങ്ങളും പൈറേറ്റ് ചെയ്യപ്പെടുന്നില്ല. ഒരു പുസ്തകം/സിനിമ പൈറേറ്റ് സര്‍ക്യൂട്ടിലെത്തുന്നതിനു മുമ്പേ അതിനൊരു മിനിമം പോപ്പുലാരിറ്റി ഉണ്ടായിരിക്കേണ്ടതാണ്. അപ്പോ തന്നെ നമുക്കു മനസ്സിലാക്കാം അതിന്റെ സൃഷ്ടികര്‍ത്താവ് "പാവപ്പെട്ട സൃഷ്ടികര്‍ത്താവ്" എന്ന പദവി പിന്നിട്ടു കഴിഞ്ഞിരിക്കുമെന്ന്. ഒരു ഹോളിവുഡ് സിനിമ നമ്മുടെ പൈറേറ്റ് മാര്‍ക്കറ്റിലെത്തുന്നതും അതിന്റെ ഒരു മിനിമം വിപണി ലഭിച്ച ശേഷമാണ്.

പിന്നെ മലയാള സിനിമയെന്ന ഇട്ടാവട്ടത്തിനുള്ളിലെ കാര്യമാണ് ജോജു ഉദ്ദേശിച്ചതെങ്കില്‍ അതിന്റെ പരാജയത്തിന് നിരവധി കാരണങ്ങളുണ്ട്. എല്ലാം പൈറസിയുടെ തലയില്‍ കെട്ടിവെക്കുന്നുവെന്നു മാത്രം

1. ഈ ആഗോളീകൃത വിനോദവ്യവസായത്തിന്റെ കാലത്തും അത് കേരളത്തിനു പുറത്തുള്ള വിപണിയെ അഭിമുഖീകരിക്കാന്‍ മടിച്ച് സ്വന്തം പൊത്തുകളില്‍ ഒതുങ്ങുന്നു.
2. കേരളമെന്ന ഇട്ടാവട്ടത്തിലെ മാര്‍ക്കറ്റിനു താങ്ങാവുന്നതിനേക്കാള്‍ കൂടുതല്‍ തുക മുതല്‍മുടക്കുന്നു.
3. ലോകത്തെല്ലാവരും അവരുടെ തിരക്കുകളും കമ്പ്യൂട്ടറുകളും വിസിഡി പ്ലേയറുകളുമൊക്കെ പൂട്ടിവച്ച് മൂട്ടകടിക്കുന്ന തീയറ്ററുകളില്‍ വന്ന് സിനിമ കാണുമെന്ന് ഇന്നും മലയാള സിനിമാവ്യവസായം വിശ്വസിക്കുന്നു. അല്ലേല്‍ അവര്‍ ഒരു കൊല്ലം (സിഡിയോ ഡിവിഡിയോ ഇറങ്ങും വരെ കാത്തിരിക്കുമെന്നു വിശ്വസിക്കുന്നു.

ഇതില്‍ മൂന്നാമത്തെ പോയന്റ് തുറക്കുന്ന വിപണിയെ സിനിമാവ്യവസായം പരിഗണിക്കാത്തിടത്താണ് വ്യാജ സിഡിയുടെ നിലനില്‍പ്പ്.

ദെറീദയുടെ ഒരു കുറിപ്പോടെ പൈറസിയുടെ സാമൂഹ്യലോകത്തെപ്പറ്റിയുള്ള ഈ കുറിപ്പ് അവസാനിപ്പിക്കട്ടെ

“The admiring fascination of the rebel can be understood not merely as the fascination for someone who commits a particular crime but that someone, in defying the law, bares the violence of the legal system or the juridical order.” - ജാക്വസ് ദെരീദ , ദ മിസ്റ്റിക്കല്‍ ഫൌണ്ടേഷന്‍ ഓഫ് അതോറിറ്റി.

കടല്‍കൊള്ളക്കാരാര്?

2008-01-24T15:37:00.001+05:30

സന്തോഷിന്റെ ബ്ലോഗില്‍ നടന്ന ഈ ചര്‍ച്ചയില്‍ നിന്ന് പ്രചോദനമുള്‍ക്കൊണ്ട് ഒരു പോസ്റ്റ്.

ജോജുവിന്റെ മറുപടിയെ straw man position എന്നു വിളിക്കാം. മൈക്രോസോഫ്റ്റിനെപ്പറ്റിയുള്ള ലേഖനത്തിനല്ല ഇവിടെ ആരും പറഞ്ഞിട്ടില്ലാത്ത "ഞങ്ങള്‍ പൈറേറ്റഡ് വിന്‍ഡോസേ ഉപയോഗിയ്കൂ " എന്ന അഭിപ്രായത്തിനാണ് ജോജു മറുപടി പറയുന്നത്. കിരണും പിന്തുടരുന്നത് അതേ വഴിതന്നെ.

സന്തോഷിന്റെ ബ്ലോഗിലെ ലേഖനം ഉന്നയിക്കുന്ന പ്രശ്നം സോഫ്റ്റ്‌വെയറിന്റെ അടിസ്ഥാന സ്വാതന്ത്ര്യങ്ങളുടെ ലംഘനവും അറിവിന്റെ കുത്തകവല്‍ക്കരണവും നടത്തുന്ന മൈക്രോസോഫ്റ്റ് അടക്കമുള്ള കമ്പനികളുടെ വ്യാപാരതന്ത്രങ്ങളും ലൈസന്‍സുകളുമൊക്കെയാണ്. ഇത് രണ്ടു പ്രശ്നങ്ങളുയര്‍ത്തുന്നുണ്ട് ഒന്ന് അടിസ്ഥാന സ്വാതന്ത്ര ലംഘനവും രണ്ട് സോഫ്റ്റ്‌വെയറുകളുടെ താങ്ങാനാവാത്ത വിലയും. പങ്കു വെക്കല്‍ തടയുന്ന ലൈസന്‍സുകളാണ് താങ്ങാനാവാത്ത വില ഒരു പ്രശ്നമാക്കുന്നതെന്നതെന്നതിനാല്‍ ഇവ രണ്ടും ഒരേ വിഷയത്തിന്റെ രണ്ട് മുഖങ്ങളാണ്.

കുത്തക സോഫ്റ്റ്‌വെയറുകളുയര്‍ത്തുന്ന ( സോഫ്റ്റ്‌വെയര്‍ മാത്രമല്ല, പുസ്തകങ്ങളും, പാട്ടുകളും, സിനിമകളും ബ്രാന്റുകളുമെല്ലാം ഈ പ്രശ്നങ്ങള്‍ ഈ ഡിജിറ്റല്‍ യുഗത്തിലുയര്‍ത്തുന്നുണ്ട്. ) ഈ പ്രശ്നം മറികടക്കാന്‍ ജനം സ്വീകരിച്ച രണ്ട് വഴികളാണ് സ്വതന്ത്രസോഫ്റ്റ്‌വെയറുകളുടെ വഴിയും പൈറസിയുടെ വഴിയും( ഈ വാക്കിനോട് വിയോജിപ്പുണ്ട്) . സ്വതന്ത്ര സോഫ്റ്റ്‌വെയറിന്റേത് നിയമത്തിന്റെ വഴിയാണ്. ഒരു പുതിയ വ്യവസ്ഥയെ സൃഷ്ടിച്ച സോഷ്യല്‍ ഹാക്കിങ്ങിന്റെ രീതി.

അതേ സമയം ഒരു സാധാരണക്കാരന്‍ ഡിജിറ്റല്‍ ലോകത്തിന്റെ ഈ നിയന്ത്രണങ്ങളെ നേരിട്ടത് നമ്മുടെ സാമൂഹ്യബോധമുപയോഗിച്ചാണ്. . സ്വായത്തമാക്കുന്ന ടെക്നോളജി പങ്കുവെക്കുന്ന , അതുപയോഗിച്ചു ജീവിക്കുന്ന കുന്നംകുളം കാരന്റെ രീതി. ബീമാപ്പള്ളിയിലും ഫോര്‍ട്ട്കൊച്ചിയിലും ഒക്കെകാണുന്ന അവനായിരുന്നു(കേരളമായതുകൊണ്ട് അവളാവാന്‍ തരമില്ലല്ലോ) നമ്മുടെ ടെക്നോളജി ഇടനിലക്കാരന്‍. ക്ലാസിക് സിനിമകളും വീഡിയോ സിഡിയും ഡിവിഡിയും എംപി.ത്രീ എന്ന ഫോര്‍മാറ്റും നിരവധിയനവധി പുസ്തകങ്ങളും, കമ്പ്യൂട്ടര്‍ സോഫ്റ്റ്‌വെയറുകളും നമുക്ക് പരിചയപ്പെടുത്തിയതും ലഭ്യമാക്കിയതും അവനായിരുന്നു.

ഈ ചിത്രം കാണുക.

വിന്‍ഡോസ് എക്സ്പിയുടെ വില ഉണ്ടാക്കാനായി ഓരോ രാജ്യത്തും ഒരാള്‍ എത്ര മണിക്കൂര്‍ (പ്രതിശീര്‍ഷവരുമാനമനുസരിച്ച് ) ജോലിചെയ്യണമെന്ന് ഇത് കാണിക്കുന്നത്. ചൈനയില്‍ ഒരു സാധാരണ തൊഴിലാളി 2 മാസം ജോലിയെടുത്താലേ അവിടുത്തെ വിന്‍ഡോസ് എക്സ്.പിയുടെ വിലയാവൂ . ജപ്പാനില്‍ ഇത് 9 മണിക്കൂറും അമേരിക്കയില്‍ 13 മണിക്കൂറുമാകുമ്പോള്‍ ബംഗ്ലാദേശില്‍ ആറു മാസത്തോളം ജോലിചെയ്താലേ വിന്‍ഡോസ് എക്സ്പി വാങ്ങാനാവൂ. ഒരു എലീറ്റ് ക്ലാസിനു മാത്രം പ്രാപ്യമായിരുന്ന കമ്പ്യൂട്ടിങ്ങിനെ സാധാരണക്കാരിലേക്ക് ഇറക്കി കൊണ്ടുവന്നതും ഇന്ത്യയിലെ ഐടി വിദഗ്ധരില്‍ ഏറിയപങ്കും കമ്പ്യൂട്ടറുകളുപയോഗിച്ചു തുടങ്ങുന്നതും ഈ മനുഷ്യരുടെ സഹായത്തോടെയായിരുന്നു. അവരെയാണ് നമ്മള്‍ ഇന്ന് കടല്‍കൊള്ളക്കാരെന്നു വിളിക്കുന്നത്. പുസ്തകങ്ങളാവട്ടെ, സിനിമകളാകട്ടെ, സംഗീതമാകട്ടെ, എല്ലാ ഐടി പൊളിസികളും ഗവണ്‍മെന്റുകളും UN ഉം WSIS (World Summit on Information Socitey)ഉം ഒക്കെ കൊട്ടിപ്പാടുന്ന ലക്ഷ്യമായ Access to Knowledge ഉം Access to Information ഉം ഒരു മില്ലനിയം ഡെവലപ്മെന്റ് ഗോളിന്റേയും സഹായമില്ലാതെ നടപ്പില്‍ വരുത്തിയിരുന്നതും അവരായിരുന്നു. 1998 ല്‍ എനിക്ക് റെഡ്ഫോക്സ് ലിനക്സും സ്ലാക്ക്‌വെയറും ആദ്യമായിക്കിട്ടുന്നത് കുന്നംകുളത്തെ ഗ്രേ മാര്‍ക്കറ്റില്‍ നിന്നാണ്. (കഴിഞ്ഞ വര്‍ഷം അതേ കടയില്‍ ഫോര്‍മാറ്റ് സപ്പോര്‍ട്ടില്‍ ഐപോഡിനെ അതിശയിപ്പിക്കുന്ന കുന്നംകുളത്തു നിര്‍മ്മിക്കുന്ന ഒരു ലോക്കല്‍ പോഡും 1200 രൂപയ്ക്ക് കണ്ടു).നിയമങ്ങളാണ് അവരെ കുറ്റവാളിയാക്കിയത്. മൂന്നാം ലോകരാജ്യങ്ങള്‍ അവരുടെ ആധുനികതയെ എന്നും കണ്ടെത്തിയിരുന്നത് ഒന്നാം ലോകത്തിന്റെ ടെക്നോളജികളെ പകര്‍ത്തിക്കൊണ്ടും അവ പരിഷ്കരിച്ചും പുനര്‍നിര്‍വ്വചിച്ചുമാണെന്ന് രവി വാസുദേവന്റെ "റീസൈക്കിള്‍ഡ് മോഡേണിറ്റി" എന്ന ഈ പേപ്പറില്‍ പറയുന്നതു കൂടി ഇവിടെ കൂട്ടിവായിക്കുക.

മറ്റൊരു തരത്തില്‍ പറഞ്ഞാല്‍ ഹാക്കര്‍ എന്ന സ്വതന്ത്ര സോഫ്റ്റ്‌വെയര്‍ ഡെവലപ്പറുടെ ഒരു ലോജിക്കല്‍ അതറാണ് നമ്മുടെ ഇന്നത്തെ പൈറേറ്റ് എന്നു വിളിക്കപ്പെടുന്ന സുഹൃത്ത്. കോപ്പിറൈറ്റ് വ്യവസായത്തിന്റേയും അസംഘടിത വ്യവസായത്തിനും ഇടയിലുള്ള സമ്പത്‌വ്യവസ്ഥയിലാണ് അവരുടെ നില്‍പ്പ്. ഡൂപ്ലിക്കേറ്റുകള്‍ എന്നറിയപ്പെടുന്ന non-digital ഉല്‍പ്പന്നങ്ങളും പൈറേറ്റ് ഗുഡ്സ് എന്നുവിളിക്കുന്ന ഡിജിറ്റല്‍ ഉല്‍പ്പന്നങ്ങളും വിറ്റ് അന്നന്നത്തെ ജീവിതം കരുപ്പിടിപ്പിക്കുന്ന വലിയൊരു കൂട്ടമാണിവര്‍. പൈറസി ഇനീഷ്യല്‍ മാര്‍ക്കറ്റ് പുള്ളിനുള്ള വഴിയാനെന്നു മനസ്സിലാക്കിയ കോപ്പിറൈറ്റ് ഇന്‍ഡസ്ട്രി തന്നെ അവരെ ചിലസമയത്ത് ഉപയോഗിച്ചു. മ്യൂസിക്ക് കമ്പനികള്‍ ആദ്യകാലത്ത് റെക്കോര്‍ഡുകള്‍ ലീക്ക് ചെയ്ത് ഗാനങ്ങളെ ഹിറ്റാക്കുന്നത് പതിവായിരുന്നു. ഇന്ത്യയെപ്പോലുള്ള ഒരു വികസിച്ചുകൊണ്ടിരിക്കുന്ന സമ്പദ് വ്യവസ്ഥയില്‍ ഓരോ വ്യക്തിയും വിന്‍ഡോസ് ഉപയോഗിക്കുമ്പോള്‍ (വിറ്റതോ വില്‍ക്കാത്തതോ ആവട്ടെ ) വില്‍ക്കപ്പെടുന്ന കോപ്പിയുടെ ബ്രാന്റ് മൂല്യം വര്‍ദ്ധിക്കുമെന്നു മനസ്സിലാക്കിയ മൈക്രോസോഫ്റ്റ് പൈറസിയെ ഒരു വിപണിവികസന തന്ത്രമായി പ്രോത്സാഹിപ്പിച്ചു തുടങ്ങി. (പണ്ട് ബിടെക്ക് കാലത്ത് അല്പസ്വല്പം ഹാര്‍ഡ് വെയര്‍ അസബ്ലിങ്ങ് ഒക്കെ നടത്തിയ കാലത്ത് ബിസിനസ് പ്രമോഷന്‍ പാര്‍ട്ടികളിലെ വാഗ്ദാനങ്ങള്‍ക്ക് ഞാനും സാക്ഷിയാണ്. പിന്നീട് കൊല്ലത്ത് അക്ഷയ സംരംഭകരുടെ ഒരു മീറ്റിങ്ങില്‍ സ്വതന്ത്ര സോഫ്റ്റ്‌വെയറുകാരും സര്‍ക്കാര്‍ പ്രതിനിധികളുമുള്ളതിനാല്‍ നിങ്ങള്‍ പൈറേറ്റ് ചെയ്തോളൂ എന്നു പബ്ലിക്കായി പറയാന്‍ പറ്റാതെ ബുദ്ധിമുട്ടി ചോദ്യം ചോദിച്ചയാളെ മാറ്റിനിര്‍ത്തി അതു പറഞ്ഞ മൈക്രോസോഫ്റ്റ് പ്രതിനിധിയേയും നല്ല ഓര്‍മ്മയുണ്ട് )

പാട്ടുകളും, സിനിമകളും പുസ്തകങ്ങളും ടിവി ഷോകളും എല്ലാം ഞാനിഷ്ടംപൊലെ ഡൌണ്‍ലോഡ് ചെയ്യാറുണ്ട്. സുഹൃത്തുക്കള്‍ക്ക് കൊടുക്കാറുമുണ്ട്. അക്കാരണങ്ങള്‍കൊണ്ടു തന്നെ ഞാനൊരു പൈറേറ്റാണെന്നു പറയാന്‍ എനിക്കൊരു മടിയുമില്ല.
ഈയിടെ കോപ്പിറൈറ്റ് ഇന്‍ഡസ്ട്രിയുടെ ഒരു പബ്ലിക് റിലേഷന്‍സ് വെബ്സൈറ്റില്‍ പൈറേറ്റ് കാല്‍ക്കുലേറ്റര്‍ എന്നൊരു സാധനം കാണാനിടയായി. അതെന്നോട് ഞാന്‍ ഡൌണ്‍ലോഡ് ചെയ്ത പുസ്തകങ്ങളുടെ എണ്ണവും പാട്ടുകളുടെയും സിനിമകളുടെയും ടിവി ഷോകളുടെയും ദൈര്‍ഘ്യവും ഒക്കെ ചോദിച്ചു. എല്ലാം കൊടുത്തുകഴിഞ്ഞപ്പോള്‍ അവര്‍ എന്നോട് നിങ്ങള്‍ ഇന്‍ഡസ്ട്രിക്കുണ്ടാക്കിയ നഷ്ടം ഇത്ര ബില്ല്യണ്‍ ഡോളറാണ് (നിസ്സാരക്കാരനല്ല എന്നു മനസ്സിലായില്ലേ)എന്നു പറഞ്ഞു. ഞാന്‍ ഒരു നിമിഷം അത്രേം വല്യേ തൊക കയ്യില്‍ കിട്ടിയാല്‍ എന്തൊക്കെ ചെയ്യുമെന്ന് ആലോചിച്ചു പോയി... എന്നിട്ട് കമന്റ് ബോക്സില്‍ പോയി നേരെ ഇങ്ങനെ ടൈപ്പ് ചെയ്തു.

എന്റേല് ഇത്രേം പണം ജീവിതത്തിലൊരുകാലത്തും ഉണ്ടായിരുന്നിട്ടില്ല. ഉണ്ടാവുമെന്നു കരുതുന്നുമില്ല. ഉണ്ടായാല്‍ത്തന്നെ ഞാന്‍ ആ പണം ഈ ആവശ്യത്തിന് ചെലവാക്കുകയുമില്ല. അപ്പോ അതെങ്ങനെ നിങ്ങടെ നഷ്ടമാവും. അപ്പോ എനിക്കിതൊക്കെ കാണാനും വായിക്കാനും പറ്റീത് പൈറസിയുള്ളോണ്ടാ.. അപ്പോ പൈറസീ കീ ജയ്.

പൈറസിയുടെ സാമൂഹ്യപ്രസക്തിയെ കുറ്റകൃത്യമായിക്കാണാന്‍ ഞാന്‍ തയ്യാറല്ല. പക്ഷേ സ്വതന്ത്രസോഫ്റ്റ്‌വെയറുള്ളതിനാല്‍ സോഫ്റ്റ്‌വെയറില്‍ എനിക്ക് പൈറസിയുടെ ആവശ്യമില്ല, പൈറസിയുടെ സാമൂഹ്യ, രാഷ്ട്രീയ ലോകത്തെപ്പറ്റി ഉടന്‍ തുടങ്ങുന്ന ടെക്നോപൊളിട്രിക്സ് എന്ന ബ്ലോഗില്‍ കൂടുതല്‍ എഴുതാന്‍ ഉദ്ദേശിക്കുന്നുണ്ട്.

ഇനി ആന്റി പൈറസി റെയ്ഡുകളേയും കേരളാസ്കാനിനേയും പറ്റി

കേരളസ്കാന്‍ പരിപാടി ഞാന്‍ കണ്ടില്ല. പക്ഷേ അവര്‍ക്കു ഞാനൊരു ഇന്റര്‍വ്യൂ കൊടുത്തിരുന്നു. ഒപ്പം ചിലരെ പരിചയപ്പെടുത്തികൊടുക്കുകയും ചെയ്തിരുന്നു. പരിപാടിക്ക് കാഴ്ചപ്പാടുണ്ടായിരുന്നില്ലെന്നും വെറും പറഞ്ഞുപോവലുകള്‍ മാത്രമായിരുന്നുവെന്നും കണ്ടവര്‍ പറഞ്ഞുകേട്ടു.

2007ലെ ടെക്നിക്കല്‍ ഫ്ലോപ്പുകളില്‍ വിന്‍ഡോസ് വിസ്റ്റയെ രണ്ടാം സ്ഥാനത്തെത്തിച്ച (ഇന്‍ഫോഷോപ്പ് റിപ്പോര്‍ട്ട് )കാരണങ്ങള്‍ തന്നെ അവരുടെ മാര്‍ക്കറ്റ് ഇടിച്ചപ്പോള്‍ പേടിപ്പിച്ച് മാര്‍ക്കറ്റ് ഉണ്ടാക്കുന്ന തന്ത്രമാണ് ആന്റിപൈറസി റൈഡിലും എന്നു തോന്നുന്നു. പൈറേറ്റ് മാര്‍ക്കറ്റില്‍ പോലും വിസ്റ്റ ഔട്ടാണ്.

മൈക്രോസോഫ്റ്റിന്റെ മയക്കുമരുന്നു വില്‍പ്പന (പൈറസി പ്രോത്സാഹിപ്പിച്ച് ഉപഭോക്താക്കളെ സ്വാതന്ത്ര്യമില്ലാത്ത സോഫ്റ്റ്‌വെയറുകളുടെ അടിമയാക്കിയ ശേഷം ലീഗാലിറ്റിയുടെ ഉമ്മാക്കി കാട്ടി മാര്‍ക്കറ്റ് ഉറപ്പുവരുത്തുന്ന തന്ത്രം)യോടല്ലാതെ എന്റെ എതിര്‍പ്പ് പ്രധാനമായും മൈക്രോസോഫ്റ്റും കേരളപോലീസും തമ്മിലുണ്ടായ അവിശുദ്ധ ബന്ധത്തോടാണ്. ലൈസന്‍സില്ലാത്ത സിഡി വിറ്റുവെന്നാണ് ( കോപ്പിറൈറ്റ് ലംഘനം) പൈറേറ്റഡ് വിന്‍ഡോസ് ഇന്‍സ്റ്റാള്‍ ചെയ്തുവെന്നതോ ഉപയോഗിച്ചുവെന്നതോ അല്ല (കോണ്ട്രാക്റ്റ് ലംഘനം) കേസ് . മൈക്രോസോഫ്റ്റിന്റെ രണ്ടു ഉദ്യോഗസ്ഥരോടൊപ്പം പൊലീസെത്തി പരിശോധന നടത്തിയാണ് അറസ്റ്റ്. മൈക്രോസോഫ്റ്റിന്റെ അഭിപ്രായം പോലീസിന്റെയും അഭിപ്രായം. (മൈക്രോസോഫ്റ്റ് എന്നാണാവോ കേരളാ പോലീസിന്റെ വിദഗ്ധനായത്?). മൈക്രോസോഫ്റ്റ് പറയുന്നു പോലീസ് കേസെടുക്കുന്നു. മൈക്രോസോഫ്റ്റ് പറയുന്നു പോലീസ് കേസ് തള്ളുന്നു. പരിശോധന നടത്തുന്നത് മൈക്രോസോഫ്റ്റ് , വിദഗ്ധാഭിപ്രായവും അവര്‍തന്നെ. വാഴ്‌വേ മായം

ചിത്രം ഒന്നുകൂടി നോക്കൂ..
കടല്‍കൊള്ളക്കാരാര് എന്ന ചോദ്യം ഇനിയും ബാക്കിനില്‍ക്കുന്നുണ്ടോ? . എങ്കിലത് മുത്തശ്ശിക്കഥകള്‍ക്ക് വിടുന്നു....

