ഇതു പുതിയവാര്‍ത്തയല്ല. ഇന്‍സ്ക്രിപ്റ്റ് കളിക്കാനൊരു കളി ഗ്നു/ലിനക്സിലുണ്ടു്. ടക്സ് ടൈപ്പ് എന്ന ഈ കളിയില്‍ മലയാളം പഠിക്കാനുള്ള സൗകര്യം കൂട്ടിച്ചേര്‍ത്തത് തൃശ്ശൂര്‍ ഗവ: എഞ്ചിനീയറിങ്ങ് കോളേജിലെ മോബിനും സുഹൃത്തുക്കളുമാണു്. സ്വതന്ത്രമലയാളം കമ്പ്യൂട്ടിങ്ങിന്റെ ഗൂഗിള്‍ സമ്മര്‍ ഓഫ് കോഡ് പ്രൊജക്റ്റിന്റെ ഭാഗമായിട്ടാണിവരിത് ചെയ്തത്.
മലയാളം കുട്ടികളെ പഠിപ്പിക്കാന്‍ മലയാളം മലയാളത്തില്‍ പഠിപ്പിക്കാന്‍ ഇതിനും രസകരമായ വഴിയെന്തുണ്ടു്? അടുത്ത വര്‍ഷത്തോടെ ഇത് എട്ടാം ക്ലാസിലെ ഗ്നു/ലിനക്സ് വിതരണത്തിലും ഉള്‍പ്പെടുത്തും. കൂടുതല്‍ വിവരങ്ങളിവിടെ
സെബിന്റെ ഈ പോസ്റ്റാണ് ഇങ്ങനെയൊരു കുറിപ്പെഴുതാന്‍ പ്രേരിപ്പിച്ചത്. സെബിന്‍ നന്ദി. ഞാനെപ്പോഴും കമ്പ്യൂട്ടിങ്ങ് ഉപയോഗിച്ചു തുടങ്ങുന്നവര്‍ക്ക് ഇന്‍സ്ക്രിപ്റ്റേ നിര്‍ദ്ദേശിക്കാറുള്ളൂ.. പണ്ട് ഇന്‍സ്ക്രിപ്റ്റ് സ്റ്റിക്കറുകള്‍ കീബോര്‍ഡിലൊട്ടിക്കാന്‍ ലഭ്യമായിരുന്നു. ഇപ്പൊ അതും കിട്ടാതായ കാലമാണ്.
മീന്‍പിടുത്തവും വാല്‍നക്ഷത്രത്തെ പിടിക്കലുമൊക്കെയായി രസകരമായ ഒരു കളിയാണ് ടക്സ് ടൈപ്പ് മലയാളം
10 പാഠങ്ങളാണ് കീബോര്‍ഡ് പഠനത്തിനായുള്ളത്. വേഗത വര്‍ധിപ്പിക്കാന്‍ ഗെയിമുകളും. കൂടുതല്‍ ഗെയിമുകള്‍ ചേര്‍ക്കാനുള്ള സൌകര്യവുമുണ്ട്. ഉപയോഗിക്കുക. smc-discuss@googlegroups.com ല്‍ കുറവുകള്‍ നിര്‍ദ്ദേശിക്കുക, പുതിയ പാക്കേജായതിനാല്‍ നമുക്കിതിനെ ഒരു പാട് മെച്ചപ്പെടുത്താം. 
ഇന്ത്യന്‍ ഭാഷകള്‍ക്കുള്ള പിന്തുണയും ടക്സ്ടൈപ്പില്‍ മോബിനും കൂട്ടരും ഇതിന്റെ ഭാഗമായി ഉണ്ടാക്കുകയുണ്ടായി. ഇനി ഏതു ഇന്ത്യന്‍ ഭാഷയ്ക്കും ടക്സ് ടൈപ്പ് പിന്തുണ ഉണ്ടാക്കാം.
Showing posts with label കീബോര്‍ഡ്. Show all posts
Showing posts with label കീബോര്‍ഡ്. Show all posts
Monday, December 10, 2007
ഇന്‍സ്ക്രിപ്റ്റ് പഠിക്കാനൊരു കളി: മലയാളം മലയാളത്തില്‍ എഴുതാന്‍
Subscribe to:
Posts (Atom)