പ്രിന്റര്‍ ക്രമീകരണം ഗ്നു/ലിനക്സില്‍

2008-01-08T12:10:00.000+05:30

ചേരുവ
ഡെബിയന്‍ ഗ്നു ലിനക്സ് : 3 ഡിവിഡി / ഡെബിയന്‍ ഇന്‍സ്റ്റാള്‍ ചെയ്ത സിസ്റ്റം + ഇന്റര്‍നെറ്റ് കണക്ഷന്‍
(ഉബണ്ടു പ്രേമികള്‍ക്ക് ഉബണ്ടു/കുബണ്ടു/ക്സുബണ്ടു/ഉബണ്ടു സ്റ്റൂഡിയോ/ഗോബണ്ടു ഇവയിലേതെങ്കിലും +ഇന്റര്‍നെറ്റ് കണക്ഷന്‍
ഉബണ്ടു അടക്കം ഏത് ഡെബിയന്‍ അധിഷ്ഠിത ഗ്നു/ലിനക്സ് കൂട്ടുകള്‍ക്കും ഇതേ ചേരുവതന്നെ ഉപയോഗിക്കാം)

പ്രിന്റര്‍ : ഓപ്പണ്‍ പ്രിന്റിങ്ങ് സപ്പോര്‍ട്ട് ഉറപ്പുവരുത്തിയത് ഒരെണ്ണം . കൂടുതലും ആവാം

തയ്യാറാക്കുന്ന വിധം

ടെര്‍മിനലെടുത്ത് സൂപ്പര്‍ യൂസറായി താഴെപ്പറയുന്ന നിര്‍ദ്ദേശങ്ങള്‍ നല്‍കുക. അല്ലെങ്കില്‍ സുഡോ ഉപയോഗിക്കുകയും ചെയ്യാം
apt-get update
apt-get install printconf
ഇന്‍സ്റ്റാള്‍ ചെയ്തുകഴിഞ്ഞാല്‍ പ്രിന്റര്‍ കണക്റ്റ് ചെയ്ത ശേഷം സൂപ്പര്‍ യൂസറായോ sudo ഉപയോഗിച്ചോ printconf എന്ന കമാന്റ് നല്‍കുക

....
പിന്നെ?
.....
പിന്നൊന്നൂല്യ

??? കഴിഞ്ഞോ?

കഴിഞ്ഞുന്നേ
വേണേല്‍ gnome-cups-manager തുറന്നു നോക്കിക്കോളൂ. എല്ലാ പ്രിന്ററും അവിടെ കാണാം. ഗ്രാഫിക്കലായി
പുതിയപ്രിന്റര്‍ ചേര്‍ക്കുകയും മറ്റും അവിടെ ചെയ്യാം.

വിന്‍ഡോസില്‍ ഇത്ര എളുപ്പം കഴിയില്ലല്ലോ. ഐ അഗ്രീ നമ്മളടിച്ചില്ലല്ലോ. ഡ്രൈവര്‍ സിഡി ഇട്ടില്ലല്ലല്ലോ?
സ്വതന്ത്ര ഡ്രൈവറുകള്‍ക്കെന്തിനാ എന്‍ഡ് യൂസര്‍ ലൈസന്‍സ് അഗ്രിമെന്റ്.

എല്ലാ പ്രിന്ററുകളും ഇങ്ങനെ കോണ്‍ഫിഗര്‍ ചെയ്യാമോ?
സ്വതന്ത്ര ഡ്രൈവറുകളുള്ള ഏത് പ്രിന്ററും ഇങ്ങനെ കോണ്‍ ഫിഗര്‍ ചെയ്യാം. ഓപ്പണ്‍ പ്രിന്റിങ്ങ് ഡാറ്റാബേസ് നോക്കിയതിനു ശേഷം പ്രിന്റര്‍ വാങ്ങുക. സ്വതന്ത്ര ഡ്രൈവറുകള്‍ ഇറക്കാത്ത പ്രിന്ററെന്തിന് നമ്മള്‍ കാശുകൊടുത്ത് വാങ്ങണം? പ്രിന്റ് ചെയ്യണേല്‍ കുത്തകക്ക് കാശുകൊടുക്കണം എന്ന് ഏതേലും കമ്പനി പറയുകയാണെങ്കില്‍ നമ്മളെന്തിന് അത് ഉപയോഗിക്കണം? പ്രിന്ററിനൊപ്പം അതുപയോഗിക്കാം ഇവരു വിന്‍ഡോസ് സൌജന്യമായി തരുമോ? തന്നാല്‍ തന്നെ നമ്മുടെ അടിസ്ഥാന സ്വാതന്ത്ര്യങ്ങള്‍ വിന്‍ഡോസില്‍ കിട്ടുമോ

നെറ്റ്‌വര്‍ക്ക് പ്രിന്ററാണെങ്കിലോ?
ആദ്യം gnome-cups-manager തുറന്നുനോക്കൂ മാഷേ. ന്നട്ട് ആഡ് പ്രിന്റര്‍ എന്നതിലെ ഓപ്ഷനുകളൊന്നു നോക്കീട്ടാവട്ടെ ബാക്കി ചോദ്യം.

ഒരു പ്രിന്ററില്‍ നിന്നാണ് സ്വതന്ത്ര സോഫ്റ്റ്‌വെയര്‍ പ്രസ്ഥാനം പിറവിയെടുത്തതെന്ന് മറക്കാതിരിക്കുക
ആ കഥ ഇവിടെ . കാലമേറെ കഴിഞ്ഞ് ഗ്നു/ലിനക്സ് ഇത്ര പുരോഗമിച്ചിട്ടും സ്വന്തം അറിവില്ലായ്മയോ സെര്‍ച്ച് ചെയ്യാനുള്ള മടിയോ ആളുകളെക്കൊണ്ട് ബൈ ബൈ പറയിക്കുന്നത് കാണുമ്പോള്‍ കഷ്ടം എന്നു പറഞ്ഞ് മൂക്കത്ത് വിരല്‍വെക്കാതെ എന്തുചെയ്യും.

ഇന്‍സ്ക്രിപ്റ്റ് പഠിക്കാനൊരു കളി: മലയാളം മലയാളത്തില്‍ എഴുതാന്‍

2007-12-10T14:59:00.000+05:30

ഇതു പുതിയവാര്‍ത്തയല്ല. ഇന്‍സ്ക്രിപ്റ്റ് കളിക്കാനൊരു കളി ഗ്നു/ലിനക്സിലുണ്ടു്. ടക്സ് ടൈപ്പ് എന്ന ഈ കളിയില്‍ മലയാളം പഠിക്കാനുള്ള സൗകര്യം കൂട്ടിച്ചേര്‍ത്തത് തൃശ്ശൂര്‍ ഗവ: എഞ്ചിനീയറിങ്ങ് കോളേജിലെ മോബിനും സുഹൃത്തുക്കളുമാണു്. സ്വതന്ത്രമലയാളം കമ്പ്യൂട്ടിങ്ങിന്റെ ഗൂഗിള്‍ സമ്മര്‍ ഓഫ് കോഡ് പ്രൊജക്റ്റിന്റെ ഭാഗമായിട്ടാണിവരിത് ചെയ്തത്.

മലയാളം കുട്ടികളെ പഠിപ്പിക്കാന്‍ മലയാളം മലയാളത്തില്‍ പഠിപ്പിക്കാന്‍ ഇതിനും രസകരമായ വഴിയെന്തുണ്ടു്? അടുത്ത വര്‍ഷത്തോടെ ഇത് എട്ടാം ക്ലാസിലെ ഗ്നു/ലിനക്സ് വിതരണത്തിലും ഉള്‍പ്പെടുത്തും. കൂടുതല്‍ വിവരങ്ങളിവിടെ

സെബിന്റെ ഈ പോസ്റ്റാണ് ഇങ്ങനെയൊരു കുറിപ്പെഴുതാന്‍ പ്രേരിപ്പിച്ചത്. സെബിന്‍ നന്ദി. ഞാനെപ്പോഴും കമ്പ്യൂട്ടിങ്ങ് ഉപയോഗിച്ചു തുടങ്ങുന്നവര്‍ക്ക് ഇന്‍സ്ക്രിപ്റ്റേ നിര്‍ദ്ദേശിക്കാറുള്ളൂ.. പണ്ട് ഇന്‍സ്ക്രിപ്റ്റ് സ്റ്റിക്കറുകള്‍ കീബോര്‍ഡിലൊട്ടിക്കാന്‍ ലഭ്യമായിരുന്നു. ഇപ്പൊ അതും കിട്ടാതായ കാലമാണ്.

മീന്‍പിടുത്തവും വാല്‍നക്ഷത്രത്തെ പിടിക്കലുമൊക്കെയായി രസകരമായ ഒരു കളിയാണ് ടക്സ് ടൈപ്പ് മലയാളം
10 പാഠങ്ങളാണ് കീബോര്‍ഡ് പഠനത്തിനായുള്ളത്. വേഗത വര്‍ധിപ്പിക്കാന്‍ ഗെയിമുകളും. കൂടുതല്‍ ഗെയിമുകള്‍ ചേര്‍ക്കാനുള്ള സൌകര്യവുമുണ്ട്. ഉപയോഗിക്കുക. smc-discuss@googlegroups.com ല്‍ കുറവുകള്‍ നിര്‍ദ്ദേശിക്കുക, പുതിയ പാക്കേജായതിനാല്‍ നമുക്കിതിനെ ഒരു പാട് മെച്ചപ്പെടുത്താം.

ഇന്ത്യന്‍ ഭാഷകള്‍ക്കുള്ള പിന്തുണയും ടക്സ്ടൈപ്പില്‍ മോബിനും കൂട്ടരും ഇതിന്റെ ഭാഗമായി ഉണ്ടാക്കുകയുണ്ടായി. ഇനി ഏതു ഇന്ത്യന്‍ ഭാഷയ്ക്കും ടക്സ് ടൈപ്പ് പിന്തുണ ഉണ്ടാക്കാം.

യൂണിക്കോഡ് 5.1 ന്റെ കരട് പുറത്തിറങ്ങി.

2007-12-07T09:30:00.000+05:30

യൂണിക്കോഡ് 5.1 ന്റെ കരട് രൂപം പുറത്തിറങ്ങി. ഇത് തെറ്റുകള്‍ റിപ്പോര്‍ട്ട് ചെയ്യാനുള്ള സമയമാണ്. വിവരങ്ങള്‍ http://www.unicode.org/versions/Unicode5.1.0/#Significant_Character_Additions എന്ന വിലാസത്തിലുണ്ട്.
http://www.unicode.org/reporting.html എന്ന വിലാസത്തിലാണ് തെറ്റുകള്‍ ചൂണ്ടിക്കാണിക്കുകയോ നിര്‍ദ്ദേശങ്ങള്‍ സമര്‍പ്പിക്കുകയോ ചെയ്യേണ്ടത്.

പെട്ടെന്നുള്ള ഒരു നോട്ടമേ ഞാന്‍ നടത്തിയിട്ടുള്ളൂ. പെട്ടെന്ന് ശ്രദ്ധയില്‍ പെട്ട ചിലത് താഴെക്കൊടുക്കുന്നു. കൂടുതല്‍ വിശദമായി പരിശോധിച്ച ശേഷം പോസ്റ്റ് അപ്ഡേറ്റ് ചെയ്യുന്നതാണ്.

പൊതുവേ യൂണിക്കോഡിന്റെ ഈ പുതിയ കരട് സ്റ്റാന്‍ഡേര്‍ഡിന്റെ സവിശേഷതയായി തോന്നുന്നത് യൂണിക്കോഡ് കണ്‍സോര്‍ഷ്യം ന്റ , റ്റ , കുത്തക്ഷരങ്ങള്‍ എന്നിവയിലെ ഭാഷാപരമായ അവ്യവസ്ഥകളെ പിന്തുടരുന്നതാണ്.

'ന്റ' ക്ക് ('റ്റ' യ്ക്കും) മലയാളത്തില്‍ തെറ്റായ പ്രതിനിധാനം നിലനില്‍ക്കുന്നുണ്ട്. അത് ഭാഷാപരമായ പ്രയോഗരീതിയെക്കുറിച്ചുള്ള അജ്ഞത മൂലമുണ്ടാകുന്നതാണ്. പക്ഷേ യൂണിക്കോഡ് ഭാഷാപരമായ സാധുതയല്ല ഉപയോഗരൂപങ്ങളെ (തെറ്റായാലും) മാത്രം പരിഗണിച്ച് തീരുമാനത്തിലെത്തിയിരിക്കുകയാണെന്ന് തോന്നുന്നു.

യൂണിക്കോഡ് 5.1 ല്‍ ചില്ലുവരുന്നതിനെക്കുറിച്ച് സ്വതന്ത്രമലയാളം കമ്പ്യൂട്ടിങ്ങിന് പറയാനുള്ളത് ഇവിടെയുണ്ട് . (ഇതൊരു പഴയ പ്രസന്റേഷനാണ്)
യൂണിക്കോഡ് എന്താണെന്നറിയാത്തവര്‍ അടിസ്ഥാന ധാരണയ്ക്കായി ദാ ഇതും കാണുക

കൊല്‍ക്കത്തയില്‍ നിന്നുള്ള കത്തുകള്‍

2007-12-06T09:26:00.000+05:30

ഇതൊരു പഴയ ലേഖനമാണ്. സിംഗൂരും നന്ദിഗ്രാമും സംഭവിച്ചുകൊണ്ടിരിക്കുമ്പോള്‍ ഞാന്‍ കേരളീയം എന്ന ആക്റ്റിവിസ്റ്റ് മാഗസിനില്‍ ഒരു ലേഖന പരമ്പര എഴുതിയിരുന്നു (മനോരയ്ക്കും മുമ്പേ). നന്ദിഗ്രാമിലെ ആദ്യത്തെ കൂട്ടക്കുരുതി സംഭവിക്കുന്നത് അതിനിടയിലാണ്. ആ സമയത്ത് കൊല്‍ക്കത്തയിലുണ്ടായിരുന്ന എന്റെ സുഹൃത്തായ മധുമിത മുഖര്‍ജി തന്റെ സുഹൃത്തുക്കള്‍ക്കയച്ച ചില കത്തുകളാണിവ. ഇത് കേരളീയത്തില്‍ ഞാന്‍ തര്‍ജ്ജമ ചെയ്ത് പ്രസിദ്ധീകരിച്ചിരുന്നു.
ബ്ലോഗുലകത്തില്‍ കെ.എം റോയിയുടെ കാര്യമറിയാത്ത ആധികാരികത ജനശക്തിക്കുവരെ വേദവാക്യമാകുമ്പോള്‍ ഒരു രാജീവ് ചേലനാട്ടോ കൌണ്ടര്‍കറന്റ്സോ മാത്രം കാര്യങ്ങള്‍ മനസ്സിലാക്കാന്‍ മതിയാതെവരുമ്പോള്‍ ചോദ്യങ്ങള്‍ക്ക് ഉത്തരമില്ലാതെ വരുമ്പോള്‍ മലയാളത്തിലുള്ള ഈ ലേഖനം വീണ്ടുമിടണമെന്നു തോന്നി.
-----------------------------------

കൊല്‍ക്കത്തയില്‍ നിന്നുള്ള കത്തുകള്‍

മധുശ്രീ മുഖര്‍ജി
സമ്പാദനവും മൊഴിമാറ്റവും : അനിവര്‍ അരവിന്ദ്

ബംഗാളില്‍ സംഭവിക്കുന്നത്-2

സിംഗൂരിലെ ഗ്രാമീണ ജനതയുടെ ചെറുത്തുനില്‍പ്പുകള്‍ അവസാനിച്ചുതുടങ്ങിയിരിക്കുന്നു. പോലീസിന്റേയും സി.പി.ഐ.(എം) പ്രവര്‍ത്തകരുടേയും നിരന്തരമായ അതിക്രമങ്ങളും ബംഗാളിന്റെ മറ്റു ഭാഗങ്ങളിലെ ഏറ്റെടുക്കല്‍ നടപടികളും കൊലപാതകങ്ങളും അവരുടെ പ്രതീക്ഷ നശിപ്പിച്ചു തുടങ്ങിയിരിക്കണം. ഇത്തവണ ഹരിപ്പൂരില്‍ ആണവനിലയം സ്ഥാപിക്കാനുള്ള ബംഗാള്‍ ഗവണ്‍മെന്റിന്റെ ശ്രമങ്ങളെക്കുറിച്ചും (പെരിങ്ങോമിലെ സമരം ഓര്‍മ്മയിലുണ്ടാവുമല്ലോ) അതിനെതിരെയുള്ള മത്സ്യത്തൊഴിലാളികളും കര്‍ഷകരുമായ ഗ്രാമീണരുടെ ചെറുത്തുനില്‍പ്പിനെക്കുറിച്ചും എഴുതണമെന്നു കരുതിയതാണ്. പക്ഷേ, അതിനിടയിലാണ് നന്ദിഗ്രാം. ഇക്കഴിഞ്ഞ ജനുവരി 7 ന് ഇന്തോനേഷ്യയിലെ സലിം ഗ്രൂപ്പിന്റെ കെമിക്കല്‍ പ്ലാന്റിനുവേണ്ടിയുള്ള സ്ഥലമേറ്റെടുപ്പിനിടയില്‍ കൊല്ലപ്പെട്ടത് 11 ഗ്രാമീണരാണ്.

"ബുദ്ധ എന്നത് സിദ്ധാര്‍ത്ഥയുടെ മറ്റൊരു പേരാണെന്ന്'' കൊല്‍ക്കൊത്തയില്‍നിന്നുള്ള ഒരു എസ്.എം.എസ്. സന്ദേശം പറയുന്നു. സിദ്ധാര്‍ത്ഥശങ്കര്‍ ബസുവിന്റെ കോണ്‍ഗ്രസ് ഭരണകാലത്തെ ക്രൂരതകളും അദ്ദേഹത്തിന്റെ ഗുണ്ടാപ്പടയുടെ വിളയാട്ടവും ബംഗാളികള്‍ മറന്നു തുടങ്ങിയിട്ടില്ല. ബുദ്ധദേവ് ഇന്ന് സിദ്ധാര്‍ത്ഥശങ്കര്‍ ബസുവിനെ ഓര്‍മ്മിപ്പിക്കുന്നു. ബംഗാളിലെ പാര്‍ട്ടി ഗുണ്ടാസംഘങ്ങളായിമാറുന്നുവെന്ന് കൊല്‍ക്കത്തക്കാര്‍ പലരും ആശങ്കപ്പെടുന്നു.
ബംഗാളിയും 'ദി ലാന്റ് ഓഫ് നേക്കഡ് പീപ്പിള്‍' എന്നു സുപ്രസിദ്ധ ഗ്രന്ഥത്തിന്റെ രചയിതാവുമായ മധുശ്രീ മുഖര്‍ജി ജനുവരി 1 നും 9 നും ഇടയില്‍ കൊല്‍ക്കത്തയില്‍ നിന്ന് തന്റെ സുഹൃത്തുക്കള്‍ക്കയച്ച 6 ഇ-മെയില്‍ സന്ദേശങ്ങളാണിവ. - അനിവര്‍ അരവിന്ദ്

ഒന്നാമത്തെ കത്ത്
ജനുവരി 1, 2007

ഞാനിത്തവണ കൊല്‍ക്കത്തയില്‍ വന്നിട്ട് വെറും രണ്ടാഴ്ചയേ ആയുള്ളൂ. പക്ഷേ വല്ലാത്ത വിങ്ങല്‍ മനസ്സിനുണ്ടാക്കുന്ന കാഴ്ചകളാണ് ചുറ്റും. ദൃശ്യമായ അതിക്രമങ്ങള്‍ നിറഞ്ഞ ഒരു കാലഘട്ടത്തിലേക്കുള്ള പൊട്ടിത്തെറിയുടെ വക്കിലാണ് പശ്ചിമബംഗാള്‍ എന്നെനിക്കു തോന്നുന്നു.
ഭൂമി ഏറ്റെടുക്കലിന്റെ ഞെട്ടിപ്പിക്കുന്ന വേഗതയും തോതും ലക്ഷ്യവുമാണ് ഇതിനുകാരണം. നിങ്ങള്‍ സിംഗൂരിനെക്കുറിച്ച് കേട്ടുകാണും. പക്ഷേ അത് ഏകദേശം 1000 ഏക്കര്‍ മാത്രമാണ്. രേഖകളെ വിശ്വസിക്കാമെങ്കില്‍ സംസ്ഥാന ഗവണ്‍മെന്റ് വ്യവസായത്തിനും വികസനത്തിനും വേണ്ടിമാത്രം ഏറ്റെടുക്കാന്‍ പോകുന്നത് 125,000 ഏക്കറാണ്. (സിംഗൂരിനെക്കുറിച്ചുള്ള വിവരാവകാശ അന്വേഷണങ്ങള്‍ക്ക് ഒരു മറുപടിയും ഉണ്ടായിട്ടില്ല. അതുകൊണ്ട് ടാറ്റക്ക് 99 കൊല്ലത്തെ പാട്ടത്തിനുള്ള ഭൂമി കൈമാറ്റത്തിന്റെ വ്യവസ്ഥകളെക്കുറിച്ചോ പ്ലാന്റിന്റെ വിവരങ്ങളെക്കുറിച്ചോ ആര്‍ക്കും യാതൊരു ധാരണയുമില്ല). നിയമപരമായ ചോദ്യം ചെയ്യല്‍ അനുവദിക്കാത്ത കൊളോണിയല്‍ കാലഘട്ടത്തിലെ ഒരു നിയമമാണിവിടെ ഭൂമി ഏറ്റെടുക്കലിന് ഉപയോഗിക്കുന്നത്. ഏറ്റെടുത്ത ഭൂമിയില്‍ 5 പേരില്‍ കൂടുതല്‍ ഒന്നിച്ചു കൂടാതിരിക്കാന്‍ 144-ാം വകുപ്പും ഇതിനോടൊപ്പം ഉപയോഗിക്കുന്നുണ്ട്. എത്ര പേര്‍ കുടിയൊഴിക്കപ്പെട്ടുവെന്നു എനിക്കറിയില്ല.

പ്രധാനപ്പെട്ട ഒരു വസ്തുത രാഷ്ട്രീയ എതിര്‍പ്പ് നിര്‍ജ്ജീവമായിരുന്നുവെന്നതാണ്. സംഘടിതമായ ഒരു സമരരൂപത്തെക്കുറിച്ച് അവര്‍ക്ക് ഒരു ധാരണയും ഉണ്ടായിരുന്നില്ല. ജനാധിപത്യക്രമം തകര്‍ന്നിരുന്നു. ഇംഗ്ലീഷ് പത്രങ്ങള്‍ ഗവണ്‍മെന്റിന്റെ വികസനപക്ഷത്തായിരുന്നു. ബംഗാളി പത്രങ്ങള്‍ ഭൂമി ഏറ്റെടുക്കലിനെതിരെ കര്‍ഷകപക്ഷത്തും. ജനങ്ങളുടേയും മാധ്യമങ്ങളുടേയും അഭിപ്രായങ്ങള്‍ ഇത്രമാത്രം വിഘടിക്കപ്പെട്ട് കാണുന്നത് ഇതാദ്യമായാണ്. പശ്ചിമബംഗാള്‍ ജനതയുടെ ഒരു വലിയ ഭാഗം കര്‍ഷകര്‍ക്കനുകൂലവും പണത്തിന്റേയും അതിന്റെ സംസ്കാരത്തിന്റെയും സ്വാധീനത്തിലുള്ള കുടിയറക്കുകള്‍ക്ക് എതിരുമാണെന്നതാണ് എനിക്ക് ആശ്ചര്യജനകമായത്.
ഈ 80-ാം വയസ്സിലും മഹാശ്വേതാദേവി പേനകൊണ്ട് ഒറ്റക്ക് യുദ്ധം ചെയ്തുകൊണ്ടിരിക്കുന്നു. അവരുടെ ലേഖനങ്ങള്‍ പ്രസിദ്ധീകരിക്കുന്ന ദൈനിക് സ്റ്റേറ്റ്മാന്‍ പത്രത്തിന് അതുകൊണ്ടുതന്നെ യാതൊരു സര്‍ക്കാര്‍ പരസ്യവും ലഭിക്കുന്നുമില്ല.

ഈ രാഷ്ട്രീയ പ്രക്രിയയുടെ പതനം ജനങ്ങള്‍ നിയമം കയ്യിലെടുക്കുന്ന അവസ്ഥയുണ്ടാക്കുകയാണ്. സിംഗൂരിലിപ്പോള്‍ നക്സലുകള്‍ നുഴഞ്ഞുകയറുകയാണ്. ഗവണ്‍മെന്റിനു ഭൂമി വിറ്റ ചിലരുടെ കൊലപാതകത്തിനു പിന്നില്‍ അവരായിരിക്കാമെന്നു തോന്നുന്നു. (കുറച്ചു ദിവസങ്ങള്‍ക്കുമുമ്പ് ഭൂമി വില്‍പ്പനക്കെതിരെ പ്രതിഷേധിച്ച ഒരു യുവതി ക്രൂരമായ ബലാത്സംഗത്തിനിരയായി കൊല്ലപ്പെടുകയുണ്ടായി. സിംഗൂരിലെ സര്‍ക്കാര്‍ ഏറ്റെടുത്ത് കമ്പി വേലികെട്ടിയ ഭൂമിക്കു കാവല്‍ നില്‍ക്കുന്ന സായുധ പോലീസോ (പകല്‍) കമ്യൂണിസ്റ്റ് പാര്‍ട്ടി കേഡറോ (രാത്രി കാവല്‍) ആയിരിക്കാം ഇതു ചെയ്തതെന്ന് കരുതുന്നു.

ആണവ നിലയത്തിനായി സ്ഥലമേറ്റെടുക്കുന്ന കൊണ്ടെയില്‍ ഗ്രാമീണ സ്ത്രീകള്‍ കട്ടിയുള്ള ഒരു മുള്ളുവേലികെട്ടി പുറമേ നിന്നുള്ളവരുടെ പ്രവേശത്തെ തടയുന്നു. ഏതുനിമിഷവും എത്തിയേക്കാവുന്ന പോലീസിനെ അഭിമുഖീകരിക്കാന്‍ അവര്‍ തയ്യാറായിരിക്കുകയാണ്. ക്വിറ്റ്ഇന്ത്യാ സമര കാലഘട്ടത്തിലേതുപോലെ ഭക്ഷണം കരുതിവെച്ച് പെട്ടെന്നുള്ള എതിര്‍പ്പുകളെ ജോലി ഉപേക്ഷിച്ചുനേരിടാന്‍ ഇവര്‍ തയ്യാറായിരിക്കുന്നു. എവിടെയും പെട്ടെന്നുള്ള പ്രതിരോധമോ സമരങ്ങളോ കാണാനില്ല. എങ്കിലും ഇതെനിക്കൊരു പുതിയ സ്വാതന്ത്യ്ര സമരത്തിന്റെ തുടക്കമായി തോന്നുന്നില്ല.
ചില അര്‍ത്ഥത്തില്‍ ഇത് പഴയതിനെ അനുസ്മരിപ്പിക്കുന്ന ഒരു സ്വാതന്ത്ര്യസമരമാണ്. ഭൂമിയും പ്രകൃതി വിഭവങ്ങളും ബലം പ്രയോഗിച്ച് കയ്യടക്കുകയും അടിച്ചമര്‍ത്തുകയും ചെയ്യുന്ന കൊളോണിയല്‍ സ്വഭാവമുള്ള ഗവണ്‍മെന്റിനെതിരെയുള്ള സമരം. ഇലക്ഷന്‍ വിജയത്തിനായി ഇടതുപക്ഷം സൃഷ്ടിക്കുന്ന അതിക്രമങ്ങളെക്കുറിച്ച് ബംഗാളിനു പുറത്തുള്ളവര്‍ക്ക് വലിയ ധാരണണയൊന്നുമില്ല. ഗ്രാമങ്ങളില്‍ ജനങ്ങളെ വോട്ടെടുപ്പില്‍ നിന്നുമാറ്റി നിര്‍ത്താനായുള്ള അതിക്രമങ്ങള്‍ പതിവാണ്. ആയിരക്കണക്കിന് പാര്‍ട്ടി പ്രവര്‍ത്തകരെ ഇടതുപക്ഷ ഗവണ്‍മെന്റ് സര്‍ക്കാര്‍ മാസപ്പടിയില്‍ നിലനിര്‍ത്തുന്നുണ്ട്. വ്യവസായ ഭീമന്മാരുമായുള്ള ഈ പുതിയ ചങ്ങാത്തത്തിന്റെ യഥാര്‍ത്ഥ കാരണം ഇതാണെന്നാണ് നിരവധി കൊല്‍ക്കത്തക്കാര്‍ കരുതുന്നത്. ഗ്രാമീണരാകട്ടെ സംസ്ഥാനം അവരെ പരിപാലിക്കുമെന്ന എല്ലാ പ്രതീക്ഷയും നഷ്ടപ്പെട്ട നിലയിലാണ്.

എവിടെയാണിത് അവസാനിക്കുക....? ഇതൊരു തുടക്കം മാത്രമാണെന്നെനിക്കു തോന്നുന്നു....
മധുശ്രീ

രണ്ടാമത്തെ കത്ത്
ജനുവരി 5, 2007

എന്തുകൊണ്ടോ ഇന്നത്തെ പത്രത്തിലെ എല്ലാ സംഭവങ്ങളും എന്റെ തലക്കു ചുറ്റും കറങ്ങിക്കറങ്ങി ഒരു ശ്രേണി രൂപത്തിലാവുന്നപോലെ. നോയ്ഡയിലെ കുട്ടികളുടെ കൊലപാതകങ്ങള്‍, ഐ.ഐ.ടി. ബിരുദധാരികളുടെ ഇന്ത്യയിലേക്കുള്ള തിരിച്ചുവരവ്, പ്രത്യേക സാമ്പത്തികമേഖലകള്‍ക്കായുള്ള ഭൂമി ഏറ്റെടുക്കലിനെതിരെ മിഡ്നാപ്പൂരിലെ ജനങ്ങളുടെ പോലീസുമായുള്ള ഏറ്റുമുട്ടലുകള്‍, വിദ്യാഭ്യാസത്തില്‍ പശ്ചിമബംഗാളിനു കിട്ടിയ കുറഞ്ഞ റാങ്കിങ്ങ് (35 പേരില്‍ 32-ാമത്)..... ഇവയെല്ലാം ഏതോ തരത്തില്‍ ചുറ്റിപ്പിണഞ്ഞിരിക്കുന്നതായി എനിക്കു തോന്നുന്നു.
പശ്ചിമബംഗാളിലെ ഗ്രാമീണ ജനതയുടെ പരിതാപകരമായ വിദ്യാഭ്യാസ നിലവാരത്തില്‍ നിന്നു നമുക്കു തുടങ്ങാം. ഇന്നത്തെ സാഹചര്യത്തില്‍ എന്താണ് അത് അര്‍ത്ഥമാകുന്നത്? വമ്പന്‍ വ്യവസായങ്ങള്‍ സംസ്ഥാനത്തു വരുമ്പോള്‍ അടിച്ചുതളിയും, നിര്‍മ്മാണത്തൊഴിലാളികളുടെ ജോലിയും മാത്രമേ തദ്ദേശീയര്‍ക്കു ലഭിക്കൂ എന്നല്ലേ.... നിര്‍മ്മാണ പ്രവര്‍ത്തനങ്ങല്‍ കഴിയുന്നതോടെ ഭൂമിയുടെ യഥാര്‍ത്ഥ ഉടമകള്‍ തൊഴിലന്വേഷിച്ച് പലായനം ചെയ്യേണ്ടിവരും. എല്ലാ ഉയര്‍ന്ന ജോലികളും കൂടുതല്‍ വിദ്യാഭ്യാസമുള്ള, കണ്ണുകളില്‍ സ്വിമ്മിങ്ങ് പൂളുകളുടെ നീലനിറം തിളങ്ങുന്ന ഐ.ഐ.ടി. ബിരുദധാരികള്‍ക്കോ വിദ്യാഭ്യാസമുള്ള മിഡില്‍ക്ളാസുകാര്‍ക്കോ ആയിരിക്കും.

ഭൂമി ഉപേക്ഷിക്കേണ്ടിവന്നവര്‍ക്ക് തിളങ്ങുന്ന പുതിയ നഗരങ്ങളുടെ കാണപ്പെടാത്ത അഴുക്കുകൂനകളില്‍ അടിയും വരെ അവയെ തുടച്ചുമിനുക്കിക്കൊണ്ടിരിക്കാം. ഇവിടെയാണ് നോയ്ഡയിലെ കുട്ടികള്‍ വരുന്നത്. നൂറുകണക്കിനു കുട്ടികളെ കാണാതായപ്പോളും പോലീസ് ഒരു കേസ് പോലും രജിസ്റ്റര്‍ ചെയ്തിരുന്നില്ല. നഗരങ്ങളില്‍ ഇവര്‍ പ്രതിരോധമില്ലാത്തവരും അടുത്തു താമസിക്കുന്ന കാളക്കൂറ്റന്റെ കരുണയ്ക്കു യാചിക്കുന്നവരും ആയിമാറുന്നു. കുട്ടികളുടെ അവയവങ്ങള്‍ നഷ്ടപ്പെട്ടുവോ? ആര്‍ക്കറിയാം? അതാരെയും അത്ഭുതപ്പെടുത്തുന്നില്ല.

മിഡ്നാപ്പൂരിലെ ജനങ്ങള്‍ അവരുടെ ഭൂമിക്കായി സമരം ചെയ്യുന്നതിലത്ഭുതമില്ല. എല്ലാ ആസൂത്രണ വിദഗ്ധരേക്കാള്‍ കൂടുതല്‍ ഈ ആസൂത്രണങ്ങളുടെ പിന്നിലുള്ള സത്യം അവര്‍ക്കറിയാം.

ഈ പ്രത്യേക സാമ്പത്തിക മേഖലകള്‍ക്ക് കടലാസുകളിലെങ്കിലും എന്തെങ്കിലും സാമ്പത്തിക ന്യായമുണ്ടോ? ജഗദീഷ് ഭഗവതിയും വ്യവസായ സൌഹൃദമാഗസിനായ ഇക്കണോമിസ്റ്റ് മാഗസിനും അവക്കെതിരെ രംഗത്തുവരികയുണ്ടായി. രണ്ടുകൂട്ടരും പറഞ്ഞ് അത് ഗവണ്‍മെന്റിന്റെ ഒരുപാട് വരുമാനം നഷ്ടപ്പെടുത്തുമെന്നാണ്. പ്രത്യേക സാമ്പത്തിക മേഖലകള്‍ സമ്പദ്വ്യവസ്ഥയെ ശക്തിപ്പെടുത്താനല്ല, പകരം ബന്ധപ്പെട്ട സ്റ്റേറ്റ് ഗവണ്‍മെന്റിന്റെ പണത്തേയും ഭാവിയേയും ശക്തിപ്പെടുത്താനുള്ളതായിട്ടാണ് ഉദ്ദേശിച്ചിട്ടുള്ളത്.

കൊല്‍ക്കത്തയില്‍ ലൈംഗികത്തൊഴില്‍ വളരുന്ന ഒരു വ്യവസായമാണെന്ന് അവര്‍ പറയുന്നു. അത് സാമൂഹ്യ സദാചാരത്തിലുണ്ടാകുന്ന മാറ്റംകൊണ്ടല്ല. കഠിനമായ ദാരിദ്യ്രവും അമിതമായ സമ്പത്തും കൂട്ടിമുട്ടുമ്പോഴെല്ലാം ലൈംഗികത്തൊഴില്‍ വളരാറുണ്ട്. 1943 ലെ ക്ഷാമകാലത്തും ഇത് സംഭവിച്ചിരുന്നു.

ഏകാധിപത്യവും ജനാധിപത്യവും തമ്മിലുള്ള വ്യത്യാസം പറയാന്‍ ഇക്കാലത്ത് വിഷമമായിക്കൊണ്ടിരിക്കുന്നു.
മധുശ്രീ

മൂന്നാമത്തെ കത്ത്
ജനുവരി 7, 2006

മിഡ്നാപ്പൂരിലെ ഉള്‍നാടുകളിലൊന്നായ നന്ദിഗ്രാമില്‍ ആയിരക്കണക്കിന് സാമൂഹ്യ പ്രവര്‍ത്തകര്‍ കമ്യൂണിസ്റ്റ് കേഡറുകളുമായി പൊരുതുകയാണ്. റിപ്പോര്‍ട്ടര്‍മാരെ കടത്തിവിടാത്ത അവിടുന്ന് വളരെക്കുറച്ച് വാര്‍ത്തകളാണ് വന്നുകൊണ്ടിരിക്കുന്നത്.

ക്വിറ്റ് ഇന്ത്യാ സമരകാലത്തെപ്പോലെ നന്ദിഗ്രാമിലേക്കുള്ള എല്ലാ അപ്രോച്ച് റോഡുകളും കുഴിക്കപ്പെട്ടിരിക്കുന്നു. പ്രശ്നം ഭൂമി ഏറ്റെടുക്കല്‍ തന്നെ. ഇവിടത്തെ നിരവധി ഗ്രാമങ്ങളെ ഇന്തോനേഷ്യയിലെ സലിം ഗ്രൂപ്പിന്റെ ഒരു കെമിക്കല്‍ പ്ലാന്റിനും മറ്റു പ്രോജക്ടുകള്‍ക്കും വേണ്ടി ഏറ്റെടുക്കാന്‍ രേഖപ്പെടുത്തിയിരിക്കുകയാണ്. ഏകദേശം ഒരുലക്ഷത്തോളം പേര്‍ കുടിയൊഴിക്കപ്പെടാം. പക്ഷേ അവര്‍ പോകാന്‍ തീരുമാനിച്ചിട്ടില്ല.

സംസ്ഥാന സര്‍ക്കാരിനോട് അവരിതില്‍ വിജയിക്കാന്‍ പോകുന്നില്ലെന്ന് ആരെങ്കിലും പറയണം. മിഡ്നാപ്പൂരിലെ ജനങ്ങള്‍ പണ്ടേ പോരാട്ട സ്വഭാവമുള്ളവരാണ്. ബ്രിട്ടീഷുകാര്‍ക്കെതിരായി ഇവിടെ ഒട്ടനവധി പോരാട്ടങ്ങള്‍ നടന്നിട്ടുണ്ട്. സന്യാസി-ഫക്കീര്‍ നേതൃത്വത്തിലുള്ള സമരങ്ങള്‍ (1770 മുതല്‍ 1800 വരെ) ചുവാര്‍ പോരാട്ടങ്ങള്‍ (1800 മുതല്‍ 1830 വരെയെന്നു തോന്നുന്നു) ശിപ്പായിലഹള (1857 ക്വിറ്റ് ഇന്ത്യാസമരം (1942-44) തുടങ്ങിയവ. ഇതിനിടയില്‍ എപ്പോഴോ ഒരു സന്താള്‍ പോരാട്ടങ്ങള്‍കൂടി ഉണ്ടായിരുന്നതായി തോന്നുന്നു. ഇത് ബംഗാളിനും ബീഹാറിനും ഒറീസ്സയ്ക്കും ഇടയിലുള്ള കുന്നുകളും സമതലങ്ങളും നിറഞ്ഞ ഒരു അതിര്‍ത്തി പ്രദേശമാണ്.

ക്വിറ്റ് ഇന്ത്യാ സമരകാലത്ത് (അത് ബംഗാളിലെ ക്ഷാമകാലത്തായിരുന്നു) ഇവിടുത്തെ നേതാക്കള്‍ ബ്രിട്ടീഷ് സര്‍ക്കാരിനെതിരെ ഒരു സമാന്തര ഗവണ്‍മെന്റ് ഉണ്ടാക്കിയവരാണ്. അവരുടെ കോടതികള്‍ വളരെ ജനപ്രിയമായിരുന്നു. ഗാന്ധിയുടെ ജയില്‍ മോചനത്തിനുശേഷം അദ്ദേഹത്തിന്റെ ആജ്ഞപ്രകാരമാണ് ഈ സമാന്തര ഗവണ്‍മെന്റ് പിരിച്ചുവിട്ടത്. അന്ന് ഒരുപാടുപേര്‍ കരഞ്ഞതായി കേട്ടിട്ടുണ്ട്.

ക്വിറ്റ് ഇന്ത്യാസമരകാലത്തെ നിരവധി നേതാക്കളിലൊരാളായ സുശീല്‍ ധര (95 വയസ്സ്) ഇപ്പോള്‍ രോഗശയ്യയിലാണ്. ഇന്നത്തെ പത്രത്തില്‍ അദ്ദേഹം മിഡ്നാപ്പൂരില്‍ പോയി പുതിയ സ്വാതന്ത്ര്യസമരം കാണാന്‍ താല്‍പ്പര്യപ്പെടുന്നതായി വാര്‍ത്തയുണ്ട്. മിഡ്നാപ്പൂരില്‍ ജനങ്ങള്‍ ഇപ്പോള്‍ പോലീസിനെപ്പോലും പ്രവേശിപ്പിക്കാതെ നാടിന് മുക്താഞ്ചല്‍ (സ്വതന്ത്ര പ്രദേശം) എന്നു പേരിട്ടിരിക്കുകയാണ്.

"വ്യവസായവല്‍ക്കരണത്തിന്'' എതിരെയുള്ള എല്ലാ സമരങ്ങളും രാഷ്ട്രീയ പ്രേരിതമാണെന്നാണ് സംസ്ഥാന സര്‍ക്കാര്‍ പറയുന്നത്. മിഡ്നാപ്പൂരില്‍ എത്രപേര്‍ അറസ്റ്റ് ചെയ്യപ്പെട്ടുവെന്നറിയില്ല. അറസ്റ്റ് ചെയ്യപ്പെട്ടവരില്‍ ഒരാള്‍ കൊല്‍ക്കത്തയിലെ ജാദവ്പൂര്‍ യൂണിവേഴ്സിറ്റിയിലെ വിദ്യാര്‍ത്ഥിയാണ്. മറ്റൊരാള്‍ ഡല്‍ഹിയിലെ ജവഹര്‍ലാല്‍ നെഹ്റു യൂണിവേഴ്സിറ്റിയില്‍ പഠിക്കുന്നു. നക്സലുകളോ മാവോയിസ്റ്റുകളോ ആണെന്നാരോപിച്ച് ഇരുവര്‍ക്കും ജാമ്യം നല്‍കുന്നില്ല. എന്തുചെയ്തതിനാണ് അവര്‍ അറസ്റ്റിലായതെന്നേ എന്തില്‍ വിശ്വസിക്കുന്നതിനാണ് അറസ്റ്റിലായാതെന്നോ മനസ്സിലായിട്ടില്ല. ഒന്നും വ്യക്തമല്ല.

ഇനി സിംഗൂരിനെക്കുറിച്ച് ഒന്നും കേള്‍ക്കാനിടയില്ല. ഇതൊരു വിധിയാണോ? നമുക്കു കാത്തിരുന്നു കാണാം.
മധുശ്രീ

നാലാമത്തെ കത്ത്
ജനുവരി 7, 2007

നന്ദിഗ്രാമിലുണ്ടായ കലാപത്തില്‍ 7 പേര്‍ മരിച്ചു. ടി.വി. വാര്‍ത്ത

ഈ വിഷയങ്ങള്‍ എന്നോടു വളരെ അടുത്തവയാണെന്ന് ഇന്നു ഞാന്‍ മനസ്സിലാക്കി. എന്റെ ബംഗാള്‍ ക്ഷാമത്തെക്കുറിച്ചുള്ള പുസ്തകത്തിനായി ക്ഷാമത്തെപ്പറ്റിയുള്ള ഓര്‍മ്മകള്‍ സൂക്ഷിക്കുന്ന അതിന്റെ ഇരകളെ ഞാന്‍ ഒരുപാട് തിരഞ്ഞിരുന്നു. മിഡ്നാപ്പൂരിലെ മൊഹിസാദര്‍ സബ്ഡിവിഷനില്‍പ്പെട്ട കലിക്കക്കുണ്ട് ഗ്രാമത്തില്‍ ഒടുവില്‍ ഞാന്‍ അവരെ കണ്ടെത്തിയിരുന്നു. ചിറ്റോ സാമന്ത എന്ന ഒരു വയസ്സന്‍ കര്‍ഷകനെ ഞാനിന്നും ഓര്‍ക്കുന്നു. ഒരു പാടത്തിനുനടുവിലുള്ള മണ്‍കുടിലില്‍ ഭാര്യയും മക്കളും പുത്രഭാര്യമാരും പേരക്കുട്ടികളുമായി എന്നെപ്പോലെ നഗരജീവിതത്തിന്റെ തിരക്കുകളില്ലാതെ സമാധാനപൂര്‍വ്വം ജീവിക്കുകയായിരുന്നു അദ്ദേഹം. സലീം ഗ്രൂപ്പിന്റെ ഏറ്റെടുക്കല്‍ പദ്ധതിയില്‍ കലിക്കാക്കുണ്ടുമുണ്ട്. എനിക്ക് ചിറ്റോബാബുവിനെ വിളിച്ചു കിട്ടിയില്ല. സ്വാതന്ത്ര്യസമര സേനാനിയെന്ന നിലയില്‍ അദ്ദേഹത്തിന് ഒരു ചെറിയ പെന്‍ഷനും ഫോണ്‍ലൈനും കിട്ടിയിട്ടുണ്ട്. ലൈന്‍ കട്ടായിരിക്കുന്നു.
80 വയസ്സായെങ്കിലും അദ്ദേഹം ഏതു പുതിയ സമരത്തിന്റേയും മുന്നണിയിലുണ്ടായിരിക്കുമെന്ന് എനിക്കറിയാം. ഞാന്‍ വാര്‍ത്തകള്‍ക്കായി അക്ഷമയോടെ കാത്തിരിക്കുന്നു.
മധുശ്രീ.

അഞ്ചാമത്തെ കത്ത്
ജനുവരി 8, 2007

കൊല്‍ക്കത്ത ടി.വി.യിലെ (ഒരു ബംഗാളി ചാനല്‍) ഒരു സമര്‍ത്ഥനായ റിപ്പോര്‍ട്ടര്‍ നന്ദിഗ്രാമില്‍ ചെന്ന് കലാപത്തിന്റെ വിവരങ്ങള്‍ റിപ്പോര്‍ട്ട് ചെയ്യുകയുണ്ടായി. സംഭവിച്ചത് ഇതാണ്.

മിഡ്നാപ്പൂരിന്റേയും ബംഗാളിന്റേയും മറ്റു ഭാഗങ്ങളുമായി ഒരു കനാല്‍ കൊണ്ട് വേര്‍തിരിക്കപ്പെട്ട പ്രദേശമാണ് നന്ദിഗ്രാം. കനാലിനൊരൊറ്റ പാലം മാത്രമേയുള്ളൂ. പാര്‍ട്ടി നിര്‍ദ്ദേശപ്രകാരം വീടുകള്‍ വിട്ടുകൊടുത്ത സി.പി.ഐ.(എം) പ്രവര്‍ത്തകര്‍ കനാലിന്റെ മറുഭാഗത്തുള്ള ക്യാമ്പുകളില്‍ താമസിക്കുകയായിരുന്നു. ഇവര്‍ക്ക് അവിടുത്തെ സി.പി.ഐ.(എം) നേതാവും കുപ്രസിദ്ധ ഗുണ്ടയുമായ ലക്ഷ്മണ്‍ സേത്തുവഴി നിരവധി സഹായങ്ങല്‍ ലഭിച്ചിരുന്നു. പാര്‍ട്ടിയുടെ ഭൂമി ഏറ്റെടുക്കല്‍ ശ്രമങ്ങളുമായി സഹകരിക്കണമെന്നും അല്ലാത്തവരുടെ ജീവിതത്തെ തങ്ങള്‍ നരകമാക്കുമെന്നും ഒരു സീനിയര്‍ സി.പി.ഐ.(എം) നേതാവ് കര്‍ഷകരെ ഓര്‍മ്മിപ്പിച്ചിരുന്നു. ജനുവരി 6 ന് രാത്രി കനാലിന്റെ കിഴക്കേ ഭാഗത്തുള്ള സോനാപുര, തെഹാലി എന്നീ രണ്ടു ഗ്രാമങ്ങള്‍ പടിഞ്ഞാറുഭാഗത്തുള്ള സി.പി.ഐ.(എം) പിന്തുണക്കാര്‍ തോക്കുകളും ബോംബുകളുമായി ആക്രമിച്ചു. ആക്രമണത്തെ ഗ്രാമീണര്‍ ചെറുത്തുനിന്നു. പക്ഷേ തോക്കോ ബോംബോ അവര്‍ക്കുണ്ടായിരുന്നില്ല. കൊല്‍ക്കത്ത ടി.വി. റിപ്പോര്‍ട്ടര്‍ പറയുന്നത് പണിയായുധങ്ങളും കറിക്കത്തികളും (സ്ത്രീകളും ചെറുത്തുനിന്നിരുന്നു) മാത്രമേ അവര്‍ക്കുണ്ടായിരുന്നുള്ളൂ എന്നാണ്. 14 വയസ്സുള്ള ആണ്‍കുട്ടിയടക്കം മരിച്ചവരെല്ലാം സോനാപുര ഗ്രാമത്തിലെ കര്‍ഷകരാണ്.

ഇന്നത്തെ ദൈനിക് സ്റ്റേറ്റ്മാനില്‍ മഹാശ്വേതാദേവി ആക്രമണകാരികള്‍ 2 തലകള്‍ മുറിച്ചെടുത്ത് ട്രോഫിയായി കൊണ്ടുപോയിയെന്ന് പറയുന്നുണ്ട്.

സര്‍ക്കാരിനെ പിന്തുണക്കുന്ന 'ടെലഗ്രാഫ്' പത്രം വായിക്കുന്നത് കൌതുകം തന്നെയാണ്. ഒന്നാംപേജില്‍ രണ്ടുപക്ഷത്തിനും ബോംബുകളും തോക്കുകളുമുണ്ടായിരുന്നെന്ന കഥ അത് അവതരിപ്പിക്കുന്നു. ഒരു ദിവസത്തിനുശേഷം ഗ്രാമീണര്‍ കത്തിച്ച ഒരു സി.പി.ഐ.(എം) പ്രവര്‍ത്തകന്റെ വീടുകത്തിച്ച ഫോട്ടോ പ്രസിദ്ധീകരിച്ചപ്പോള്‍പ്പോലും അതിനു മുന്‍പു കൊല്ലപ്പെട്ട ആരുടേയും ചിത്രം പ്രസിദ്ധീകരിക്കാന്‍ പത്രം തയ്യാറായില്ല. സി.പി.ഐ.(എം) ക്യാമ്പിന്റെ സംരക്ഷണത്തിനും കലാപം ഒതുക്കാനും പോലീസിനെ അയച്ചില്ലെന്ന് പത്രം പരാതിപ്പെടുന്നു. മറ്റാരും പോലീസ് പക്ഷപാതികളല്ലെന്ന് വിശ്വസിക്കുന്നില്ല.

ക്വിറ്റ് ഇന്ത്യാസമരകാലത്ത് ബ്രിട്ടീഷ് ജയിലിലടക്കപ്പെട്ട കുമുദിനി ഭാകുവയുമായി ഞാന്‍ സംസാരിച്ചിരുന്നു. മൊഹിസദാലിനടുത്ത് താമസിക്കുന്ന അവര്‍ക്ക് ആ പ്രദേശം മുഴുവന്‍ നന്നായറിയാം. അവര്‍ പറയുന്നത് നന്ദിഗ്രാമില്‍ 11 പേര്‍ കൊല്ലപ്പെട്ടുവെന്നാണ്. ഇപ്പോള്‍ ആ പ്രദേശത്ത് പോലീസ് വെടിവെപ്പ് നടക്കുകയാണ്. റിപ്പോര്‍ട്ടര്‍മാര്‍ക്ക് പ്രവേശനമില്ല.

മുഖ്യമന്ത്രി ബുദ്ധദേവ് ഭട്ടാചാര്യയുടെ ആരോപണം ഇസ്ളാമിക ഗ്രൂപ്പുകളാണ് ആക്രമണത്തിനു പിന്നിലെന്നാണ്. ഭൂമി കയ്യേറ്റത്തെ എതിര്‍ക്കുന്ന ഒരു സംഘടനയ്ക്ക് ഒരു ഇസ്ലാമിക പേരാണ്. പക്ഷേ നന്ദിഗ്രാമിലെ ഹിന്ദുക്കളും മുസ്ളീങ്ങളും ഭൂമി ഏറ്റെടുക്കലിനെതിരെ ഒറ്റക്കെട്ടാണ്. വര്‍ഗ്ഗീയമല്ലാത്ത ഒരു സമരത്തെ വര്‍ഗ്ഗീയമാക്കാനാണ് മുഖ്യമന്ത്രി ശ്രമിക്കുന്നത്.
മധുശ്രീ.

ആറാമത്തെ കത്ത്
ജനുവരി 9, 2007

അപ്പോള്‍ അവര്‍ നക്സലുകളോ? അതോ ഇസ്ലാമിക മൌലികവാദികളോ?

"ഗ്രാമീണര്‍ക്ക് തനിച്ച് റോഡുകള്‍ കുഴിക്കാനോ പാലങ്ങള്‍ കത്തിക്കാനോ വാര്‍ത്താവിനിമയ സംവിധാനങ്ങള്‍ തകര്‍ക്കാനോ കഴിയില്ലെന്ന്'', നക്സല്‍ സഹായമില്ലാതെ ഇതൊന്നും സാധ്യമല്ലെന്ന് ഒരു സി.പി.ഐ.(എം) മെമ്പര്‍ ലോകസഭയില്‍ പറയുകയുണ്ടായി. എനിക്ക് ഓര്‍മ്മവരുന്നത് ക്വിറ്റ് ഇന്ത്യ സമരത്തിനുശേഷം ചര്‍ച്ചില്‍ പറഞ്ഞതാണ്. ഇന്ത്യന്‍ ജനതയ്ക്ക് ഒന്നിച്ചുചേര്‍ന്ന് ഒരു ശക്തിയാവാന്‍ കഴിയുമെന്നു വിശ്വസിക്കാന്‍ കഴിയാത്ത ചര്‍ച്ചില്‍ ജപ്പാനുമായിച്ചേര്‍ന്നുള്ള കോണ്‍ഗ്രസ്സ് ഗൂഢാലോചനയാണ് അതെന്ന് കുറ്റപ്പെടുത്തുകയുണ്ടായി. സ്വാതന്ത്യ്ര സമരസേനാനികളെ ഫാസിസ്റ്റുകളെന്നും അദ്ദേഹം വിശേഷിപ്പിക്കുകയുണ്ടായി.

നന്ദിഗ്രാമിലെ ഗ്രാമീണരെ ഇസ്ലാമിക മൌലികവാദികളെന്നു വിളിച്ചു മുഖ്യമന്ത്രിയുടെ നടപടിയില്‍ പാര്‍ട്ടിയില്‍ ചര്‍ച്ച നടക്കുകയാണ്. അദ്ദേഹം പരാമര്‍ശിച്ചത് കര്‍ഷകരെ സംഘടിപ്പിച്ചിരുന്ന ജമാ അത്ത്-ഉലമ-ഇ-ഹിന്ദ് എന്ന ഒരു പ്രാദേശിക സംഘടനയെയാണ്. 1919 ല്‍ സ്ഥാപിക്കപ്പെട്ട ഈ സംഘടന സ്വാതന്ത്യ്രസമരത്തില്‍ ഒരു സുപ്രധാന പങ്ക് വഹിച്ചിരുന്നു. മൌലാനാ അബ്ദുള്‍കലാം ആസാദ് ഇതിന്റെ സെക്രട്ടറിയായിരുന്നു. ഈ സംഘടന മുഖ്യമന്ത്രിക്കെതിരെ കോടതിയില്‍ പോകുമെന്നു കേള്‍ക്കുന്നു. അങ്ങനെയെങ്കില്‍ അത് വളരെ രസകരമായിരിക്കും.
മാവോയിസ്റ്റുകളോ ഇസ്ലാമികവാദികളോ...? നന്ദിഗ്രാമിലെ ജനങ്ങള്‍ ഇതിലേതെങ്കിലും ആയേ പറ്റൂ എന്നുണ്ടോ? എങ്കില്‍ പോലീസ് യൂണിഫോമിലുള്ളവരാല്‍ ആ ഭീകരരാത്രിയില്‍ ആക്രമിക്കപ്പെടുമ്പോള്‍ ഇവര്‍ക്ക് ആരുടേയും സഹായം ലഭിക്കാഞ്ഞതെന്താണ്? എങ്ങനെയാണ് പോലീസ് ഉപയോഗിക്കുന്നതരം 303-ാം നമ്പര്‍ ബുള്ളറ്റ് കൊല്ലപ്പെട്ട കര്‍ഷകന്റെ ദേഹത്തുനിന്നും കണ്ടെടുത്തത്?

ഈ കത്തുകള്‍ അയച്ചുതുടങ്ങിയതോടെ കാര്യക്ഷമമായി വിലയിരുത്താതെ ഞാന്‍ കറുപ്പും വെളുപ്പുമായി മാത്രം കാണുകയാണെന്ന വിമര്‍ശനവും ഉയരുന്നുണ്ട്. എനിക്കു വിഷമം തോന്നുന്നു. സമതലങ്ങളില്‍നിന്ന് മുകളിലോട്ടുനോക്കാനും മണ്ണിരയുടെ കണ്ണിലൂടെ കഴുകനെ നോക്കാനുമാണ് ഞാന്‍ ശ്രമിക്കുന്നത്.
എനിക്ക് പക്ഷിയുടെ കാഴ്ചയല്ല, രത്തന്‍ ടാറ്റയും മുഖ്യമന്ത്രിയുമല്ലാതെ മറ്റാരാണ് അത് ചെയ്യേണ്ടത്? വ്യവസായ സംരംഭത്തെക്കുറിച്ച് വളരെക്കുറച്ചു വിവരങ്ങള്‍ മാത്രമേ പുറത്തറിയാവൂ. അതിന്റെ രഹസ്യാത്മകതയാവട്ടെ അമ്പരപ്പിക്കുന്നതും.

വളരെ സങ്കീര്‍ണമാണെങ്കില്‍പ്പോലും സിംഗൂരിനെക്കുറിച്ച് അല്‍പ്പം സ്ഥിതിവിവര കണക്കുകള്‍ ഇപ്പോള്‍ ലഭ്യമാകുന്നുണ്ട്. ഒരു ഏക്കറിന് 30 ലക്ഷം രൂപ ഏറ്റെടുക്കലിന് ചെലവാകുമ്പോള്‍ ടാറ്റ നല്‍കുന്നത് 8 ലക്ഷം മാത്രമാണ്. പോലീസിനുള്ള ചെലവും ഗ്രാമീണരെ ഓടിക്കാനുള്ള ആയുധച്ചെലവും കൂടുമ്പോള്‍ നികുതിദാതാവ് ടാറ്റക്കു നല്‍കുന്ന സബ്സിഡി എത്രയധികമാണ്? (അതുതന്നെ സര്‍ക്കാരില്‍നിന്നുള്ള മുന്‍കൂറായുള്ള പലിശയില്ലാത്ത കടവും. 0.01 ശതമാനമാണ് പലിശനിരക്കെന്നും അറിയുന്നു) പക്ഷികള്‍ കാണുന്നുണ്ടായിരിക്കാം. നമ്മുടെ കയ്യില്‍ സിംഗൂരിന്റേയും നന്ദിഗ്രാമിന്റേയും കോണ്ടേയുടേയും മറ്റേതെങ്കിലുമുണ്ടെങ്കില്‍ അതിന്റേയും പ്ലാനുകളുണ്ടെങ്കില്‍ നമുക്കും അതു കാണാമായിരിക്കാം. ചെറുതാണെങ്കില്‍ ഞാനെന്റെ ഈ കാഴ്ചപ്പാടുകൂടി കുറിക്കട്ടെ.

ആകാശത്തു പറക്കുന്ന പരുന്തുകള്‍ മിക്കപ്പോഴും ഒരുപാട് ചെറിയ കാഴ്ചകളെ വിട്ടുകളയാറുണ്ട്. മണ്ണില്‍ക്കിടന്നാല്‍ മാത്രം കാണാവുന്ന കാഴ്ചകള്‍. ഒരു മണ്ണിരയുടെ കഷ്ടപ്പാടുകള്‍ ഒരിക്കലും ഒരു പരുന്തിനുകാണാനേയാവില്ല.
എത്ര ധാരാളിത്തത്തോടെയാണെങ്കില്‍ പോലും പാരമ്പര്യം നഷ്ടപ്പെടുത്തുന്ന സമൂഹങ്ങളെ പിരിക്കുന്ന, സ്വത്വം നഷ്ടപ്പെടുത്തുന്ന, ജോലികളെ മാറ്റുന്ന സുരക്ഷിതത്വം നഷ്ടപ്പെടുന്ന, നിര്‍ബന്ധിത കുടിയൊഴിക്കലിനിടയാക്കുന്ന, ഒരു നഷ്ടപരിഹാര പാക്കേജ് എങ്ങനെയാണ് നീതികരിക്കാനാകുക.

ബംഗാളിന് വ്യവസായവല്‍ക്കരണം വേണം. പക്ഷേ ഇത് അധിനിവേശമാണ്.
മധുശ്രീ.

---------------------------------------------------------------------------------------

ഇതിനു ശേഷമാണ് മെയിലും ഇപ്പോഴും ഉണ്ടായ അക്രമങ്ങള്‍ . നന്ദിഗ്രാമില്‍ നിന്നുള്ള വാര്‍ത്തകള്‍ക്ക് സന്‍ഹതി എന്ന (ഐക്യദാര്‍ഢ്യം എന്നര്‍ത്ഥം) എന്ന ബ്ലോഗ് സന്ദര്‍ശിക്കുക. പശ്ചിമബംഗാളിലെ വിവിധ സര്‍വകലാശാലകളിലെ ചെറുപ്പക്കാരും ഐടി ജോലിക്കാരും ഒക്കെച്ചേര്‍ന്നു നടത്തുന്ന ഒരു ബ്ലോഗാണിത്. കൂടാതെ കഫിലയും വായിക്കുക.

ഓഫ്: ഇന്തോനേഷ്യയിലെ കമ്മ്യൂണിസ്റ്റ് കൂട്ടക്കൊലക്ക് (1965 ലെ ആന്റി കമ്മ്യൂണിസ്റ്റ് ഹോളോകാസ്റ്റ്) നേതൃത്വം നല്‍കിയ സുഹാര്‍ത്തോവിന്റെ കുടുംബത്തിന് നിര്‍ണ്ണായക സ്വാധീനമുള്ള കമ്പനിയാണ് നന്ദിഗ്രാമില്‍ കെമിക്കല്‍ ഫാക്ടറി സ്ഥാപിക്കാന്‍ വന്ന സലീം ഗ്രൂപ്പ് . സുഹാര്‍ത്തോവിന്റെ മകള്‍ കമ്പനി ഡയറക്ടര്‍ ബോര്‍ഡിലുമുണ്ട്. സുഹാര്‍ത്തോവിന്റെ സാമ്പത്തിക സാമ്രാജ്യത്തെക്കുറിച്ചുള്ള കൂടുതല്‍ വിവരങ്ങള്‍ ഇവിടെ . ബംഗാളിലേക്ക് ബുദ്ധദേവ് ക്ഷണിച്ചിട്ടുള്ള മറ്റൊരു കമ്പനി ഡോ കെമിക്കല്‍സാണ്. അതെ ഭോപ്പാല്‍ ദുരന്തത്തിനു കാരണക്കാരനായ കരിമ്പട്ടികയില്‍പ്പെട്ട യൂണിയന്‍ കാര്‍ബൈഡിന്റെ പുതിയ രൂപം തന്നെ.

ആണ്‍ലൈംഗികത്തൊഴിലാളികള്‍ ഫണ്ടിങ്ങ് ടാര്‍ഗറ്റ് ആകുമ്പോള്‍

2007-12-03T15:57:00.000+05:30

എയ്ഡ്സ് ദിനത്തോടനുബന്ധിച്ച് ജോസഫ് മാഷുടെ ബ്ലോഗില്‍ നടക്കുന്ന ചര്‍ച്ചയിലേക്ക് അല്‍പ്പം തോന്നലുകള്‍ കൂടി . ഇഞ്ചിയും ദേവനും കാര്യമാത്ര പ്രസക്തമായി പ്പറഞ്ഞു. തലക്കെട്ട് സദാചാര പോലീസിന് സഹായകമാണ് എന്ന് കാര്യമായി ത്തോന്നുന്നു. ശ്രീവല്ലഭനും വടയോവ്സ്കിയും തമ്മില്‍ നടന്ന ചര്‍ച്ചയുടെ ഫ്രെയിമിലേക്ക് അല്പം കൂടി കൂട്ടിച്ചേര്‍ക്കുന്നു. ഒരുപാടുകാര്യങ്ങള്‍ ഒന്നിച്ചുതോന്നിയതിനാല്‍ അടുക്കും ചിട്ടയുമില്ലാതെത്തന്നെ പറയുകയാണ്.

HIV/AIDS NGO കള്‍ക്ക് അഥവാ PSH (participatory sexual health ) പ്രൊജക്റ്റ് സംഘങ്ങള്‍ വളരെയേറെ നല്ല പ്രവര്‍ത്തനങ്ങള്‍ നടത്തിയിട്ടുന്റെന്നതില്‍ സംശയമില്ല. പക്ഷേ വളരെ അരാഷ്ട്രീയമായ ഒരു രീതിയിലാണ് ഇവയെല്ലാം പ്രവര്‍ത്തിക്കുന്നത്. ഇന്ന് HIV ഏറ്റവും കൂടുതലുള്ളത് വീടുകള്‍ക്കുള്ളിലാണെന്നത് HIV രംഗത്ത് പ്രവര്‍ത്തിക്കുന്നവര്‍ തന്നെ സമ്മതിക്കുന്ന കാര്യമാണ്. പക്ഷേ ഇരുചെവിയുമറിയാതെ വീട്ടിനുള്ളില്‍ത്തന്നെ ഈ വിവരങ്ങള്‍ സൂക്ഷിക്കുകയാണല്ലോ നാട്ടുനടപ്പ്. ഡൊമസ്റ്റിക് വയലന്‍സിനെപ്പോലെ , ഡൊമസ്റ്റിക് ചൈല്‍ഡ് സെക്ഷ്വല്‍ അബ്യൂസുകളെപ്പോലെ ഇതും അങ്ങനെ സ്റ്റഡികളുടെ പിടിയിലമരാതെ പോകുന്നു. ആദ്യ രണ്ടും അറിഞ്ഞാലും HIV പുറത്തുവരികയേയില്ല. പിന്നെ കുടുംബത്തെത്തൊട്ടാല്‍ സദാചാര പോലീസ് ഇളകുകയും ചെയ്യും. വീട് വിഷമകരമായ് ഒരു ടാര്‍ഗറ്റ് ഗ്രൂപ്പായതിനാല്‍ എന്‍ജിഓകള്‍ക്കും താല്‍പ്പര്യം കാണാറില്ല.

ഗേ -ലെസ്ബിയന്‍ ഗ്രൂപ്പുകള്‍ക്കിടയിലെ HIV/AIDS കുറവാണെന്നും അവരാണ് ഈ വിഷയത്തില്‍ ഏറ്റവും വിവരം സ്വായത്തമാക്കിയിട്ടുള്ളതുമെന്നുള്ള നിരവധി സ്റ്റഡികള്‍ വന്നിട്ടുണ്ട്. (ലിങ്ക് വേണേല്‍ തെരഞ്ഞെടുത്ത് തരാം)

പിന്നെയുള്ളത് ആണ്‍ , പെണ്‍ ലൈംഗികത്തൊഴിലാളികളാണ്. ഇതില്‍ ആണ്‍ ലൈംഗികത്തൊഴിലാളികള്‍ MSM (മെയില്‍ ഹാവിങ്ങ് സെക്സ് വിത്ത് മെന്‍) എന്ന ചെല്ലപ്പേരില്‍ അറിയപ്പെടുന്നു.

ആദ്യകാല ഫണ്ടിങ്ങുകളും ടാര്‍ഗറ്റ് ഗ്രൂപ്പുകളുമെല്ലാം സ്ത്രീ ലൈംഗികത്തൊഴിലാളികളെ കേന്ദ്രീകരിച്ചായിരുന്നു. അതിന്റെ ബോധവല്‍ക്കരണത്തിന്റെ ഒരു പരമാവധി കാലഘട്ടം പിന്നിട്ടിരിക്കുന്നു. ഇനി തുടര്‍ബോധവല്‍ക്കരണമേ വേണ്ടൂ. പോരാത്തതിന് സ്ത്രീ ലൈംഗികത്തൊഴിലാളികള്‍ സംഘടിച്ചുതുടങ്ങുകയും അവകാശങ്ങളെ വ്യക്തമായി അവതരിപ്പികാന്‍ കഴിവുള്ള നളിനി ജമീലമാരുണ്ടാവുകയും ചെയ്തിരിക്കുന്നു. അപ്പോ ഇക്കണ്ട എന്‍ജിഓകളെങ്ങനെ അഷ്ടിക്ക് വക കണ്ടെത്തും. മെലിന്റ ഗേറ്റ്സെങ്ങനെ ദാനധര്‍മ്മം നടത്തും?

അപ്പോ പിന്നെ രക്ഷ ആണ്‍ലൈംഗികത്തൊഴിലാളികളെ ടാര്‍ഗറ്റ് ചെയ്യലാണ്. പുതിയ പ്രൊജക്റ്റുകള്‍ മുഴുവന്‍ ഈ ടാര്‍ഗറ്റ് ഗ്രൂപ്പിനുവേണ്ടിയാണ്. ലജ്ജാശീലരായതിനാല്‍ രാഷ്ട്രീയമായി സ്വന്തം ആവശ്യങ്ങളുന്നയിച്ച് അവര്‍ പെട്ടെന്നൊന്നും സംഘടിച്ചേക്കില്ല. (ബാംഗ്ലൂരിലെ കോത്തികള്‍ അപവാദം) പ്രൊജക്റ്റെഴുത്ത് മുന്നോട്ട് നീങ്ങുകയാണ്. ഫണ്ടിങ്ങിനെ സാധൂകരിക്കാന്‍ സ്റ്റഡികളും . ഡൊമസ്റ്റിക് HIV/AIDS ന്റെ സ്റ്റാറ്റിസ്റ്റിക്സ് അവരുടെ സ്റ്റഡിടോപ്പിക്കല്ലല്ലോ

അതിനുമപ്പുറമായി പുതിയഫണ്ടിങ്ങ് മേഖലകളും തുറക്കുകയായി. ഇന്നാള് ഡെല്‍ഹിയില്‍ ഒരു ഫണ്ടിങ്ങ് ഏജന്‍സി മീറ്റിങ്ങില്‍ ഒരു സുഹൃത്തിനെക്കാണാന്‍ കേറിച്ചെന്നപ്പോള്‍
അവിടെ വിഷയം ബാല ലൈംഗികപീഡനത്തിന്റെ തടയാനുള്ള മാസ്റ്റര്‍പ്ലാന്‍ തയ്യാറാക്കലാണ് . ഇന്ത്യയിലോട്ട് അടുത്തവര്‍ഷം വരുന്നത് 8 ബില്ല്യണ്‍ ഡോളര്‍.
പക്ഷേ വീടിനുള്ളിലെ പീഡനം തടയല്‍ പോസ്റ്റര്‍ പ്രചരണത്തിലൊതുങ്ങുന്നു. പ്രൊജക്റ്റിന്റെ മെയിന്‍ ടാര്‍ഗറ്റ് ഗ്രൂപ്പ് MSMs ഉം തെരുവുകുട്ടികളും തന്നെ. തലക്കെട്ട് കുട്ടികളുടെ ട്രാഫിക്കിങ്ങ് തടയല്‍. പ്രവര്‍ത്തനം PSH രീതിയില്‍ ത്തന്നെ. ഈ ചൈല്‍ഡ് സെക്ഷ്വല്‍ അബ്യൂസ് ,ആണ്‍ലൈംഗികത്തൊഴിലാളി ഏച്ചുകെട്ടല്‍ സ്വവര്‍ഗ്ഗ ലൈംഗികത പാപമാണെന്ന കൃസ്ത്യന്‍ /വിക്ടോറിയന്‍ സദാചാരക്കുട്ടയിലേക്ക് തന്നെയാണ് കൃത്യമായും വീഴുന്നത് .
ഇന്ത്യമുഴുവന്‍ നിരവധിപേര്‍ കുടിയൊഴിക്കപ്പെടുമ്പോള്‍ അതാണ് അവരുടെ ജീവിത സാഹചര്യത്തെ നശിപ്പിച്ച് ചൂഷണത്തിന്റെ വായിലേക്കിട്ടുകൊടുക്കുന്നത്. അത് കുട്ടികളെ ലൈംഗികമായി ചൂഷണം ചെയ്യലാകാം ബാലവേലയാകാം മറ്റ് പലതുമാകാം .
കുടിയൊഴിക്കലിനെ പരിഗണിക്കാതെ ട്രാഫിക്കിങ്ങ് എങ്ങനെത്തടയുമെന്ന് മാത്രം ചിന്തിക്കുന്ന ഒരു മാസ്റ്റര്‍പ്ലാനായിരുന്നു അവിടെ കണ്ടത്.

ഡാം പ്രൊജക്റ്റുകള്‍ കൊണ്ടുമാത്രം 1947 നു ശേഷം ഇന്ത്യയില്‍ 50 മില്ല്യണ്‍ പേര്‍ കുടിയൊഴിക്കപ്പെട്ടു എന്ന് അരുന്ധതി റോയ്, (The Greater Common Good). ചേരി നിര്‍മ്മാര്‍ജ്ജനങ്ങളും നന്ദിഗ്രാമും ഗുജറാത്തിലേതുപോലുള്ള വംശഹത്യകളും ഈ കൂട്ടത്തില്‍ എത്ര സംഭാവന ചെയ്തിട്ടുണ്ടോ എന്തോ? മനസ്സില്‍ തികട്ടിവന്ന ഈ ചോദ്യം ഒരു അബദ്ധത്തില്‍ ഞാനവിടെ ചോദിച്ചു. അവിടെപ്പറയാന്‍ പാടില്ലാത്ത എന്തോ ഞാന്‍ പറഞ്ഞുവെന്ന ഭാവമായിരുന്നു എന്റെ സുഹൃത്തിന്റേതടക്കം ഏവരുടേയും മുഖത്തും

സ്വതന്ത്രസോഫ്റ്റ്‌വെയര്‍: തെറ്റിദ്ധാരണകള്‍ തിരുത്തുമ്പോള്‍

2007-11-04T08:23:00.000+05:30

സിബുവിന്റെ ബ്രെയിന്‍ ഡമ്പ് സെഗ്മെന്റേഷന്‍ ഫാള്‍ട്ടായതുകൊണ്ട് ആ കോര്‍ഡമ്പിനെ ഒന്നു ഡീബഗ്ഗ് ചെയ്യുകയാണിവിടെ.

ഈ പോസ്റ്റിനെപ്പറ്റി മൊത്തത്തില്‍ പറയാനുള്ളത് ശേഷം ചിന്ത്യത്തിലെ റൂമര്‍മില്‍ പോസ്റ്റില്‍ അനിലിട്ട ഈ കമന്റ് തന്നെയാണ്.

വസ്തുതകള്‍ മനസിലാക്കി അവതരിപ്പിക്കുക, അല്ലെങ്കില്‍ ഇതുപോലെ ആരായുന്നതരം ലേഖനമാക്കുകയാവും അഭികാമ്യം. അറിയാന്‍പാടില്ലാത്ത കാര്യത്തെപ്പറ്റി ആധികാരികമായി സംസാരിക്കാന്‍ ‘ഭയങ്കര’ ധൈര്യം വേണം.

സിബു പറയുന്നു

ഇന്നത്തെ അവസ്ഥയില്‍ സ്വതന്ത്ര സോഫ്റ്റ്വെയറിനെ ഒരു ചാരിറ്റിയോടുപമിക്കാം. ധര്‍മ്മാശുപത്രി നല്ലതാണ്. ഞാന്‍ ധര്‍മാശുപത്രിയില്‍ പോകേണ്ടതിനും സ്വതന്ത്രസോഫ്റ്റ്വെയര്‍ ഉപയോഗിക്കേണ്ടതിനും തീര്‍ച്ചയായും പ്രത്യക്ഷത്തില്‍ തന്നെ കാര്യമുണ്ട്. എന്നാല്‍ നാട്ടിലെ എല്ലാ ആശുപത്രിയും ധര്‍മ്മാശുപത്രിയാവുമോ. ഇല്ലല്ലോ അതുപോലെ.

സ്വതന്ത്ര സോഫ്റ്റ്‌വെയര്‍ ഒരു ചാരിറ്റിയല്ല എന്നു തന്നെയാണ് ഉത്തരം. സ്വതന്ത്ര സോഫ്റ്റ്‌വെയര്‍ നിര്‍മ്മാണ രംഗത്തേക്ക് കടന്നുവരാന്‍ പലര്‍ക്കും പല താല്‍പ്പര്യങ്ങള്‍ കണ്ടേക്കാം. പക്ഷേ അതെന്തായാലും സ്വതന്ത്ര സോഫ്റ്റ്‌വെയര്‍ ചാരിറ്റിയാണെന്ന ലഘുനിര്‍വചനത്തിലൊതുക്കാനൊക്കില്ല. റിച്ചാര്‍ഡ് സ്റ്റാള്‍മാന്റെ "സ്വതന്ത്ര സോഫ്റ്റ്‌വെയര്‍, സ്വതന്ത്ര സമൂഹം" എന്ന പുസ്തകത്തിനെഴുതിയ ആമുഖത്തില്‍ ലാരി ലെസ്സിഗ് (ക്രിയേറ്റീവ് കോമണ്‍സ് പ്രസ്ഥാനത്തിന്റെ സ്ഥാപകന്‍)-അങ്ങേരൊരു വക്കീലാണ് . സ്റ്റാന്‍ഫോര്‍ഡ് ലോ സ്കൂളില്‍ പ്രൊഫസറും- ഇങ്ങനെ പറയുന്നു.

സ്വതന്ത്രമായ കോഡിന്റെ സമ്പദ്‌വ്യവസ്ഥ (ഇവിടെ ഞാന്‍ ഉദ്ദേശിക്കുന്നത് ലീഗല്‍ കോഡിനെയാണ് ) വക്കീലന്മാരെ ഒരിക്കലും പട്ടിണിയിലാക്കുന്നില്ല . തങ്ങള്‍ നിര്‍മ്മിക്കുന്ന ചുരുക്കങ്ങള്‍ ആരു പകര്‍ത്തിയെടുത്താലും അവ നിര്‍മ്മിക്കുന്നതിനുള്ള പണം അവര്‍ക്കു കിട്ടുന്നുണ്ട്. ഒരു വക്കീല്‍ ഒരു പബ്ലിക് പ്രൊഡക്റ്റ് നിര്‍മ്മിക്കുന്ന ശില്പിയെപ്പോലെയാണ്. നിര്‍മ്മിതി ഒരു ചാരിറ്റിയേയല്ല എന്നാലും വക്കീലിനു പണം കിട്ടുന്നു. ജനങ്ങള്‍ വിലയ്ക്കല്ലാതെ അത് ആവശ്യപ്പെടുകയുമില്ല. ഈ സമ്പദ്‌വ്യവസ്ഥ വളരുന്നത് അറിവിന്റെ ഈ ശേഖരത്തോടു കൂടെയാണ്

സ്വതന്ത്ര സോഫ്റ്റ്‌വെയറും ഇതുപോലെത്തന്നെയാണ് നിര്‍മ്മിക്കപ്പെടുന്നത്. അധ്യാപകരുടെ ജോലി ചാരിറ്റിയാണെന്ന് ആര്‍ക്കെങ്കിലും തോന്നിയിട്ടുണ്ടോ?

ഇനി ഇത് പോരാന്നുണ്ടെങ്കില്‍ റെഡ്ഹാറ്റിന്റെ why Opensource എന്ന ഈ നോട്ട് വായിച്ചുനോക്കൂ

Open source is not nameless, faceless, and it's not charity. Nor is it solely a community effort. What you see today is a technology revolution driven ever forward by market demand.

സ്വതന്ത്രസോഫ്റ്റ്‌വെയര്‍ ചാരിറ്റിയാണെന്ന് പറഞ്ഞിടത്ത് മാത്രമല്ല സിബുവിന് തെറ്റിയത്. കേരളത്തിലെ ധര്‍മ്മാശുപത്രികളും ചാരിറ്റിയാണെന്നു കരുതിയിടത്തുകൂടിയാണ്. ക്ഷേമരാഷ്ട്ര(Welfare State) സങ്കല്‍പ്പങ്ങളുടെ ഭാഗമായി പൊതുജനാരോഗ്യം , വിദ്യാഭ്യാസം തുടങ്ങിയവ ഭരണകൂടത്തിന്റെ ചുമതലകളായിരുന്ന കാലത്താണ് അവ തുടങ്ങുന്നത്. സൌജന്യമായ മരുന്നുവിതരണവും സേവനങ്ങളും ധര്‍മ്മാശുപത്രി എന്ന പേരു നല്‍കിയെന്നു മാത്രം. മനുഷ്യാവകാശങ്ങള്‍ ചാരിറ്റിയല്ല. ഭരണകൂടത്തിന്റെ ഉത്തരവാദിത്വമാണ്.

മറ്റൊരു തരത്തില്‍ നോക്കിയാല്‍ സിബുവിന്റെ താരതമ്യം എനിക്കിഷ്ടായി. ധര്‍മ്മാശുപത്രി സാമൂഹികാരോഗ്യത്തെ കുറിക്കുന്നു. സ്വതന്ത്ര സോഫ്റ്റ്‌വെയറുകളും.

സിബു തുടരുന്നു.

സ്വതന്ത്രസോഫ്റ്റ്വെയര്‍ അത്യന്തം പ്രോത്സാഹിപ്പിക്കപ്പെടേണ്ടതു് തന്നെ; എന്നാല്‍ സോഫ്റ്റ്വെയര്‍ ലോകം മുഴുവന്‍ സ്വതന്ത്രസോഫ്റ്റ്വെയറിലാവുമോ... ഇല്ല. അതിലെ വലിയൊരു പങ്കുപോലുമാവില്ല. ഇന്ന്‌ സോഫ്റ്റ്വെയറില്‍ പ്രര്‍ത്തിക്കുന്നവര്‍ അവരുടെ പ്രവര്‍ത്തനത്തിന്റെ എത്ര ശതമാനം സ്വതന്ത്രസോഫ്റ്റ്വെയറിനുവേണ്ടി ചിലവാക്കുന്നുണ്ട്? അത്രതന്നെയേ സോഫ്റ്റ്വെയറിന്റെ ലോകത്തിലെ ക്രയവിക്രയത്തില്‍ നാളെ സ്വതന്ത്രസോഫ്റ്റ്വെയറിനുണ്ടാവൂ. ഇന്നത്തെ പ്രവര്‍ത്തനമാണല്ലോ നാളത്തെ പ്രോഡക്റ്റ്.

ഈ വാദം വിട്ടുകളയുന്ന നിരവധി കാര്യങ്ങളുണ്ട് അവയില്‍ ചിലത് താഴെക്കുറിക്കുന്നു.
1. സ്വതന്ത്ര സോഫ്റ്റ്‌വെയറുകള്‍ ഇന്‍ഡസ്ട്രിയില്‍ മുന്നേറിയത് അവയുടെ ടെക്നിക്കല്‍ എക്സലന്‍സ് കൊണ്ട് തന്നെയാണ്. ആരും പിന്നീന്നുന്തിത്തന്നിട്ടല്ല. കമ്യൂണിറ്റിയില്‍ മുന്നേറിയത് അതിന്റെ സ്വാതന്ത്ര്യം കൊണ്ടും.
2. ഇന്ന് കുത്തകസോഫ്റ്റ്‌വെയറില്‍ പണിയെടുക്കുന്നതിന്റെ എത്ര ഇരട്ടിവരും ലോകമെമ്പാടും ചിതറിക്കിടക്കുന്ന സ്വതന്ത്ര സോഫ്റ്റ്‌വെയര്‍ ഡെവലപ്പര്‍മാര്‍. അവര്‍ക്ക് വമ്പന്‍ ഐടി പാര്‍ക്കുകളോ , പ്രത്യേക സാമ്പത്തികമേഖലകളോ ഒന്നും കുത്തക സോഫ്റ്റ്‌വെയര്‍ ഡെവലപ്പേഴ്സിനെപ്പോലെ നിര്‍ബന്ധിത സൌകര്യങ്ങളല്ല. ലിനക്സ് കേണല്‍ ഡെവലപ്പേഴ്സിലൊരാളായ അലന്‍ കോക്സ് പറഞ്ഞപോലെ ഒരു ഇമെയില്‍ വിലാസവും ഒരു കമ്പ്യൂട്ടറും മാത്രം മതി സ്വതന്ത്ര സോഫ്റ്റ്‌വെയര്‍ വികസനത്തില്‍ പങ്കുചേരാന്‍.
3. അറിവ് കുത്തകവല്‍ക്കരിക്കപ്പെട്ടു പോകാത്തതിനാല്‍ ഒരുപാട് കോഡുകളുടെ പുനരുപയോഗം സ്വതന്ത്ര സോഫ്റ്റ്‌വെയറില്‍ സാധ്യമാകുന്നുണ്ട്.
4. ഇന്നത്തെ പ്രവര്‍ത്തനം മാത്രമല്ല നാളത്തെ പ്രൊഡക്റ്റ്. അത് നാളെവരെ പലരും കോണ്ട്രിബ്യൂട്ട് ചെയ്യുന്നതിന്റെ ആകെത്തുകയാണ്.

കുത്തകസോഫ്റ്റ്‌വെയറുകള്‍ ഒരു സാമൂഹ്യ തിന്മയാണെന്ന റിച്ചാര്‍ഡ് സ്റ്റാള്‍മാന്റെ വാദം മറക്കാതിരിക്കുക.

സിബു തുടരുന്നു.

ഇനി ഡെസ്ക്‍ടോപ് അപ്ലിക്കേഷനുകള്‍ പലതും സ്വതന്ത്രസോഫ്റ്റ്വെയാല്‍ കുത്തകകള്‍ മുഴുവന്‍ അവരുടെ കമ്പനിപൂട്ടി വേറേ പണിക്ക് പോകുമോ? ഇല്ല. മറിച്ച്‌ ഫ്രീആയതിനുമുകളില്‍ ഫ്രീ അല്ലാത്തതെന്തുചെയ്യാം എന്നാലോചിക്കും. അതുണ്ടാക്കും, മാര്‍ക്കറ്റ് പിടിക്കും ... പഴയ പരിപാടി. ഈ ചക്രം ഇങ്ങനെ അനുസ്യൂതം തുടരും.

പക്ഷേ സിബുപറയുന്ന ഈ മാര്‍ക്കറ്റ് ക്ഷയിച്ചുകൊണ്ടിരിക്കുകയാണെന്ന് മറക്കരുത്. ഒരു സ്വതന്ത്ര റീപ്ലേസ്‌മെന്റ് വരുന്നതുവരെ നീട്ടിക്കിട്ടുന്ന ആയുസ്സാണിത്. മൈക്രോസോഫ്റ്റിന്റെ ഓപ്പണ്‍സോഴ്സ് സംരംഭം ഇതിന്റെ തുടക്കമായിക്കാണാം. സ്വതന്ത്ര സോഫ്റ്റ്‌വെയര്‍ അതിനെ എതിര്‍ക്കുന്നവരെപ്പോലും സ്വതന്ത്ര സോഫ്റ്റ്‌വെയറാക്കി വിപണിയുടെ നിയമങ്ങളെത്തന്നെ മാറ്റിമറിച്ചാണ് മുന്നോട്ടുപോകുന്നത്.

സിബു തുടരുന്നു.

അടിസ്ഥാനപരമായി സ്വതന്ത്രസോഫ്റ്റ്വെയറിന്റെപ്രശ്നം സോഫ്റ്റ്വെയര്‍ ഉല്പന്നങ്ങളുടേയും സര്‍വീസുകളുടേയും വിപണനത്തിന് ധനം ഉപയോഗിച്ചുള്ള ഒരു മാര്‍ഗ്ഗം അത്‌ മുന്നോട്ട് വയ്ക്കുന്നില്ല എന്നതാണ്. ചെയ്യുന്ന ഉപകാരത്തിന് പണം കിട്ടണം എന്നത് അന്നന്നത്തെ അപ്പം കണ്ടത്തേണ്ട ഏതൊരുവന്റേയും ആവശ്യമാണ്. ഞാന്‍ വരമൊഴി എഴുതി അതിന്റെ സോര്‍സ് എല്ലാവര്‍ക്കും ഡൌണ്‍ലോഡ് ചെയ്യാന്‍ പാകത്തിലിട്ടാല്‍ ആരാണ് എനിക്ക്‌ പൈസ തരിക? ഞാന്‍ വരമൊഴി ഉപഭോക്താവിന് ചെയ്തുകൊടുത്ത നന്മയെ അളക്കുന്നതും ഞങ്ങള്‍ തമ്മില്‍ ആ അളവിന്റെ കാര്യത്തില്‍ ചേര്‍ച്ചയിലെത്തുന്നതും നടക്കുന്നതെവിടെ വച്ച്‌? (ഇതാണ് പണവിനിമയത്തില്‍ കലാശിക്കുന്നത്). അതായത്‌ സോഫ്റ്റ്വെയറെഴുതിവിറ്റ് പൈസയുണ്ടാക്കാന്‍ സ്വതന്ത്രസോഫ്റ്റ്വെയര്‍ അനുയോജ്യമല്ല.

മുകളിലെഴുതിയിരിക്കുന്നത് മുഴുവന്‍ പൊട്ടത്തെറ്റാണ്. പ്രവീണിന്റെ പോസ്റ്റ് വായിച്ചതുകൊണ്ട് കൂടുതലെഴുതുന്നില്ല. പൂര്‍ണ്ണമായും സ്വതന്ത്രസോഫ്റ്റ്‌വെയറുകളാണ് എന്റെ ജീവിതച്ചെലവ് കണ്ടെത്താന്‍ സഹായിക്കുന്നത് എന്നുകൂടി പറയട്ടെ.

സിബു തുടരുന്നു.

സ്വതന്ത്ര സോഫ്റ്റ്വെയര്‍ മുന്നോട്ട് വയ്ക്കുന്ന ഒരു പ്രശ്നം സോഫ്റ്റ്വെയര്‍ പേറ്റന്റുകളുടേതുമാണ്. പേറ്റന്റുകളുടെ കാലാവധി 17 വര്‍ഷം എന്നത്‌ വളരെ കൂടുതലാണ്. ഓരോ പ്രോഡക്റ്റിന്റേയും ലൈഫ്‌സൈക്കിളിനനുപാതികമാ‍യിരിക്കണം പേറ്റന്റ് കാലാവധി. മെഡിക്കല്‍ രംഗത്ത്‌ അത്രയും വര്‍ഷങ്ങള്‍ ടെസ്റ്റിംഗ് കഴിഞ്ഞ് പ്രോഡക്റ്റിറങ്ങാന്‍ വേണ്ടിവന്നേക്കും. എന്നാല്‍ സോഫ്റ്റ്വെയറിന്റെ കാര്യത്തില്‍ അത്രയും വര്‍ഷങ്ങള്‍ ആവശ്യമില്ല. 5-6 മതിയാവും എന്നാണ് എന്റെ തോന്നല്‍.

പേറ്റന്റ് എന്നത്‌ ഒരു സോഷ്യലിസ്റ്റ് സംഗതികൂടിയാണെന്ന് ഓര്‍ക്കണം. പേറ്റന്റ് എന്നൊരു സംഗതിയില്ലെങ്കില്‍, ആരും അവരുടെ സൂത്രങ്ങള്‍ വെളിപ്പെടുത്തില്ല. അതിനുപകരം സമൂഹം പറയുന്നു, നീ കണ്ടുപിടിച്ച കാര്യം എല്ലാവര്‍ക്കും പറഞ്ഞുകൊടുക്കൂ. പ്രത്യുപകാരമായി, ഒരു നിശ്ചിത കാലത്തേയ്ക്ക് ആ കണ്ടുപിടുത്തം ഉപയോഗിക്കാനുള്ള അവകാശം നിനക്ക്‌.

ദാ പിന്നീം അസ്സല് പൊട്ടത്തരം വിളിച്ചു പറഞ്ഞിരിക്കുണു. ഒന്നാമത്തെക്കാര്യം സോഫ്റ്റ്‌വെയര്‍ പൂര്‍ണമായും കോപ്പിറൈറ്റ് നിയമത്തിന്‍ കീഴിലാണ്. ഓരോ പ്രോഗ്രാമിന്റേയും കോപ്പിറൈറ്റ് അതെഴുതിയ ആള്‍ക്കാണ്. അതുകൊണ്ടുതന്നെ ലൈസന്‍സ് അനുസരിച്ചില്ലെങ്കില്‍ അവര്‍ക്ക് അത് തടയാനുള്ള എല്ലാ അധികാരവുമുണ്ട്.

പേറ്റന്റുകളുടെ കഥ വ്യത്യസ്തമാണ്. സോഫ്റ്റ്‌വെയര്‍ പേറ്റന്റുകള്‍ പ്രോഗ്രാമിനോ കോഡിനോ അല്ല. അവ ആശയങ്ങള്‍ക്കാണ്. (methods, techniques, features, algorithms, etc.). ഒരു വലിയ പ്രോഗ്രാമെന്നാല്‍ ആയിരക്കണക്കിന് ആശയങ്ങളുടെ ഒരു കൂട്ടമാണ്. അതില്‍ കുറേ ആശയങ്ങള്‍ പുതിയതായിരിക്കാം. അതല്ലെങ്കില്‍ പഴയ വല്ല സോഫ്റ്റ്‌വെയറിലും ഡെവലപ്പര്‍ കണ്ടതായിരിക്കാം പല ആശയങ്ങളും. ഈ ഓരോ ആശയങ്ങളും പേറ്റന്റ് ചെയ്യപെടുകയാണെങ്കില്‍ ഓരോ വലിയ പ്രോഗ്രാമുകളും നൂറുകണക്കിനു പേറ്റന്റുകളുടെ ലംഘനമായി മാറും. ഒരു പ്രോഗ്രാമെഴുതുക എന്നാല്‍ നൂറു വമ്പന്‍ കേസുകള്‍ ഓപ്പണ്‍ ചെയ്യുക എന്നായിരിക്കും അര്‍ത്ഥം. സോഫ്റ്റ്‌വെയര്‍ ഡെവലപ്പര്‍മാര്‍ക്കും ചിലപ്പോള്‍ ആ സോഫ്റ്റ്‌വെയറുകളുപയോഗിച്ച് സ്യൂ ചെയ്യപ്പെട്ടേയ്ക്കാവുന്ന ഉപഭോക്താക്കള്‍ക്കും വലിയൊരു തലവേദനയാണ് സോഫ്റ്റ്‌വെയര്‍ ആശയങ്ങള്‍ക്കുമുകലിലുള്ള പേറ്റന്റുകള്‍.

ആയിരക്കണക്കിനു പേറ്റന്റുകള്‍ സ്വന്തമായുള്ള കമ്പനികള്‍ അവ പരസ്പരം ക്രോസ് ലൈസന്‍സ് ചെയ്യുന്നത് അവര്‍ക്ക് ചെറിയ സോഫ്റ്റ്‌വെയര്‍ ഉല്‍പ്പാദകര്‍ക്കു മുകളില്‍ ആരോഗ്യകരമല്ലാത്ത ഒരു മേല്‍ക്കൈ നല്‍കാറുണ്ട്. അതുകൊണ്ടാണ് അവ കൂട്ടത്തോടെ സോഫ്റ്റ്‌വെയര്‍ പേറ്റന്റുകള്‍ക്കായി വാദിക്കുന്നത്.

ഇന്ത്യയില്‍ സോഫ്റ്റ്‌വെയര്‍ ആശയങ്ങള്‍ പേറ്റന്റബിള്‍ അല്ല എന്നു കൂടി പറയട്ടെ. ഇപ്പോ അമേരിക്കയില്‍ മാത്രമാണ് ആ പ്രശ്നമുള്ളത്. ഇന്ത്യയിലെ പേറ്റന്റ് നിയമം 2004ല്‍ സോഫ്റ്റ്‌വെയര്‍ ആശയങ്ങള്‍ പേറ്റന്റബിള്‍ ആക്കാന്‍ ശ്രമിച്ചപ്പോള്‍ ഞങ്ങളുടെയെല്ലാം വലിയ കാമ്പൈന്റെ ഭാഗമായാണ് അത് വേണ്ടെന്നു വെക്കാനായത്.

പിന്നെ പേറ്റന്റുകള്‍ വരുന്നത് മോഡേണിസത്തിന്റെ ഉപോല്‍പ്പന്നമായിട്ടാണ്. അതിന് സോഷ്യലിസവുമായി വലിയ ബന്ധമൊന്നുമില്ല. റൊമാന്റിക് ഇന്നോവേഷന്‍ , ഒറിജിനാലിറ്റി, ഇന്‍സന്റീവ് എന്നീ മൂന്നു കാര്യങ്ങളാണ് പേറ്റന്റ് നിയമത്തിന്റെ മൂന്നു തൂണുകള്‍. അതിനെപ്പറ്റി കൂടുതല്‍ പിന്നെയെഴുതാം.

(ഞാനീ ബ്ലോഗ് തുടങ്ങിയത് സിബുവിനെ കുറ്റം പറയാനാണോ എന്ന് ആരോ ഇതിനിടെ ചോദിച്ചിരുന്നു. പക്ഷേ സ്വതന്ത്ര സോഫ്റ്റുവെയറുമായി ബന്ധപ്പെട്ട വിഷയങ്ങള്‍ വരുമ്പോളേ എഴുതിയാലേ തീരൂ എന്നു തോന്നുന്നുന്നുള്ളൂ. അവ കൂടുതലും ഇട്ടുതരുന്നത് സിബുവാണുതാനും. അത്രേള്ളൂ ഈ ബ്ലോഗിന് സിബുവുമായുള്ള ബന്ധം.)

സ്ത്രീധനം :കേരള സമ്പദ്വ്യവസ്ഥയുടെ നട്ടെല്ല്

2007-10-05T01:20:00.000+05:30

കൊച്ചുത്രേസ്യയുടെ പോസ്റ്റില്‍ തുടങ്ങി സ്ത്രീധനം ഒരു ബൂലോകപ്രശ്നമായ നിലക്ക് മറ്റൊരു വാദം മുന്നോട്ടുവെക്കട്ടെ.

ഇത് പണ്ട് കുസാറ്റില്‍ പഠിക്കുന്ന കാലത്ത് ഒരു ഡിബേറ്റില്‍ (യൂത്ത്ഫെസ്റ്റിവല്‍ ഐറ്റം) എടുത്തുപ്രയോഗിച്ചതാണെന്ന ക്ഷമാപണത്തൊടെ. എനിക്കു സ്ത്രീധനത്തെ എതിര്‍ക്കേണ്ട റോളായിരുന്നു. അപ്പോ ഇന്‍സ്റ്റന്റായി ഉണ്ടാക്കിയ ഒരു ബ്രൂകാപ്പിത്തിയറിയാണിത്. സമ്മാനം ഫസ്റ്റടിച്ചു.

വാദം ഇതാണ്. സാമ്പത്തിക ക്രയവിക്രയങ്ങളാണ് ഒരു സമ്പദ്വ്യയസ്ഥയെ നിര്‍ണ്ണയിക്കുന്നത് . കേരളത്തിലെ സാമ്പത്തിക ക്രയവിക്രയങ്ങളെ നിര്‍ണ്ണയിക്കുന്നതിലെ ചാലകശക്തി സ്ത്രീധനമാണ്. അതുകൊണ്ട് തന്നെ സ്ത്രീധനം കേരള സമ്പദ്വ്യവസ്ഥയുടെ നട്ടെല്ലാണ്.

ഇപ്പൊ ദേ ഇത്രയുമേ പറയുന്നുള്ളൂ. ബാക്കി ഞാന്‍ നാളെ രാത്രിയോ ഞായറാഴ്ചയോ എഴുതിമുഴുമിക്കാം . അതിനുമുന്‍പേ ചിലപ്പോള്‍ കമന്റുകളായി അതു പൊങ്ങിവന്നാല്‍ അത്രേം പറയാതെ കഴിഞ്ഞല്ലോ

ആദ്യത്തെ മലയാളം യൂണിക്കോഡ് ഫോണ്ട് സ്വതന്ത്രസോഫ്റ്റ്വെയര്‍ (തൂലികയല്ല.)

2007-09-27T13:42:00.000+05:30

മലയാളത്തിലെ ആദ്യത്തെ യൂണിക്കോഡ് ഫോണ്ട് തൂലികയാണെന്ന റാല്‍മിനോവിന്റെ പോസ്റ്റിനുള്ള മറുപടി

റാല്‍മിനോവേ, ഒരു വിയോജിപ്പു രേഖപ്പെടുത്തട്ടെ. ആദ്യത്തേതേത് എന്നത് എപ്പോഴും ചര്‍ച്ചയാണല്ലോ. സിബുവിന്റെ ബ്ലോഗില്‍ നടന്ന ചര്‍ച്ചകളില്‍ കോപ്പിറൈറ്റും ജിപിഎല്ലും എന്ന ഫ്രെയിമില്‍ രചന , അഞ്ജലി എന്നിവയില്‍ ആദ്യമിറങ്ങിയതേത് എന്നതായിരുന്നു പ്രധാന ചര്‍ച്ച എന്നതിനാല്‍ പലതും പിന്നെ പറയാമെന്നു കരുതി വിട്ടു.

സ്വതന്ത്ര സോഫ്റ്റ്വെയര്‍ ലോകം പത്രപ്രസ്താവനകളിലും മറ്റും അധികം ശ്രദ്ധിച്ചിട്ടില്ലാത്തതിനാല്‍ മലയാളം കമ്പ്യൂട്ടിങ്ങില്‍ സ്വതന്ത്ര സോഫ്റ്റ്വെറുകളുടെ പങ്ക് ( അത് കുത്തക സോഫ്റ്റ്വെയറുകളേക്കാള്‍ വളരെക്കൂടുതലാണ്.) വിന്‍ഡോസ് ഉപയോക്താക്കളുടെ ലോകം വേണ്ടത്ര എണ്ണപ്പെട്ടിട്ടില്ല. മലയാളം കമ്പ്യൂട്ടിങ്ങിന്റെ സ്വതന്ത്ര സോഫ്റ്റ്വെയര്‍ ചരിത്രമൊന്ന് എഴുതണമെന്നുണ്ട്. സമയം അനുവദിക്കുമെങ്കില്‍ ഞാന്‍ അതിനായി മറ്റൊരു ബ്ലോഗ് അതിനായി തുടങ്ങാമെന്നു കരുതുന്നു.

ആദ്യത്തെ മലയാളം യൂണിക്കോഡ് ഫോണ്ട് തൂലികയാണെന്ന വാദത്തോട് ഞാന്‍ വിയോജിക്കുന്നു. തൂലികയുടെ വെബ്സൈറ്റില്‍ പറയുന്നത് 2002 ആഗസ്റ്റില്‍ ആണ് യൂണിക്കോഡ് ഫോണ്ട് പുറത്തിറക്കിയതെന്നാണ്. കലാകൗമുദിയില്‍ വന്ന ഈ വാര്‍ത്തയെ അടിസ്ഥാനമാക്കുകയാണെങ്കില്‍ അതിറങ്ങുന്നത് 2002 ജൂണിലാണ്. പക്ഷേ അതിനുമുമ്പേ സ്വതന്ത്ര സോഫ്റ്റ്വെയറില്‍ ഒരു മലയാളം യൂണിക്കോഡ് ഫോണ്ട് ഉണ്ടായിക്കഴിഞ്ഞിരുന്നു. 2002 മാര്‍ച്ചില്‍ തന്നെ

കഥ ഇങ്ങനെ.
സ്വതന്ത്ര മലയാളം കമ്പ്യൂട്ടിങ്ങ് പ്രോജക്റ്റിന്റെ ആദ്യകാലത്ത് യൂണിക്കോഡ് ഫോണ്ടിനായുള്ള അന്വേഷണം നടക്കുകയാണ്. ആയിടയ്ക്കാണ് ടെക്കില്‍ (TeX) മലയാളം പിന്തുണ കൂട്ടിച്ചേര്‍ക്കുന്നത്.(ടൈപ്പ് സെറ്റിങ്ങിനുപയോഗിക്കുന്ന വളരെ ശക്തവും ലളിതവുമായ ഒരു അപ്ലിക്കേഷനാണ് ടെക് , ബ്ലോഗില്‍ ഇതിനെപ്പറ്റി പലപ്പോഴും ഉമേഷ് പറഞ്ഞിട്ടുണ്ടെന്നു തോന്നുന്നു.) (യൂണിക്കോഡല്ല). ജെറോണ്‍ ഹെല്ലിങ്ങ്മാന്‍ എന്ന പുള്ളിയാണ് ഇതുപിന്നില്‍ പ്രവര്‍ത്തിച്ചത്. കക്ഷി ടെക്കിനുവേണ്ടി ചെയ്ത മലയാളം.ttf എന്ന മെറ്റാഫോണ്ട് ട്രൂടൈപ്പ് ആക്കി മാറ്റി അതില്‍ ഓപ്പണ്‍ടൈപ്പ് ടേബിളുകള്‍ ചേര്‍ത്തത് എന്‍.വി.ഷാജിയാണ്. അന്നു പിഎഫ്എ എഡിറ്റ് എന്നപേരിലറിയപ്പെട്ടിരുന്ന ഫോണ്ട്ഫോര്‍ജിന്റെ മുന്‍ഗാമിയെയാണ് ഇതുനിര്‍മ്മിക്കാനായി ഉപയോഗിച്ചത്. 2002 മാര്‍ച്ചില്‍ ഇത് പുറത്തിറങ്ങി. ഉപയോഗിച്ചും തുടങ്ങി. കൂടുതല്‍ ചര്‍ച്ചകള്‍ മലയാളം ലിനക്സ് എന്ന യാഹൂഗ്രൂപ്പില്‍ കാണാം. അക്കാലത്ത് പിഎഫ്എ എഡിറ്റില്‍ പരിമിതമായ സൌകര്യങ്ങള്‍ മാത്രമേ ഉണ്ടായിരുന്നുള്ളൂ. അതിനാല്‍ അഖണ്ട് രീതിയിലാണ് ഈ ഫോണ്ട് നിര്‍മ്മിച്ചിരുന്നത്. പിന്നീട് ബൈജു.എം. ഈ ഫോണ്ടിനെ പരിഷ്കരിച്ച് GSUB ടേബിളുകള്‍ കൂട്ടിച്ചേര്‍ത്ത് MalOtf എന്ന മറ്റൊരു ഫോണ്ട് ഉണ്ടാക്കി. ഇവ രണ്ടും ഡൌണ്‍ലോഡ് ചെയ്യാന്‍ ഇവിടെ ലഭ്യമാണ്. അടുത്ത കാലം വരെ എല്ലാ ഗ്നു/ലിനക്സ് വിതരണങ്ങളിലും മലയാളം.ttf ഉള്‍ക്കോള്ളിച്ചിരുന്നു. 2-3 മാസങ്ങള്‍ക്കുമുമ്പാണ് ഡെബിയനില്‍ നിന്നും ഉബണ്ടുവില്‍ നിന്നും ഈ ഫോണ്ട് നീക്കം ചെയ്യാന്‍ തീരുമാനിച്ചത്.

സിബുവൊക്കെ ആ സമയത്ത്. മലയാളം ലിനക്സ് ഗ്രൂപ്പിലുണ്ടായിരുന്നയാളാണ്. ഈ കത്ത് ഈ ഫോണ്ട് നിര്‍മ്മാണ ചര്‍ച്ചക്കിടയില്‍ അദ്ദേഹം അയച്ചതാണ്. എന്നിട്ടുമെന്താണാവോ ഇതു മറന്നു പോയത്.

മലയാളം കമ്പ്യൂട്ടിങ്ങിന്റെ സ്വതന്ത്ര സോഫ്റ്റ്വെയര്‍ ചരിത്രത്തെപ്പറ്റിയുള്ള ഒരു ബ്ലോഗ് പ്രതീക്ഷിക്കുക.

ഫോണ്ട് എംബഡിങ്ങ് ഒരു പരിഹാരമാണോ?

2007-09-22T14:40:00.000+05:30

അടുത്തകാലത്ത് സിബുവിന്റെ ബ്ലോഗിലും റാല്‍മിനോവിന്റെ ബ്ലോഗിലുമായി ഫോണ്ട് എംബഡിങ്ങിനെക്കുറിച്ചുള്ള ചര്‍ച്ചകള്‍ വളരെ കൂടുതലായി കണ്ടുവരുന്ന സാഹചര്യത്തില്‍ അവയൊന്നു വിശദീകരിക്കേണ്ടത് അത്യാവശ്യമാണെന്നു തോന്നുന്നു.

എന്താണ് ഫോണ്ട് എംബഡിങ്ങ് ?

ഒരു വെബ്സൈറ്റ് ലോഡ് ചെയ്യുന്നതോടൊപ്പം അതുകാണിക്കുന്നതിനായുള്ള അക്ഷരരൂപവും സ്വയം ലോഡ് ചെയ്യുന്നതിനുള്ള പരിപാടിയാണ് ഫോണ്ട് എംബഡിങ്ങ്. ഫോണ്ട് പ്രത്യേകം ഇന്‍സ്റ്റാള്‍ ചെയ്യാതെ കാണിക്കാന്‍ ഇത് ഉപയോഗിച്ചിരുന്നു. ആസ്കി ഫോണ്ടുകളുടെ കാലത്ത് അതായത് (ഓരോ പത്രത്തിനും സ്വന്തം ആസ്കി രൂപങ്ങളുണ്ടായിരുന്ന അന്തക്കാലത്ത് )ആണ് ഈ ടെക്നോളജി വന്നത്. നെറ്റ്സ്കേപ്പ് ആയിരുന്നു ഡൈനാമിക് ഫോണ്ട് എന്ന ആശയം ആദ്യമായി അവതരിപ്പിച്ചത്. പിന്നെ ബിസ്ട്രീം എന്ന അക്ഷരരൂപനിര്‍മ്മാണ കമ്പനിയുടെ ബിസ്ട്രീം ഫോണ്ട് പ്ലേയര്‍ എന്ന പ്രയോഗം വന്നു. ഒരു പ്ലഗ്ഗിന്‍ രീതിയായിരുന്നു ഇതിന് .ട്രൂഡോക് എന്ന ഡെവലപ്മെന്റ് കിറ്റാണ് ഇതിനായി ഉപയോഗിച്ചിരുന്നത്. 1997ല്‍ മൈക്രോസോഫ്റ്റ് ബിസ്ട്രീമിനെ പിന്തുണക്കുന്നത് അവസാനിപ്പിക്കുകയും ഇതേ ആവശ്യത്തിനായുള്ള വെഫ്റ്റ് എന്ന (Web Embedding Font Tool (WEFT)) മൈക്രോസോഫ്റ്റ് പ്രയോഗം ഐ.ഇ 4.0 ക്കു വേണ്ടി ഇറക്കുകയും ചെയ്തു. ഇത് ഇന്റര്‍നെറ്റ് എക്സ്പ്ലോററിനു മാത്രം വേണ്ടിയുള്ളതായിരുന്നു. ഓപ്പണ്‍ടൈപ്പായപ്പോള്‍ പേജ് ഏതുയൂണിക്കോഡ് ഫോണ്ടിലായാലും നമുക്കിഷ്ടം പോലെ രചനയിലോ അഞ്ജലിയിലോ കാര്‍ത്തികയിലോ ഒക്കെ കാണാമെന്ന നില വന്നു. പക്ഷേ പ്രസാധകന്‍ നാട്ടരെല്ലാം എന്റെ സൈറ്റ് രചനയില്‍ മാത്രം അല്ലെങ്കില്‍ തൂലികയില്‍ മാത്രം കണ്ടാല്‍മതിയെന്നു തീരുമാനിച്ചാല്‍ എന്തുചെയ്യും അപ്പോഴാണ് ഓപ്പണ്‍ടൈപ്പ് ഫോണ്ട് എംബഡിങ്ങ് എന്ന പരിപാടി വരുന്നത്. ടൂള്‍ വെഫ്റ്റ് തന്നെ. ഈ പറഞ്ഞതെല്ലാം നോണ്‍ഫ്രീ ആണെന്നു പ്രത്യേകം പറയേണ്ടതില്ലല്ലോ.

ഫോണ്ട് എംബഡിങ്ങ് എന്തിനുവേണ്ടിയാണ്?

സിബു ഫോണ്ട് എംബഡിങ്ങിനുവേണ്ടിപറയുന്ന ന്യായങ്ങള്‍ ഇവയാണ്.

1. ഫോണ്ട് ക്രിയേറ്ററുടെ ഇന്റലക്ച്വല്‍ പ്രോപ്പര്‍ട്ടി പ്രൊട്ടക്ഷന്‍
2. വെബ് എഡിറ്റര്‍ സോഫ്റ്റ്വെയറുകളുടെ ഉപയോഗത്തിന്. കുറച്ചുനാള്‍ കഴിയുമ്പോള്‍ മലയാളത്തില്‍ തന്നെ അനേകം വ്യത്യസ്തങ്ങളായ നല്ല ഫോണ്ടുകളുണ്ടാവും എന്നോര്‍ക്കണം. ഓരോ വെബ് എഡിറ്റര്‍ ഉപയോഗിക്കുമ്പോഴും യൂസര്‍ ആ ഫോണ്ടുകള്‍ ഡൌണ്‍ലോഡ് ചെയ്ത് ഇന്‍സ്റ്റാ‍ള്‍ ചെയ്യണം എന്നുവരുന്നത്‌ കഷ്ടമല്ലേ.
3. പത്രങ്ങള്‍ക്കും ബ്ലോഗുകള്‍ക്കും കൃത്യമായതും നല്ലതുമായ യൂസര്‍ എക്സ്പീരിയന്‍സ് കൊടുക്കാന്‍. ഇന്നത്തെ രീതിയില്‍ ഒരു ബ്ലോഗ് വായിക്കാന്‍ വരുന്നയാള്‍, എഴുതിയ ആളുദ്ദേശിച്ച പോലെ കാണണമെങ്കില്‍ അവിടെ ഉപയോഗിച്ചിരിക്കുന്ന ഫോണ്ടുകള്‍ ഡൌണ്‍ലോഡ് ചെയ്ത്‌ ഇന്‍സ്റ്റാള്‍ ചെയ്യേണ്ടിവരും.

ഇതില്‍ ഒന്നാമത്തെ കാരണം ഉപഭോക്താവിന്റെ സ്വാതന്ത്ര്യത്തെ ഹനിക്കുന്നതാണ്. ഞാനെങ്ങനെകാണണം എന്നു തീരുമാനിക്കുന്നത് ഞാനല്ല എന്നതാണ് ഇതിലെ പ്രധാന പ്രശ്നം. (ഫോണ്ട് അഥവാ അക്ഷരരൂപം എന്നത് കോപ്പിറൈറ്റ് നിയമത്തിനടിയിലാണ് വരുന്നത്. "ഇന്റലക്ച്വല്‍ പ്രോപ്പര്‍ട്ടി" എന്ന വാക്ക് തെറ്റിദ്ധാരണാജനകമാണെന്ന് ആദ്യം പറഞ്ഞോട്ടെ . കാരണം ഇവിടെ)। സാധാരണയായി ഒരു പേജ് ഏതുഫോണ്ടില്‍ കാണിക്കണമെന്നു തീരുമാനിക്കുവാനുള്ള നിര്‍മ്മാതാവിന്റെ അവകാശം ആ പേജിന്റെ CSS (cascading style sheet)ല്‍ ഫോണ്ട് ഫാമിലി തീരുമാനിക്കുന്നതിലൊതുങ്ങുന്നു. അത് W3C സ്റ്റാന്‍ഡേര്‍ഡ് അനുസൃതമായതിനാല്‍ എല്ലാ ബ്രൌസറിലും വ്യക്തമായി കാണാനാകും. (ഹരീ ഇതെക്കുറിച്ചെഴുതിയിരിക്കുന്നത് ഇവിടെ വായിക്കാം) പിന്നെ എഴുതിയ ആളുദ്ദേശിച്ച പോലെ കാണണമെങ്കില്‍ അവിടെ ഉപയോഗിച്ചിരിക്കുന്ന ഫോണ്ടുകള്‍ ഡൌണ്‍ലോഡ് ചെയ്ത്‌ ഇന്‍സ്റ്റാള്‍ ചെയ്യേണ്ടിവരും എന്നത് ഒരിക്കലും ഒരു കുറവല്ല. ഇപ്പോള്‍ എങ്ങനെയാണ് ഫോണ്ടുകള്‍ ലഭ്യമാകുന്നത്? രണ്ടാമത്തേത് ഒന്നുമല്ലാത്ത ഒരു ഇഷ്യൂ ആണ് . വെബ് എഡിറ്ററെന്താ Font Dependent ആണോ? എന്തായാലും എല്ലാം യൂണിക്കോഡല്ലേ മാഷെ.

മൂന്നാമത്തെതില്‍ അല്പം കാര്യമുണ്ട്. "കൃത്യമായതും നല്ലതുമായ യൂസര്‍ എക്സ്പീരിയന്‍സ് " എന്ന പോയന്റില്‍ .അതിനുള്ള പരിഹാരം വഴിയേ പറയാം

ഫോണ്ട് എംബഡിങ്ങ് സ്വീകരിക്കാവുന്ന ഒരു പരിഹാരമല്ലാത്തതെന്തുകൊണ്ട് ?

കഴിഞ്ഞുപോയ കാലത്തിന്റെ പ്രതിനിധിയായാണ് ഞാന്‍ ഫോണ്ട് എംബഡിങ്ങിനെ കാണുന്നത്. കാരണം അത് വിന്‍ഡോസിലെ ഇന്റര്‍നെറ്റ് എക്സ്പ്ലോററില്‍ മാത്രമേ എന്നത് ഒന്നാമത്തെ കാരണം . ഇന്റര്‍നെറ്റ് എക്സ്പ്ലോററിന്റെ മാര്‍ക്കറ്റ് പങ്കാളിത്തം അതിവേഗം കുറഞ്ഞുകൊണ്ടിരിക്കുകയാണ്. ഫയര്‍ഫോക്സിനെ പിന്തുണക്കാത്ത ഒരു ടെക്നോളജിയാണിത്. ഉപഭോക്താവിന്റെ അനുവാദമില്ലാതെ ഫോണ്ട് ഡാറ്റ നമ്മുടെ കമ്പ്യൂട്ടറിലേക്ക് ഡൌണ്‍ലോഡ് ചെയ്യുന്നതുതന്നെ ഫയര്‍ഫോക്സിന്റെ നിര്‍മ്മാണതത്വങ്ങള്‍ക്കെതിരാണ്. (ActiveX നെ ഫയര്‍ഫോക്സ് പിന്തുണക്കാത്തതിനു കാരണവും ഇതുതന്നെയാണ്) . അതുപോലെ ഫോണ്ട് ഉപയോഗരീതി എല്ലായ്പോളും ഓപ്പറേറ്റിങ്ങ് സിസ്റ്റം ആര്‍ക്കിടെക്ചര്‍ അധിഷ്ഠിതമായതിനാല്‍ അതിനാല്‍ സിബു പറഞ്ഞ സ്പെസിഫിക്കേഷനുണ്ടാക്കുകയെന്ന "അടിപൊളി പ്രൊജക്റ്റൊന്നും" നടക്കുന്ന കാര്യമല്ല. വെഫ്റ്റ് ഒരു തുറന്ന സ്റ്റാന്‍ഡേര്‍ഡ് അല്ലാത്തത്തതിന്റെ പ്രശ്നം അടുത്തത്.

മലയാളത്തില്‍ ഒട്ടനവധി ഫോണ്ടുകള്‍ ഇനിയുമുണ്ടാകും. ചിലപ്പോള്‍ വെബ് ഉപയോഗത്തില്‍ ഒന്നിലധികം ഫോണ്ടുകള്‍ ഒരേപേജില്‍ത്തന്നെ വേണ്ടിവന്നേക്കാം. "കൃത്യമായതും നല്ലതുമായ യൂസര്‍ എക്സ്പീരിയന്‍സ് " നല്‍കാന്‍ അപ്പോള്‍ ഫോണ്ട് എംബഡിങ്ങിനെ ആശ്രയിച്ചാല്‍ എന്തുപറ്റുമെന്നു നോക്കാം. എത്ര ഫോണ്ടുകള്‍ പേജില്‍ ആവശ്യമാണോ അത്രയും ഫോണ്ടുകള്‍ എംബഡ് ചെയ്യേണ്ടിവരുന്നു. വെബ് പേജിന്റെ വലിപ്പം ഒരുപാട് വര്‍ദ്ധിക്കുന്നു (സിബു, റാല്‍മിനോവ്, കമ്പ്യൂട്ടറില്‍ ഫോണ്ടുണ്ടെങ്കിലും ഇത് ആ ഫോണ്ട് പിന്നെയും ഡൌണ്‍ലോഡ് ചെയ്യുമോ എന്നൊന്നു വ്യക്തമാക്കാമോ?).എന്നാലോ. ഇന്റര്‍നെറ്റ് എക്സ്പ്ലോററിലൊഴിച്ച് എവിടെയും ഇതിന്റെ ഫലം കിട്ടുകയുമില്ല. ചുരുക്കിപ്പറഞ്ഞാല്‍ ഇതൊരു മുടന്തന്‍ ടെക്നോളജിയായി മാറുന്നു.

(അതിനോടൊപ്പം എംബഡബിള്‍ ഫോണ്ട്, ചെറിയഫോണ്ട് തുടങ്ങിയവ പുതിയലിപി വാദങ്ങളായി അവതരിക്കാനും സാധ്യതയുണ്ട് , സിബു മുന്‍പൊരിക്കല്‍ കമ്പ്യൂട്ടര്‍ ഡിസ്പ്ളേയ്ക്ക് നല്ലത് പുതിയലിപിയാണെന്നു പറഞ്ഞതുകൂടി കണക്കിലെടുക്കുമ്പോ)

ഫോണ്ട് "എംബഡിങ്ങല്ലാതെ കൃത്യമായതും നല്ലതുമായ യൂസര്‍ എക്സ്പീരിയന്‍സിന് "വേറെ വഴിയില്ലേ?

നിരവധി മാര്‍ഗ്ഗങ്ങളുണ്ടാകാം. എനിക്കു പെട്ടെന്നുതോന്നുന്ന ഒരു രൂപഭംഗിവര്‍ദ്ധിപ്പിക്കല്‍ പരിപാടി സൈഫര്‍ (sIFR- Scalable Inman Flash Replacement)എന്ന സ്വതന്ത്ര ടെക്നോളജിയാണ്. ഇത് മൈക്ക് ഡേവിഡ്സണ്‍ , മാര്‍ക്ക് വുബന്‍ എന്നിവര്‍ ചേര്‍ന്ന് വികസിപ്പിച്ചതാണ്. ഇത് XHTML ലും ഫ്ലാഷും ചേര്‍ത്ത ഒരു പരിഹാരമാണ്. ഗ്നു ലെസ്സര്‍ ജനറല്‍ പബ്ലിക് ലൈസന്‍സിലാണ്(LGPL) ഇത് ലഭ്യമായിരിക്കുന്നത്. സൈഫറിന്റെ ഒരു ഉദാഹരണ പേജ്നോക്കുക. ഇതിന്റെ പ്രവര്‍ത്തനം താഴെപ്പറയുന്നപോലെയാണ്.

1. ഒരു സാധാരണ (X)HTML പേജ് ബ്രൌസറില്‍ തുറന്നുവരുന്നു.
2. ഒരു ജാവസ്ക്രിപ്റ്റ് ഫങ്ഷന്‍ ഫ്ലാഷ് ഇന്‍സ്റ്റാള്‍ ചെയ്തിട്ടുണ്ടോ എന്നും ഏതെല്ലാം ഭാഗങ്ങള്‍ക്കാണ് സൈഫര്‍ ആവശ്യമെന്നും പരിശോധിക്കുന്നു.
3. ഫ്ലാഷ് ഇന്‍സ്റ്റാള്‍ ചെയ്തിട്ടില്ലെങ്കില്‍ (ജാവാസ്ക്രിപ്റ്റ് ഓഫാണെങ്കിലും), (X)HTML പേജ് സാധാരണ പോലെ കാണിക്കുന്നു. ഫ്ലാഷുണ്ടെങ്കില്‍ ജാവാസ്ക്രിപ്റ്റ് നിങ്ങളുടെ സോഴ്സ് ഫയല്‍ പരിശോധിച്ച് ഓരോ സൈഫര്‍ എലമെന്റിനേയും അളക്കുന്നു.
4. അളന്നുകഴിഞ്ഞ ശേഷം ജാവസ്ക്രിപ്റ്റ് യഥാര്‍ത്ഥ വസ്തുതകള്‍ക്കുമുകളില്‍ (അതായത് നമ്മുടെ ടെക്സ്റ്റിനു മുകളില്‍) ഒരു പാട പോലെ കൃത്യമായ അളവുകളില്‍ ഒരു ഫ്ലാഷ് മൂവി ഉണ്ടാക്കുന്നു
5. ഓരോ ഫ്ലാഷ് ഫയലിലും അടങ്ങിയ ആക്ഷന്‍സ്ക്രിപ്റ്റ് നമ്മള്‍ നിര്‍ദ്ദേശിച്ച ഫോണ്ട് ഉപയോഗിച്ച് ഫ്ലാഷ് മൂവിക്കനുയോജ്യമായ രീതിയില്‍ നമ്മുടെ ടെക്സ്റ്റിനെ വരക്കുന്നു.

ഈ രീതി 90 % ബ്രൌസറുകളിലും പ്രവര്‍ത്തിക്കുന്നതാണ്. പക്ഷേ ഇപ്പോള്‍ ഇതിന് യൂണിക്കോഡ് സപ്പോര്‍ട്ട് ഇല്ല. ഗ്നാഷ് എന്ന ഗ്നു പ്രൊജക്റ്റിന്റെ സ്വതന്ത്ര ഫ്ലാഷ് പ്ലേയറില്‍ യൂണിക്കോഡ് സപ്പോര്‍ട്ട് ഉള്ളതുകൊണ്ട് സൈഫറിലും ഇത് പ്രായോഗികമാക്കാവുന്നതാണ്. ഇതൊരു നല്ല പ്രൊജക്റ്റ് ഐഡിയയാണെന്നു തോന്നുന്നു.

യൂണിക്കോഡ് സപ്പോര്‍ട്ട് ഓപ്പറേറ്റിങ്ങ് സിസ്റ്റത്തിലില്ലെങ്കില്‍ക്കൂടി യൂണിക്കോഡില്‍ പേജ് കാണിച്ചുകൊടുക്കാനാവും എന്ന പ്രത്യേകതയും ഇതിനുണ്ട്. സൈഫര്‍ കോഡിനെ സ്വതന്ത്ര കണ്ടന്റ് മാനേജ്മെന്റ് സിസ്റ്റങ്ങളുമായി ബന്ധിപ്പിച്ചാല്‍ , (ഉദാഹരണത്തിന്, ദ്രുപല്‍, വേര്‍ഡ്പ്രസ് , ജൂംല പ്ലഗ്ഗിനുകള്‍ )ഒരേ ഒരു തവണ ഓരോഭാഗത്തിനും വേണ്ട അക്ഷരസഞ്ചയം ഏതെന്നു തിരഞ്ഞെടുക്കാനുള്ള പ്രിഫറന്‍സ് കൊടുത്താല്‍ വെബ്സൈറ്റിന്റെ രൂപഭംഗി തീരുമാനിക്കപ്പെടുന്നതിനെപ്പറ്റി ആലോചിചു നോക്കൂ. ഡെവലപ്പര്‍മാരെ ഓടി വരൂ.

ഇത് എന്തായാലും ഫോണ്ട് എംബഡിങ്ങിനേക്കാള്‍ കൂടുതല്‍ പ്ലാറ്റ്ഫോമുകളില്‍ പ്രവര്‍ത്തിക്കുന്ന മാര്‍ഗ്ഗമാണെന്നു മനസ്സിലായല്ലോ. അതുപോലെ ഇനിയും വഴികള്‍ കണ്ടേക്കാം. ഇതൊരുദാഹരണം മാത്രം

അപ്പോള്‍ ഈ പ്രശ്നത്തിനു ശാശ്വത പരിഹാരമെന്ത്?

ഹരിയും ജിനേഷും പറഞ്ഞപോലെ ഒരു സ്വതന്ത്രവും സ്റ്റാന്‍ഡേര്‍ഡുമായ അക്ഷരരൂപസഞ്ചയം ഉണ്ടാക്കുകയാണ് ഇതിനു പരിഹാരം. അപ്പോള്‍ അവയെ ഫോണ്ട്ഫാമിലിയായി CSSല്‍ത്തന്നെ രേഖപ്പെടുത്താവുന്നതാണ്. മലയാളത്തിന് ഒരു ഫോണ്ട് സ്റ്റാന്‍ഡേര്‍ഡൈസേഷന്‍ ഗ്രൂപ്പ് വേണ്ടതിലേക്കാണ് ഇത് വിരല്‍ ചൂണ്ടുന്നത്.

ഗ്നുവും ജിപിഎല്ലും ഫോണ്ട് എംബഡിങ്ങും

2007-09-21T01:36:00.000+05:30

റാല്‍മിനോവ് ഇവിടെ ഉന്നയിച്ച സംശയങ്ങള്‍ക്കുള്ള മറുപടി

വോള്‍ട്ടിന്റെ കഥയൊന്നും എനിക്കറിയില്ല. കാരണം അതെന്താന്നു തന്നെ വല്യേ പിടുത്തം പോരാ.
പിന്നെ ബാക്കിക്കാര്യം

ഒരു ഗ്നു ഫോണ്ട് എംബഡ് ചെയ്താല്‍ ആ ഡോക്യുമെന്റ് ഗ്നുവില്‍ പെടുമോ ? അങ്ങനെയെങ്കില്‍ ആ ഫോണ്ടുപയോഗിച്ചു് പ്രസിദ്ധീകരിക്കുന്ന പത്രവും അതില്‍ പെടണ്ടേ, പെടുമോ ?

റാല്‍മിനോവെ , ഗ്നുവും ജിപിഎല്ലും തമ്മില്‍ വ്യത്യാസമുണ്ട്. ഗ്നു ഒരു പ്രോജക്ടിന്റെ പേരാണ്. യുണിക്സിനെപ്പോലുള്ള ഒരു സ്വതന്ത്ര ഓപ്പറേറ്റിങ്ങ് സിസ്റ്റം നിര്‍മ്മിക്കുക എന്ന ഉദ്ദേശ്യത്തോടെ 1983ല്‍ സ്റ്റാള്‍മാന്‍ തുടങ്ങിയ പ്രോജക്ടാണിത്. ജിപിഎല്‍ എന്നാല്‍ ഒരു ലൈസന്‍സാണ്. അത് ഗ്നു പ്രൊജക്ടിന്റെ ഭാഗമായി നിര്‍മ്മിച്ചതായതിനാല്‍ ഗ്നു ജിപിഎല്‍ എന്നു പറയുന്നു. ലോകത്ത് 70% ത്തോളം സ്വതന്ത്ര സോഫ്റ്റ്വെയറുകളും ഈ ലൈസന്‍സാണ് ഉപയോഗിക്കുന്നത്. അതുകൊണ്ട് ഗ്നു എന്നു മാത്രം പറഞ്ഞാല്‍ അര്‍ത്ഥം മാറിപ്പോകും . ജിപിഎല്‍ എന്നോ ഗ്നു ജിപിഎല്‍ എന്നോ പറയുക.

ഈ എംബഡ് എന്ന വാക്കാണു പ്രശ്നം. അതായത് നമ്മള്‍ മലയാളത്തില്‍ യൂണിക്കോഡ് ഫോണ്ട് ഉപയോഗിച്ച് ഒരു പിഡിഎഫ് ഉണ്ടാക്കിയെന്നിരിക്കട്ടെ. നമ്മള്‍ക്കാ പിഡിഎഫ് കാണാനാകുന്നത് അതിനുള്ളില്‍ ഈ ഫോണ്ട് എംബഡ് ചെയ്തതുകൊണ്ടാണ്. ഇനി ആ ഫോണ്ട് ജിപിഎല്‍ ആണെന്നിരിക്കട്ടെ നമ്മളുണ്ടാക്കുന്ന പിഡിഎഫ് ആ ഫോണ്ടുള്‍ക്കൊള്ളിച്ച പുതിയൊരു സാധനമാണ്. ജിപിഎല്‍ ഫോണ്ട് ഉള്‍ച്ചേര്‍ന്നതിനാല്‍ അതിന്റെ വിതരണം ജിപിഎല്‍ അനുശാസിക്കുന്ന രീതിയിലേ പറ്റൂ. ഇത് യഥാര്‍ത്ഥത്തില്‍ കോപ്പിറൈറ്റ് നിയമത്തിന്റെ ഒരു പ്രശ്നമാണ്. കൂടുതല്‍ ഇവിടെ. സാധാരണ വെബ് ഉപയോഗത്തിന് ബാധകമാണിതെന്ന് എനിക്കു തോന്നുന്നില്ല. സൈറ്റില്‍ എംബഡ് ചെയ്യുന്ന കാര്യത്തില്‍ എനിക്കത്ര വിവരം പോരാ. ഇത് ഒട്ടനവധി പ്രായോഗിക ബുദ്ധിമുട്ടുകളുണ്ടാക്കുന്നു. അതിനാലാണ് ഫോണ്ട് എക്സപ്ഷന്‍ എന്ന പരിപാടി തുടങ്ങിയത്.
ഇത് ഫോണ്ട് നിര്‍മ്മാതാക്കള്‍ തന്നെ അതുണ്ടാക്കുമ്പോള്‍ ജിപിഎല്‍ ലൈസന്‍സിനു താഴെ ചെറിയൊരു കുറിപ്പുകൂടി കൂട്ടിച്ചേര്‍ക്കുന്ന പരിപാടിയാണ്.
ഇതാണ് കുറിപ്പ്

As a special exception, if you create a document which uses this font, and embed this font or unaltered portions of this font into the document, this font does not by itself cause the resulting document to be covered by the GNU General Public License. This exception does not however invalidate any other reasons why the document might be covered by the GNU General Public License. If you modify this font, you may extend this exception to your version of the font, but you are not obligated to do so. If you do not wish to do so, delete this exception statement from your version.

രചന(Rachana_w01) ഫോണ്ടില്‍ ഇതില്ല. അതുകൊണ്ട് രചന എംബഡ് ചെയ്തതൊക്കെ ജിപിഎല്‍ ആയി മാറും. രചനയില്‍ വേണമെങ്കില്‍ ഹുസ്സൈന്‍ മാഷോട് പറയുക. പുതിയതായിറക്കിയ മീരയില്‍ ഇതുണ്ട്. അതുകൊണ്ട് എവിടെയും ധൈര്യമായി എംബഡ് ചെയ്യാം.

പിന്നെ ജിപിഎല്‍ ലൈസന്‍സ്. അത് തന്നെപ്പോയി വായിച്ചു പഠിച്ചേ ഒക്കൂ. കൂടുതല്‍ സംശയങ്ങള്‍ക്ക് ലൈസന്‍സിങ്ങ് അറ്റ് ഗ്നു.ഓര്‍ഗില്‍ ഒരു മെയിലിടുക.

പിന്‍മൊഴി, കോടിപതി, കോണ്‍സ്പിരസി (അതായത് സിബു, ചെറുവക, രചന)

2007-09-20T10:58:00.000+05:30

ചെറുവകയിലെ സിബുവിന്റെ ഈ കമന്റിനുള്ള മറുപടി

സിബു:പിന്മൊഴി നിറുത്തി കോടിപതിയായപോലെ തന്നെയേ ഉള്ളൂ ഇവിടെയെമ്പാടും ചിതറിക്കിടക്കുന്ന എനിക്കെതിരെയുള്ള (ഉമേഷിനെതിരേയും) കോണ്‍സ്പിരസി ആരോപണങ്ങള്‍. അവയ്ക്ക്‌ മറുപടി പറഞ്ഞ്‌ സമയം കൊല്ലാനില്ല. എന്റെ ചോദ്യങ്ങളെല്ലാം എനിക്ക് വ്യക്തിപരമായി ഉണ്ടായിരുന്ന ടെക്നിക്കല്‍ സംശയങ്ങള്‍ തീര്‍ക്കുക ലക്ഷ്യം വച്ചുള്ളവയാണ്. അത്‌ രചനയെ ബോധ്യപ്പെടുത്തുക എങ്ങനെയാണെന്നറിയില്ല. അതില്‍ ഞാന്‍ അമ്പേ പരാജയപ്പെട്ടെങ്കിലും കാര്യങ്ങളെ പോസ്റ്റിറ്റീവായി കാണാനേ ഇനിയും ഉദ്ദേശിച്ചിട്ടുള്ളൂ...

എതിനാ വെറുതെ ഉമേഷിനെ കൂട്ടിനു വിളിക്കുന്നത്. ഒറ്റക്കങ്ങേറ്റിയാല്‍ പോരെ. ഉമേഷ് ലൈസന്‍സിങ്ങ് സംശയം മാത്രമേ ചോദിച്ചിട്ടുള്ളൂ. സിബൂ ഇതിലൊരു കോണ്‍സ്പിരസിയുമുണ്ടെന്നു ഞാന്‍ വിശ്വസിക്കുന്നില്ല. ഉമേഷാണെങ്കില്‍ സ്വന്തം നിലപാട് വ്യക്തമാക്കുകയും ചെയ്തു. സിബുവിന്റെ ഈഗോ പ്രശ്നങ്ങള്‍ മാത്രമേ എനിക്കു കാണാനുള്ളൂ. സിബുവിന്റെ കാളമൂത്രം പോലെയുള്ള (ചാഞ്ചാടിക്കളിച്ചാലും ഒഴിക്കുന്നത് മൂത്രമായിരിക്കണം എന്ന നിര്‍ബന്ധം) നിലപാടുകളാണ് ഇത്രയും പറയിപ്പിച്ചത്. പക്ഷേ ഒരു തരത്തില്‍ ഞാന്‍ സിബുവിനോട് കടപ്പെട്ടിരിക്കുന്നു. മലയാളം ബ്ലോഗുലകത്തില്‍ ആദ്യമായി സ്വതന്ത്ര സോഫ്റ്റ്വെയര്‍ ലൈസന്‍സുകളെക്കുറിച്ച് , അതിന്റെ സ്വാതന്ത്ര്യങ്ങളെക്കുറിച്ച് സംസാരിക്കാന്‍ അവസരം ഒരുക്കിയതിന് . അത് സിബുവിന് മനസ്സിലായില്ലെങ്കിലും ( മനസ്സിലായി എന്നു സമ്മതിച്ചില്ലെങ്കിലും എന്നു തിരുത്തിവായിക്കാനപേക്ഷ) മറ്റ് ഒരുപാടുപേര്‍ ഇതു വായിച്ചിട്ടുണ്ട്. മനസ്സിലാക്കിയിട്ടുണ്ടുമുണ്ട്. പിന്നെ രചന അക്ഷരവേദിക്കാരൊന്നും ഈ ചര്‍ച്ചയില്‍ വന്നുകണ്ടില്ല. അതുകൊണ്ട് സിബുവിനനുകൂലമായില്ലെങ്കില്‍ അവര്‍ രചനയാണ് എന്നത്, "നിങ്ങള്‍ ഞങ്ങള്‍ക്കൊപ്പമില്ലെങ്കില്‍ തീവ്രവാദികള്‍ക്കൊപ്പമാണ്" എന്നു ജോര്‍ജ് ബുഷ് പറയുംപോലെത്തന്നെ പരിഹാസ്യമാണ്. ഇവിടെ ഞാനായാലും പ്രവീണായാലും സന്തോഷായാലും സുറുമയാലും സംസാരിച്ചത് സ്വതന്ത്രസോഫ്റ്റ്വെയറിന്റെ നിര്‍മാണത്തെക്കുറിച്ചും ലൈസന്‍സിങ്ങിനെക്കുറിച്ചുമാണ്. രചനയായല്ല. ചോദ്യം ഫ്രീ ഫോണ്ടാണോ എന്നായിരുന്നല്ലോ. സ്വന്തം ബ്ലോഗില്‍ത്തന്നെ എല്ലാവാദങ്ങളും തോറ്റമ്പിയ സ്ഥിതിക്ക് ഒരു രക്ഷപ്പെടല്‍ സിബുവിനും ആവശ്യമാണ്. ഈഗോ കൂടുതലായതിനാല്‍ പ്രത്യേകിച്ചും . അപ്പോഴാണ് പിന്‍മൊഴി, കോടിപതി, കോണ്‍സ്പിരസി, എന്നീ വാക്കുകള്‍ വരുന്നത്.

സിബുവിന് മനസ്സിലായതിത്രമാത്രം

സിബു: * രചന ഒരു ഓപ്പണ്‍ ഫോണ്ടാണ്. ബാക്കി കുറേ ഫോണ്ടുകളും കൂടി ഓപ്പണ്‍ സോര്‍സ് ആണെന്ന്‌ മനസ്സിലായി. അവയെ പറ്റി വരമൊഴി വിക്കിയില്‍ ഡോക്യുമെന്റ് ചെയ്തുകഴിഞ്ഞു. രചനയുടെ ഹോസ്റ്റിംഗ് സൈറ്റ് മനസ്സിലായതും നന്നായി. വിന്‍ഡോസിനുവേണ്ടി ഉണ്ടാക്കിയ ഫോണ്ടില്‍, വിന്‍ഡോസ് ഫോണ്ട് വ്യൂവറിലൂടെ നോക്കുമ്പോള്‍, ഗ്നൂ എന്ന്‌ കാണാവുന്ന രീതിയില്‍ വയ്ക്കുന്നത്‌ നന്നായിരിക്കും എന്നുതന്നെ വിശ്വസിക്കുന്നു - ഫോണ്ടുകളെ പറ്റി അധികമറിയാത്ത എന്നേപ്പോലെ പലര്‍ക്കും കാര്യങ്ങള്‍ വ്യക്തമാവുന്നതിന്.

ഫ്രീ ഫോണ്ടാണോ എന്ന ചര്‍ച്ച ഫ്രീ ഫോണ്ടാണ് (സ്വതന്ത്ര ഫോണ്ടാണ്)എന്നു തന്നെ അവസാനിപ്പിക്കുകയല്ലേ നല്ലത്. പ്രത്യേകിച്ചും അത് ബ്ലോഗ് വായിക്കുന്നവര്‍ക്കെല്ലാം മനസ്സിലായ സാഹചര്യത്തില്‍. എന്തിനാ വെറുതെ ഓപ്പണ്‍ ഫോണ്ട് എന്ന പുതിയ ടെര്‍മിനോളജി. രചനയുടെ ഹോസ്റ്റിങ്ങ് സൈറ്റ് സാവന്നയാണ്. പിന്നെ രാമായണം മുഴുവന്‍ പറഞ്ഞ് കഴിഞ്ഞ് പണ്ടാരോ ചോദിച്ച ചോദ്യമാണ് "വിന്‍ഡോസിനുവേണ്ടി ഉണ്ടാക്കിയ ഫോണ്ടില്‍, വിന്‍ഡോസ് ഫോണ്ട് വ്യൂവറിലൂടെ നോക്കുമ്പോള്‍, ഗ്നൂ എന്ന്‌ കാണാവുന്ന രീതിയില്‍ വയ്ക്കുന്നത്‌ നന്നായിരിക്കും എന്നുതന്നെ വിശ്വസിക്കുന്നു" എന്ന വാക്യം കാണുമ്പോള്‍ ഓര്‍മ്മ വരുന്നത്

സിബു: * രചന മൈക്രോസോഫ്റ്റിലേയ്ക്കാവശ്യമുള്ള ഫോണ്ട് ടേബിളുകളുണ്ടാക്കുന്നത്‌ ഞാന്‍ മുമ്പ്‌ കരുതിയിരുന്നതില്‍ നിന്നും വ്യത്യസ്തമായി ഫോണ്ട്ഫോര്‍ജിലാണ്. അതുകൊണ്ട് സോഴ്സ് ചോദിക്കുന്നതില്‍ അര്‍ഥമില്ല എന്നത്‌ ശരിയാണ്. വോള്‍ട്ടിലായിരുന്നെങ്കില്‍, വോള്‍ട്ട് സോഴ്സ് ഉണ്ടായിരുന്നെങ്കില്‍, കാര്യങ്ങള്‍ മോഡിഫൈ ചെയ്യാന്‍ എളുപ്പമുണ്ടായിരുന്നു എന്നു് ഇപ്പോഴും തോന്നുന്നു.

നാടുമുഴുവന്‍ ഉബണ്ടു സിഡികള്‍ പറന്നുകളിക്കുമ്പോള്‍ ഫോണ്ട് ഫോര്‍ജില്‍ ഒന്നെഡിറ്റ് ചെയ്യല്‍ ഇത്രവലിയ പണിയാണെന്ന് ഇപ്പോളാണറിഞ്ഞത്. ജീവിതകാലത്ത് ഒരു ഫോണ്ടെങ്കിലും തുറന്നുനോക്കാതെയല്ലേ ഈ വാചകമടി. വിന്‍ഡോസില്‍ വോള്‍ട്ട് സോഴ്സ് (ഏതു ഫോണ്ടിനും) ഉണ്ടാക്കുന്നതെങ്ങനെയെന്ന് റാല്‍മിനോവ് ഇവിടെ എഴുതിയിട്ടുണ്ട് .

സിബു ചെറുവകയില്‍ ഉന്നയിച്ച സംശയങ്ങള്‍ക്കുള്ള മറുപടി

2007-09-17T11:49:00.000+05:30

സിബു ചെറുവകയില്‍

തന്നലിങ്കനുസരിച്ച്‌ ആ സമയത്തെ ഫോണ്ടു് ഡൌണ്‍ലോഡ് ചെയ്യുകയുണ്ടായി. അത്‌ വിന്‍ഡോസില്‍ വര്‍ക്ക്‌ ചെയ്യുന്നില്ല; ലിനക്സില്‍ വര്‍ക്ക് ചെയ്യുന്നോ എന്ന്‌ നോക്കിയില്ല. ആത്യന്തികമായി തറക്കല്ലിട്ടസമയമല്ല, പൊതുജനങ്ങള്‍ക്ക്‌ ഉപയുക്തമായരീതിയില്‍ തുറന്നുകൊടുത്ത തീയതിയാണ് നോക്കേണ്ടത്‌. അതനുസരിച്ച്‌ അഞ്ജലി തന്നെ മലയാളത്തിലെ ഒന്നാമാത്തെ പഴയലിപിയുണീക്കോഡ് ഫോണ്ട്. എന്റെ കയ്യില്‍ ആ അഞ്ജലിയുടെ കോപ്പി കാണാനില്ല. കെവിന്റെ കയ്യിലുണ്ടാവേണ്ടതാണ്.

ആ പേജ് ഞാന്‍ ഇന്റര്‍നെറ്റ് ആര്‍ക്കേവില്‍ നിന്നെടുത്തതാണെന്നു ശ്രദ്ധിച്ചിരിക്കുമല്ലോ. രാമകൃഷ്ണന്റെ ആ വെബ്സൈറ്റിലെ http://hackgnu.org/rachana എന്ന വെബ് പേജായിരുന്നു അന്നത്തെ പ്രോജക്റ്റ് പേജ്. അത് നഷ്ടപ്പെട്ടതുകൊണ്ടാണ് ഇന്റര്‍നെറ്റ് ആര്‍ക്കേവ് ചൂണ്ടിക്കാട്ടിയത്. ഇപ്പോ സിബു ഒന്നുമില്ലായ്മയില്‍ നിന്നും തറക്കല്ലുവരെ മനസ്സിലാക്കിയല്ലോ . അല്പം കൂടി മനസ്സിരുത്തിയാല്‍ മുഴുവനും മനസ്സിലാക്കാവുന്നതാണ്. സിബു ഇപ്പോ ചോദിക്കുന്നത് രചന ഉപയോഗിച്ചവരുടെ അക്കാലത്തെ അനുഭവസാക്ഷ്യങ്ങള്‍ക്കാണ്. അല്പം കൂടി പരതിയാല്‍ ആ URL പോയിന്റ് ചെയ്യുന്ന നിരവധി ഫോണ്ട് വിലയിരുത്തലുകളും അനുഭവസാക്ഷ്യങ്ങളും സിബുവിന് കാണാവുന്നതാണ്. ഇനി ഗൂഗിള്‍ സെര്‍ച്ച് ചെയ്യാനും സിബുവിനെ പഠിപ്പിക്കേണ്ടി വരില്ലെന്നു കരുതുന്നു. പിന്നെ ബീറ്റ പൂര്‍ണ്ണമായും ശരിയായിരിക്കണമെന്ന് എന്തിനാണിത്ര നിര്‍ബന്ധം ? ബീറ്റയും , ആല്‍ഫയും റിലീസ് കാന്‍ഡിഡേറ്റുകളും എല്ലാം തകരാറുകള്‍ പരിഹരിക്കാനുള്ള സമയമാണ്. പിന്നെ സിബു ഇപ്പോള്‍ നേരത്തെപ്പറഞ്ഞതെല്ലാം വിഴുങ്ങിക്കഴിഞ്ഞല്ലോ .

സിബു തുടരുന്നു.

അന്നത്തെ പ്രാഗ്‌രചനയുണീക്കോഡില്‍ ശ്രദ്ധിച്ച ഒരു കാര്യമുണ്ട്. ലൈസന്‍സ് ഗ്നു-ജിപീല്‍ ആണെന്ന്‌ കോപ്പിറൈറ്റ് കോളത്തില്‍ എഴുതിയിരിക്കുന്നു. അതുപോലുള്ള ഒരു കോപ്പിറൈറ്റ് സ്റ്റേറ്റ്മെന്റാണ് ഞാന്‍ ഇന്നത്തെ രചനയ്ക്കും (ഏതുഫോണ്ടിനും) വേണം എന്നപേക്ഷിക്കുന്നത്‌. സണ്ണിന്റേതില്‍ നിന്നും വ്യത്യസ്ഥമായി ഡെവലപ്പേഴ്സല്ല; കമ്പ്യൂട്ടറിന്റെ അടിസ്ഥാനവിവരമുള്ള സാധാരണക്കാര്‍ക്ക്‌ വേണ്ടിയാണത്‌.

സ്വതന്ത്ര സോഫ്റ്റ്വെയറില്‍ ഡെവലപ്പര്‍ക്കോരുരീതി, സാധാരണക്കാര്‍ക്കൊരുരീതി എന്നൊന്നുമില്ല. അത് വിവരങ്ങള്‍ മറച്ചുവെക്കുന്ന കുത്തകകളുടെ രീതിയാണ്. നിങ്ങളിത്ര അറിഞ്ഞാല്‍ മതി എന്ന് ഒരു സ്വതന്ത്ര സോഫ്റ്റ്വെയറും പറയില്ല. സിബുവിനിപ്പോള്‍ വിന്‍ഡോസ് ഫോണ്ട് വ്യൂവറിനപ്പുറം ചിന്തിക്കാനാവാത്തത് അതുകൊണ്ടാണ്. കാരണം ഫോണ്ട് തുറന്നുനോക്കുക എന്ന ആവശ്യത്തിനു പ്രതിബന്ധമാകുന്നത് അതിന്റെ പ്രോപ്രൈറ്ററി സ്വഭാവവും വിലയുമായാണ്. ഈ പ്രശ്നങ്ങളൊന്നും സോഫ്റ്റ്വെയര്‍ സ്വാതന്ത്ര്യത്തിന്റെ ലോകത്തില്ല.

പിന്നെ രചനയുടെ കോപ്പിറൈറ്റ് നോട്ടീസില്‍ ജിപിഎല്‍ എന്നു കണ്ടതിനെപ്പറ്റി. അതിനുകാരണം അന്നു ഉപയോഗിച്ചിരുന്ന Pfaedit എന്ന ഉപകരണത്തില്‍ ലൈസന്‍സ് എന്ന ഫീല്‍ഡ് ഉണ്ടായിരുന്നില്ല എന്നതു മാത്രമാണ്. ഒക്ടോബറിലിറങ്ങിയ രചന മീഡിയം. OTF എന്ന അക്ഷരരൂപത്തിലും ഈ രീതി കാണാം. പക്ഷെ അത് ഡെവലപ്പറെ സംബന്ധിച്ച് കുറെ അധികജോലികളുണ്ടാക്കുന്നു. ജിപിഎല്‍ ലൈസന്‍സ് പ്രത്യേകമായി ഫോണ്ടിനൊപ്പം നല്‍കിയിരിക്കേണ്ടതാണ്. അപ്പൊ അത് എംബഡ് ചെയ്യുന്നതല്ലേ നല്ലത്.?

സിബു തുടരുന്നു.

രചനമറച്ചുവയ്ക്കുന്ന മറ്റൊരു കാര്യം കൂടിയുണ്ട് - വോള്‍ട്ട് സോഴ്സ്. അഞ്ജലി അത്‌ പബ്ലിഷ് ചെയ്തിരിക്കുന്നത്‌ ശ്രദ്ധിക്കുമല്ലോ. അതുണ്ടെങ്കില്‍ രചനയില്‍ മാറ്റം വരുത്തുവാന്‍ വളരെ എളുപ്പമായേനെ. രചനയുടെ ഗ്ലിഫുകളുപയോഗിച്ച്‌ ഒരു പുതിയലിപി ഫോണ്ടുണ്ടാക്കാന്‍ എനിക്ക്‌ താല്പര്യമുണ്ട്. ഫോണ്ടിന്റെ വലുപ്പം കഴിയാവുന്നത്ര കുറഞ്ഞ ഒന്ന്‌. പറ്റുമെങ്കില്‍ ഫോണ്ടുണ്ടാ‍ക്കാന്റുള്ള വിവിധ സ്റ്റെപ്പുകളെ നന്നായി വിവരിക്കുന്ന ഒരു വിക്കിലേഖനം കൂടി ഈ ഓപ്പണ്‍ ഫോണ്ടുകളോടൊപ്പം ഉണ്ടായിരുന്നെങ്കില്‍ എന്നാശിക്കുന്നു.. കൂടുതല്‍ മലയാളം ഫോണ്ടുകള്‍ ഉണ്ടാകാന്‍ അത്‌ സഹായിച്ചേനെ.

വോള്‍ട്ട് എന്ന ടൂള്‍ ഉപയോഗിച്ചാലല്ലേ വോള്‍ട്ട് സോഴ്സുണ്ടാകൂ. ഞാനറിയുന്ന കാലത്ത് Pfaedit (Fontforgeന്റെ ആദ്യരൂപം) ആണ് ഉപയോഗിച്ചത്. .sfd സോഴ്സ് ഫയല്‍ ഫോണ്ടിനൊപ്പം ഞാന്‍ തന്ന ബീറ്റയുടെ പേജില്‍ കാണാം. പിന്നെ ഓപ്പണ്‍ടൈപ്പ് ഫോണ്ടിന് സോഴ്സ് ഫയലുണ്ടോ എന്നതും ഒരു വിഷയമാണ്. കാരണം അത് ടെക്സ്റ്റ് ഡോക്യുമെന്റിന്റെ സോഴ്സ് അന്വേഷിക്കുന്നതു പോലെ നിരര്‍ത്ഥകമാണ്. പിന്നെ ഉള്ളത് പ്രൊജക്റ്റ് ഫയലാണ്. അതായിരിക്കും കെവിന്‍ നല്‍കിയിരിക്കുകയെന്നു ഞാന്‍ കരുതുന്നു. പിന്നെ സാങ്കേതികവശം . ഈ ചോദ്യം തന്നെ സിബു ഇതുവരെ ജിപിഎല്‍ എന്തെന്നു വായിക്കാന്‍ തയ്യാറായിട്ടില്ലെന്നതിനു തെളിവാണ്. ഉപയോക്താവ് ആവശ്യപ്പെടുമ്പോള്‍ സോഴ്സ് നല്‍കണമെന്നു മാത്രമേ ജിപിഎല്‍ അനുശാസിക്കുന്നുള്ളൂ. (പ്രൊജക്റ്റ് ഫയലിനെ സോഴ്സെന്നു പറയാറില്ലെങ്കിലും). ആ ഫോണ്ടൊന്നു ഫോണ്ട്ഫോര്‍ജില്‍ തുറന്നു .sfd ആയി സേവ് ചെയ്താല്‍ അത് സോഴ്സ് ഫയലായി. പിന്നെ എളുപ്പത്തിന്റെ കാര്യം. മേല്‍പ്പറഞ്ഞകാരണങ്ങളാല്‍ തന്നെ അതൊരു മണുക്കൂസ് ന്യായമാണ് . ശ്രമിച്ചില്ലെന്നു പറയുന്നതാവും ശരി. അഞ്ജലിയുടെ സോഴ്സ്ഫയല്‍ എന്നു പറയുന്ന സാധനം സിബു കക്ഷത്തു വച്ചു നടന്നിട്ടും ഒന്നു തുറന്നുനോക്കിയിട്ടില്ലെന്നു തോന്നുന്നു. പിന്നെ വിക്കിലേഖനം, സിബു എന്ന ക്ലയന്റിന്റെ ആവശ്യത്തിനനുസരിച്ച് നിര്‍മ്മിച്ചതല്ല രചന. അത് ഒരു ഹോബി പ്രോഗ്രാമാണ്. ഒരു കഥപോലെയൊ , ലേഖനം പോലെയോ ഒന്ന് . ഹുസ്സൈന്‍ എന്ന കലാകാരന്റെ സര്‍ഗ്ഗാത്മകത പ്രകടിപ്പിക്കാന്‍ അദ്ദേഹം തെരഞ്ഞെടുത്ത വഴി. തീര്‍ച്ചയായും മറ്റു സാമൂഹിക ഉദ്ദേശ്യങ്ങളും കണ്ടേക്കാം. ആഗ്രഹങ്ങളാകാം ... അത് മനുഷ്യ സഹജവുമാണ്. എല്ലാം രചനയുടെ പുറത്തേ ആകാവൂ എന്നത് മറ്റൊരസുഖമാണ്. പല്ലും നഖവുമുപയോഗിച്ച് കൊല്ലാനൊത്തില്ല. എന്നാലൊന്നു നക്കിക്കൊല്ലാന്‍ ശ്രമിച്ചാലൊ? .. അല്ലേ സിബൂ

പിന്നെ അഞ്ജലി .710 യുടെ ലൈസന്‍സ് ഞാന്‍ പഠിച്ചു. അത് നോണ്‍ ഫ്രീ ഫോണ്ടാണ്. അതിന്റെ ലൈസന്‍സ് എല്ലാത്തരം പുതുക്കലുകളെയുകളെയും തടയുന്നു. അതുകൊണ്ടുതന്നെ അത് സ്വതന്ത്ര ഫോണ്ടല്ല. കൂടുതല്‍ വിവരങ്ങള്‍ക്ക് ഗ്നു ഫ്രീ സോഫ്റ്റ്വെയര്‍ ഡെഫനിഷന്‍ കാണുക.

ഇടം

അതിനുശേഷവും അയാളുടെ മേല്‍ വെട്ടുകത്തിയുമായി...

മലയാള ഗ്രന്ഥവിവരം പ്രകാശനം ഇന്ന് തലശ്ശേരിയില്‍

വലതു കൈയില്‍ മറുകും ഇടതു കൈയില്‍ ആറു വിരലും ഉള്ളവര്‍ മാത്രം അപേക്ഷിക്കുക

മാക്ക്ബുക്കില്‍ ഗ്നു/ലിനക്സ് ഉപയോഗിക്കുന്നത് നിയമലംഘനമാണോ?

സ്വതന്ത്ര മലയാളം കമ്പ്യൂട്ടിങ്ങ് സമ്മേളനവും കെഡിഇ മലയാളം ഡെസ്ക്ടോപ്പിന്റെ അവതരണവും

Indo-US Nuclear Deal: Some Disturbing Developments and Comments

ഇഞ്ചിയുടെ ആണവകരാര്‍ പോസ്റ്റിനൊരു മറുപടി

ചെങ്ങറ ഭൂസമരം അവകാശപ്പെടുന്നത്

വിബ്‌ജിയോര്‍ ചലച്ചിത്ര മേള 2008

പുസ്തക പൈറസിയും മലയാള സിനിമയും :പൈറസി ചര്‍ച്ച തുടരുന്നു.

കടല്‍കൊള്ളക്കാരാര്?

പ്രിന്റര്‍ ക്രമീകരണം ഗ്നു/ലിനക്സില്‍

ഇന്‍സ്ക്രിപ്റ്റ് പഠിക്കാനൊരു കളി: മലയാളം മലയാളത്തില്‍ എഴുതാന്‍

യൂണിക്കോഡ് 5.1 ന്റെ കരട് പുറത്തിറങ്ങി.

കൊല്‍ക്കത്തയില്‍ നിന്നുള്ള കത്തുകള്‍

കൊല്‍ക്കത്തയില്‍ നിന്നുള്ള കത്തുകള്‍

ആണ്‍ലൈംഗികത്തൊഴിലാളികള്‍ ഫണ്ടിങ്ങ് ടാര്‍ഗറ്റ് ആകുമ്പോള്‍

സ്വതന്ത്രസോഫ്റ്റ്‌വെയര്‍: തെറ്റിദ്ധാരണകള്‍ തിരുത്തുമ്പോള്‍

സ്ത്രീധനം :കേരള സമ്പദ്​വ്യവസ്ഥയുടെ നട്ടെല്ല്

ആദ്യത്തെ മലയാളം യൂണിക്കോഡ് ഫോണ്ട് സ്വതന്ത്രസോഫ്റ്റ്​വെയര്‍ (തൂലികയല്ല.)

ഫോണ്ട് എംബഡിങ്ങ് ഒരു പരിഹാരമാണോ?

ഗ്നുവും ജിപിഎല്ലും ഫോണ്ട് എംബഡിങ്ങും

പിന്‍മൊഴി, കോടിപതി, കോണ്‍സ്പിരസി (അതായത് സിബു, ചെറുവക, രചന)

സിബു ചെറുവകയില്‍ ഉന്നയിച്ച സംശയങ്ങള്‍ക്കുള്ള മറുപടി

സ്ത്രീധനം :കേരള സമ്പദ്വ്യവസ്ഥയുടെ നട്ടെല്ല്

ആദ്യത്തെ മലയാളം യൂണിക്കോഡ് ഫോണ്ട് സ്വതന്ത്രസോഫ്റ്റ്വെയര്‍ (തൂലികയല്ല.)